زیک
مسافر
برازیل سے بات نکلی ۔۔۔تھوڑی سی دیکھی تھی، پھر پتا نہیں کوئی کام تھا اٹھ گئی۔ خیریت؟
اردو محفل کے تمام محفلینز کے نام ۔۔۔ :)
- صاحب لڑی ماہی احمد
- تاریخ ابتداء
زیک
مسافر
ایک وقت تھا گراڈ سکول میں جب کچھ ایسا ہی تھاتو شاید آپ نائٹ شفٹ میں کام کرتے ہیں
فرحت کیانی
لائبریرین
السلام علیکم
پہلے تو بہت شکریہ ماہی احمد کہ آپ نے یاد رکھا۔ پھر جواب دینے میں ہونے والی تاخیر کے لیے انتہائی معذرت۔ مصروفیت نے کچھ پڑھنے و سوچنے و لکھنے کا موقع ہی نہیں دیا۔
آپ نے بہت اچھا لکھا اور محفل ومحفلین سے آپ نے لگاؤ کا اندازہ اس تحریر سے لگایا جا سکتا ہے۔ واقعی بہت پریشان کن بات ہوتی ہےجب محفل پر کوئی تلخی آمیز واقعہ رونما ہوتاہے۔ لیکن ہمیں یہ بھی نہیں بھولنا چاہئیے کہ یہاں مختلف سوچ و اندازِ فکر رکھنے والے لوگ آتے ہیں اور گفتگو میں تلخی ہونا بھی کوئی غیر معمولی بات نہیں۔ ہاں جہاں اعتدال کا دامن ہاتھ سے چھوٹ جائے وہاں حالات مزید بگاڑ کی جانب جاتے ہیں۔ پھر وقتی طور پر ہم ناراض بھی ہوتے ہیں ، غصہ بھی کرتے ہیں لیکن کچھ وقت گزرنے کے بعد پھر اسی محفل کی کشش ہمیں یہاں کھینچ لاتی ہے۔
مجھے لگتا ہے ہم اپنی سوچ میں شدت پسند ہیں۔ اپنے اپنے نظریہ کی حمایت کرتے ہوئے ہمیں اندازہ ہی نہیں ہوتا کہ ہم کیا کہہ رہےہیں۔ شاید ہم سب کو خود احتسابی کی ضرورت ہے۔ اخلاقیات و تحمل کا دامن تھامے رکھنا بہت مشکل ہے لیکن اگر ہم اس میں کامیاب ہو جائیں تو شاید ایسی نوبت نہ آئے۔
بہرحال جہاں بھی ایک سے زیادہ لوگ ہوں گے نقطہ ہائے نظر مختلف ہوں گے، بحث بھی ہو گی اور لڑائیاں بھی۔ سب سے بہترین حل برداشت اور نظر انداز کرنا ہے۔ لیکن جہاں ہمیں لگے کہ صورتحال بگڑرہی ہے وہاں بولنا بھی ضروری ہےاور مجھے لگتا ہے ایسے حالات میں بولنے کا بہترین طریقہ 'رپورٹ کرنا'ہے۔
پہلے تو بہت شکریہ ماہی احمد کہ آپ نے یاد رکھا۔ پھر جواب دینے میں ہونے والی تاخیر کے لیے انتہائی معذرت۔ مصروفیت نے کچھ پڑھنے و سوچنے و لکھنے کا موقع ہی نہیں دیا۔
آپ نے بہت اچھا لکھا اور محفل ومحفلین سے آپ نے لگاؤ کا اندازہ اس تحریر سے لگایا جا سکتا ہے۔ واقعی بہت پریشان کن بات ہوتی ہےجب محفل پر کوئی تلخی آمیز واقعہ رونما ہوتاہے۔ لیکن ہمیں یہ بھی نہیں بھولنا چاہئیے کہ یہاں مختلف سوچ و اندازِ فکر رکھنے والے لوگ آتے ہیں اور گفتگو میں تلخی ہونا بھی کوئی غیر معمولی بات نہیں۔ ہاں جہاں اعتدال کا دامن ہاتھ سے چھوٹ جائے وہاں حالات مزید بگاڑ کی جانب جاتے ہیں۔ پھر وقتی طور پر ہم ناراض بھی ہوتے ہیں ، غصہ بھی کرتے ہیں لیکن کچھ وقت گزرنے کے بعد پھر اسی محفل کی کشش ہمیں یہاں کھینچ لاتی ہے۔
مجھے لگتا ہے ہم اپنی سوچ میں شدت پسند ہیں۔ اپنے اپنے نظریہ کی حمایت کرتے ہوئے ہمیں اندازہ ہی نہیں ہوتا کہ ہم کیا کہہ رہےہیں۔ شاید ہم سب کو خود احتسابی کی ضرورت ہے۔ اخلاقیات و تحمل کا دامن تھامے رکھنا بہت مشکل ہے لیکن اگر ہم اس میں کامیاب ہو جائیں تو شاید ایسی نوبت نہ آئے۔
بہرحال جہاں بھی ایک سے زیادہ لوگ ہوں گے نقطہ ہائے نظر مختلف ہوں گے، بحث بھی ہو گی اور لڑائیاں بھی۔ سب سے بہترین حل برداشت اور نظر انداز کرنا ہے۔ لیکن جہاں ہمیں لگے کہ صورتحال بگڑرہی ہے وہاں بولنا بھی ضروری ہےاور مجھے لگتا ہے ایسے حالات میں بولنے کا بہترین طریقہ 'رپورٹ کرنا'ہے۔
ماہی احمد
لائبریرین
بالکل!
ماہی احمد
لائبریرین
شکریہخوبصورت جذبات کا اچھا اظہار۔۔۔
خوش رہیں ماہی۔۔۔
سیما علی
لائبریرین
ماہی بٹیا!!!!!!السلام علیکم یا اہل اردو محفل!!!
آداب ، آداب، آپ کو بھی آداب، آپ کو بھی (باآوازِ بلند خط پڑھنے والا ہاتھ کا چلو بنا کر سب کو آداب کہے اور بزرگوں سے سر پر پیار لے)۔ امید کرتی ہوں کہ اللہ پاک کے فضل و کرم سے سب بالکل ٹھیک ہوں گے، روحانی طور پر بھی، جسمانی طور پر بھی اور ہر طرح سے
کچھ دنوں سے محفل کا ماحول کچھ تناؤ کا شکار دکھائی دیا، ایک دو جگہوں پر کچھ سخت جملوں کا تبادلہ ہوا اور کئی دل دُکھے۔ تو میں نے سوچا ذرا ماحول کو ہلکا پھلکا کیا جائے کوئی دو چار ادھر اُدھر کی باتیں ہوں، تھوڑا مزہ کرتے ہیں۔
مجھے معلوم ہے آپ سب بہت سمجھدار ہیں اور سمجھ گئے ہیں میں کیا کہنا چاہ رہی ہوں
اب ایک اور بات، اگر آپ دیکھتے ہیں کہ کوئی دو لوگ آپس میں کسی بات کو لے کر جھگڑ رہے ہیں تو کیا یہ اچھی بات ہو گی جا کر تالیاں بجانا اور کسی ایک فریق کی حوصلہ افزائی کرنا؟ بے شک آپ ان میں سے کسی ایک کے ساتھ ہیں اور آپ کو اس کی بات درست معلوم ہوتی ہے پر وہ وقت پیٹھ تھپکنے کا نہیں انہیں چپ کروانے کا ہوتا ہے۔ یہ کوئی کبڈی کا میدان نہیں کہ ایک نے اٹھا کر دوسرے کو پٹخا اور آپ نے تالیاں بجائیں اور اپنے الفاظ کے زور پر لگے اس کی پیٹھ تھپکنے گویا کہہ رہے ہوں، ہور زور نال مار، رکھ کے مار ، اِدھروں وی مار اُدھروں وی مار، اج جان نہ دیویں وغیرہ۔ اس وقت آپ کو چاہئیے کہ عقل اور سمجھ سے کام لیں۔ ورنہ نتائج ہمیشہ برے ہی نکلتے ہیں۔ اور ایک اور بات، ارے بھئی میں بھی جانتی ہوں اور باقی سب بھی جانتے ہیں کہ آپ کے پاس بہت معلومات ہیں، آپ کے پاس بہت الفاظ ہیں، آپ دوسرے کا منہ بند کرنے میں ماہر ہیں اور بحث کو خوب اچھی طرح طول دینا جانتے ہیں اور آپ سے تو کوئی جیت ہی نہیں سکتا، پر ایک منٹ، کہیں ایسا تو نہیں اس دوران آپ کی وجہ سے فریق ثانی کا دل دُکھ رہا ہے؟ اگر ایسا ہے تو آپ کی معلومات، آپ کے الفاظ آپ کی صلاحیتیں کسی کام کی نہیں۔ کیا فائدہ ان کا جو خلق خدا کا دل دُکھانے کا باعث ہوں؟ اللہ پاک تو ہو گئے نا ناراض، پھر اگر کوئی آپ کو دل دُکھائے تو آپ دوڑے دوڑے اللہ پاک کے پاس جائیں گے یااللہ پاک دیکھو اس نے زیادتی کی۔ اللہ پاک مہربان ہے، آپ کو تسلی دیتا ہے، کوئی انسان ہو تو کہے "توں آپ کی کیتا سی؟۔۔۔"
یہ اردو محفل ہے
اور ہاں یہاں جو کئی لوگ جانے کے لئیے پر تول رہے ہیں نا کہ ہم تو بھئی لگے اس محفل کو الوداع کہنے، اب یہاں گزارہ نہیں ہوتا، پانی سر سے اوپر ہو گیا ہے تو وہ، بلکہ آپ سب، آپ سب میرے ایک سوال کا جواب دیتے جائیں
"کیا چند ایک لوگوں کی سخت باتیں، محفل سے ملنے والی محبت، یہاں گزارے اچھے وقت اور محفلینز کی الفت سے زیادہ اہم ہے؟ زیادہ قیمتی ہے؟"
اگر آپ کا جواب اب بھی "ہاں" ہے تو بس پھر اللہ حافظ۔
یہ سب کوئی قوائد و ضوابط کی فہرست نہ تھی، بلکہ یہ تو بس ایک یاد دہانی تھی، کہ آپ، میں، ہم سب یہاں بس ایک نام پر اکھٹے ہیں اور وہ ہے اردو۔ جس کے زریعے لوگ دلوں میں گھر بھی کر جاتے ہیں اور دلوں سے اُتر بھی جاتے ہیں۔ اور ہم سب چاہتے ہیں کہ ہم ہمیشہ دوسرے کی گُڈ بُکس میں ہی رہیں۔ تو بس اسی طرح کا ایک طریقہ میں نے بیان کر دیا، جو کہ آپ کو بھی معلوم تھا۔ اب خدارا اگر کسی کو برا لگ گیا ہو یا کسی نازک سی طبیعت پر میرے الفاظ کا بوجھ گراں گزرا ہو تو مجھے بتا دے تاکہ میں اس سے بالکل بھی معافی نہ مانگوں
"۔۔۔ میرا پوتا چھوٹا، وہ آ رہا تھا، گھبرایا ہوا تھا۔ میں نے اسے گود میں اٹھا کے بازو پر بٹھایا۔ میں نے کہا، دیکھو یار کیسا اچھا موسم ہے ذرا دیکھ باہر نکل۔ اس دن موسم بہت اچھا تھا۔ ہمارے بڑے بڑے شیشے تھے۔ آگے درخت لہلہا رہے تھے۔ پودے لگے ہوئے تھے بانس کے، جو زیادہ خوبصورت لگتے تھے۔ کالے سیاہ بادل تھے۔ ان کے اندر سے بادلوں کی تاریں جا رہی تھیں۔ میں چاہتا تھا کہ میرے پوتے کو حسن و جمال میں دلچسپی ہو۔ وہ دیکھے اور اس کو پسند کرے بجائے اس کے کہ، وہ لکڑی کے اور پلاسٹک کے واہیات کھلونوں سے کھیلے، جن میں زیادہ قاتل اور حملہ کرنے والے ہیں۔ پتا نہیں، آجکل ان کو کیا کہتے ہیں، عجیب و غریب۔ ان سے کھیلتا رہتا تھا۔ جب میں نے اسے گود میں اٹھا کر کہا، دیکھو باہر کا منظر اور اس کا حسن، یہ بادل اور پرندے اور یہ درخت اور یہ لہلہاتی شاخیں، تو وہ بالکل نہیں دیکھ رہا تھا اور گھٹن سی اس کی اندر رہے، اور ایک ہی جگہ اس کی نگاہیں مرکوز ہیں، اور گھبرایا ہوا ہے، اور میری گود میں چڑھا ہوا ہے۔ میں نے جب اس کی نگاہوں کو غور سے دیکھا تو وہ شیشے کے پار نہیں جا رہی تھیں۔ میں نے کہا، یہ کیا مسئلہ ہے۔ اتنا معصوم بچہ اور یہاں پر پھنسا ہوا ہے۔ تو خواتین و حضرات!میں نے یہ دیکھا کہ وہ جو بڑا سا شیشہ ، جس میں سے میں اُسے جمال اور خوبصورتی سے متعارف کروارہا تھا، اس شیشے کے ساتھ ایک مری ہوئی مکھی چپکی ہوئی تھی۔ مرگئی ہوگی کب کی۔ جیسے ہم کہتے ہیں چھی چھی لگی ہوئی تھی، اس نے سب کچھ چھوڑ کر ساری کائنات چھوڑ کر سارا حسن و جمال چھوڑ کر اپنی نگاہیں اس چھی چھی پر مرکوز کی تھیں، اور منہ بسور کے بیٹھا ہوا تھا کہ یہ دنیا جو ہے ساری کی ساری چھی چھی ہے، اور مری ہوئی مکھی ہے اور نالائق چیز ہے اور ان ساری چیزوں سے لطف اندوز نہیں ہوسکتاجن سے میرا دادا کرنا چاہتا ہے۔
تو جب مشکلات اور مصیبتیں آتی ہیں ، تو اگر آپ ان کو غور سے دیکھیں کہ ان کا ایک حصہ بالکل چھوٹا سا فریکشن، آپ کی زندگی پر اثر انداز ہوتا ہے لیکن ہم نے وہ دھبا پھیلا کر اتنا وسیع تر کرلیا ہوتا ہے کہ پھر وہ اپنے ہمارے اختیار میں نہیں رہتا، اور وہ پھر پھیلا ہوا دھبا ہمارا حکمران بن جاتا ہے، اور جہاں جہاں چاہتا ہے، ہم کو اٹھائے پھرتا ہے۔ جیسا کہ میں نے پچھلی مرتبہ کہا، اگر اللہ کی ذات اور اس کے افعال کو جاننے کی آرزو ہے تو پھر اس کے احکام کے اندر داخل ہونا پڑے گا، اور اس فریکوئنسی کو حاصل کرنا پڑے گاجس فریکوئنسی کو پکڑکر ، اچھی طرح سے اختیار کرکے ہم ان افعال کو سمجھ سکتے ہیں۔ اللہ آپ کو آسانیاں عطا فرمائے ، اور آسانیاں تقسیم کرنے کا شرف عطا فرمائے۔ اللہ حافظ"
فقط
ماہی
وعلیکم السلام،
انداز بہت عمدہ۔۔۔۔کمزوریوں کی نشاندہی بہت اعلی پیرائے میں کی ہے ۔۔۔۔۔
جیتی رہیے ڈھیر ساری دعائیں
سیما علی
لائبریرین
بابا-جی
محفلین
ٹائپو الرٹ: کیا نیند آ گئی شمشاد جی؟
ماہی احمد
لائبریرین
اللہ آپ کا بھلا کرے آنی، کتنی پرانی لڑی نکال لی آپ نے۔۔..ماہی بٹیا!!!!!!
وعلیکم السلام،
انداز بہت عمدہ۔۔۔۔کمزوریوں کی نشاندہی بہت اعلی پیرائے میں کی ہے ۔۔۔۔۔
جیتی رہیے ڈھیر ساری دعائیں
ماہی احمد
لائبریرین
ناسٹیلجیا!!!!
سیما علی
لائبریرین
ماہی احمد
لائبریرین
لو جی! آپ کو ماننے کے لئیے کسی وجہ کی ضرورت تھوڑی نہ ہے۔۔۔ ہم تو آلریڈی آپ کو مانتے ہیں
سیما علی
لائبریرین
آپکی محبت کے ہم مقروض جیتی رہیے شاد و آباد رہیے آپکی بھی امیّ کو اللّہ لمبی عمر عطا فرمائے صحت ساتھ سلامت رہیں وہ ہاتھ جنہوں نے آپ جیسے بچوں کی تربیت کی۔لو جی! آپ کو ماننے کے لئیے کسی وجہ کی ضرورت تھوڑی نہ ہے۔۔۔ ہم تو آلریڈی آپ کو مانتے ہیں
ماہی احمد
لائبریرین
آمین، بہت شکریہ ڈھیر ساری دعاؤں کاآپکی محبت کے ہم مقروض جیتی رہیے شاد و آباد رہیے آپکی بھی امیّ کو اللّہ لمبی عمر عطا فرمائے صحت ساتھ سلامت رہیں وہ ہاتھ جنہوں نے آپ جیسے بچوں کی تربیت کی۔