اردو میں مستعمل فارسی محاورات اور ضرب الامثال مع اردو ترجمہ

[محمد وارث]

آوازِ سگاں کم نہ کنُد رزقِ گدارا
ترجمہ: کتوں کے بھونکنے سے فقیروں کا رزق کم نہیں ہوجاتا ہے
جب کسی شخص کی برائی کی جائے اور اس شخص کو خواہ مخواہ لوگوں میں بدنام کرنے اور اسے رسوا کرنے کی کوشش کی جائے تو وہ اپنی برائی کرنے والے شخص سے کہتا ہے کہ ایسی بے بنیاد باتوں سے میری صحت پر کوئی اثر نہیں واقع ہوسکتا ہے ۔ جس طرح کتوں کے بھونکنے سے فقیر کا رزق کم نہیں ہوتا اسی طرح تمہاری بیہودہ اور بے بنیاد باتوں سے میرے رتبہ و مقام پر کوئی فرق پڑنے والا نہیں ہے ۔ ظاہر سی بات ہے کہ سنجیدہ اور شریف لوگوں کے حلقوں میں یہ فقرہ اچھا نہیں سمجھا جاتا ہے ۔

یہ عرفی شیرازی کا مصرع ہے اور اس کی مقبولیت کا اندازہ اسی سے لگا لیں کہ اسے ضرب المثل سمجھا جاتا ہے۔

عرفی تو میندیش ز غوغائے رقیباں
آوازِ سگاں کم نہ کند رزقِ گدا را

 

[محمد وارث]

آب آمد تیمم برخاست
پانی آ گیا تو تیمم برخاست ہو گئی۔ یعنی اصل چیز مل جائے تو ثانوی اور متبادل چیزیں ختم ہو جاتی ہیں۔

 

[عبید انصاری]

خشت اول چوں نہد معمار کج
تا ثریا می رود دیوار کج
اگر معمار پہلی اینٹ ہی ٹیڑھی رکھ دے تو چاہے ثریا تک دیوار چن دی جائے بہرحال ٹیڑھی ہی رہے گی.

 

[محمد عدنان اکبری نقیبی]

خودزندہ، جہان زندہ، خود مردہ، جہان مردہ
ترجمہ : آپ زندہ جہاں زندہ ،آپ مردہ جہاں مردہ

 

[محمد عدنان اکبری نقیبی]

وقت آن نیست کہ صحبت کنی
ترجمہ : وقت نہیں رہتا بات رہ جاتی ہے ۔

 

[عبید انصاری]

زمستان می گذردوروسیاھی بہ زغال می ماند
ترجمہ : وقت نہیں رہتا بات رہ جاتی ہے ۔

یہ ترجمہ تو نہیں لگتا

 

[محمد عدنان اکبری نقیبی]

یہ ترجمہ تو نہیں لگتا

تدوین کردی ہے۔

 

[سحرش سحر]

حساب دوستاں در دل
ترجمہ: دوستوں کے درمیاں حساب کتاب دل ہی میں رہتا ہے ۔

 

[سحرش سحر]

ما درچہ خیالیم و فلک درچہ خیال
ترجمہ: میں کس خیال میں ہوں اور آسمان کس خیال میں ہے ۔

 

[سحرش سحر]

ہر کمال را زوال است
ترجمہ : ہر کمال کو(آخر) زوال ہے ۔

 

[محمد عدنان اکبری نقیبی]

همراهی صالح شما را خوب خواهد کرد
همدم بد شما را بد خواهد کرد
ترجمہ :
صالح کی صحبت تجھے نیک بنائے گی ، برے کی صحبت تجھے بدکار بنائے گی

 

[نکتہ ور]

زمین جنبد نہ جنبد گل محمد
زمین ہل جائے تو ہل جائے گل محمد اپنی بات پر قائم ہے

 

[عبید انصاری]

همراهی صالح شما را خوب خواهد کرد
همدم بد شما را بد خواهد کرد
ترجمہ :
صالح کی صحبت تجھے نیک بنائے گی ، برے کی صحبت تجھے بدکار بنائے گی

صحبت صالح ترا صالح کند
صحبت طالح ترا طالح کند
(پیر رومی)
نیک آدمی کی صحبت تمہیں نیک بناتی ہے اور برے آدمی کی صحبت تمہیں برا بنا دیتی ہے.

 

[ثاقب حسن]

سلام۔ جناب سروش صاحب۔ازرا ہ کرم مجھے اس محاورے کا مطلب بتاٸیے گا "یک نہ شد دو شد“

 

[ثاقب حسن]

اور ہم اس کو کیسی صورت حال میں استعمال کر سکتے ہیں؟

 

[سید عمران]

سلام۔ جناب سروش صاحب۔ازرا ہ کرم مجھے اس محاورے کا مطلب بتاٸیے گا "یک نہ شد دو شد“

ایک نہ ہوا دو ہوئے۔۔۔
یعنی ایک مصیبت تو تھی ہی، اس کے ساتھ دوسری مصیبت بھی آگئی۔۔۔
جیسے عدنان بھائی تو چائے پلانے کے وعدے سے مکر نے لگے ہیں، اب اگر ہم بھی اپنے وعدوں سے مکرنے لگیں تو محفلین کو یہ کہنے کا حق حاصل ہوگا کہ یک نہ شد دو شد!!!

 

[وصی اللہ]

کیا یہ ضرب الامثال واقعی اردو میں مستعمل ہیں؟؟ نثر میں یا نظم میں۔۔۔؟؟

 

[عبدالمجید خان]

’’ہرکہ درکان نمک رفت،نمک شد‘‘
(جو بھی نمک کی کان میں گیا، نمک ہو گیا)

 

[عبدالمجید خان]

آں را کہ حساب پاک است، از محاسبہ چہ باک است‘‘ (جس کا دامن صاف ہے، وہ محاسبے سے خوفزدہ کیوں ہے؟)

 

[عبدالمجید خان]

’’ماتم زدہ را عید بود ماتم دیگر‘‘
(مفلس کی خوشی بھی ماتم سے خالی نہیں ہوتی)