رئیس امروہوی اردو کا جنازہ ہے ذرا دھوم سے نکلے

[پردیسی]

بہت خوب شراکت محترم سید شہزاد ناصر صاحب

 

[سید شہزاد ناصر]

بہت خوب شراکت محترم سید شہزاد ناصر صاحب

ہسدے وسدے رہو نجیب بھائی

 

[محمد وارث]

واہ بہت خوب۔ شکریہ سید صاحب قبلہ ارسال فرمانے کیلیے

 

[سید شہزاد ناصر]

واہ بہت خوب۔ شکریہ سید صاحب قبلہ ارسال فرمانے کیلیے

شکریہ وارث بھائی
محبت ہے آپ کی
شاد و آباد رہیں

 

[سید اسد محمود]

اردو کا جنازہ ہے ذرا دھوم سے نکلے ​

​

کیوں جان حزیں خطرہ موہوم سے نکلے​

کیوں نالہ حسرت دل مغموم سے نکلے​

آنسو نہ کسی دیدہ مظلوم سے نکلے​

کہہ دو کہ نہ شکوہ لب مغموم سے نکلے​

اردو کا جنازہ ہے ذرا دھوم سے نکلے​

اردو کا غم مرگ سبک بھی ہے گراں بھی​

ہے شامل ارباب عزا شاہ جہاں بھی​

مٹنے کو ہے اسلاف کی عظمت کا نشاں بھی​

یہ میت غم دہلی مرحوم سے نکلے​

اردو کا جنازہ ہے ذرا دھوم سے نکلے​

اے تاج محل نقش بدیوار ہو غم سے​

اے قلعہ شاہی ! یہ الم پوچھ نہ ہم سے​

اے خاک اودھ !فائیدہ کیا شرح ستم سے​

تحریک یہ مصر و عرب و روم سے نکلے​

اردو کا جنازہ ہے ذرا دھوم سے نکلے​

سایہ ہو اردو کے جنازے پہ ولی کا​

ہوں میر تقی ساتھ تو ہمراہ ہوں سودا​

دفنائیں اسے مصحفی و ناسخ و انشاء​

یہ فال ہر اک دفتر منظوم سے نکلے​

اردو کا جنازہ ہے ذرا دھوم سے نکلے​

بدذوق احباب سے گو ذوق ہیں رنجور​

اردوئے معلیٰ کے نہ ماتم سے رہیں دور​

تلقین سر قبر پڑھیں مومن مغفور​

فریاد دل غالب مرحوم سے نکلے​

اردو کا جنازہ ہے ذرا دھوم سے نکلے​

ہیں مرثیہ خواں قوم ہیں اردو کے بہت کم​

کہہ دوکہ انیس اس کا لکھیں مرثیہ غم​

جنت سے دبیر آ کے پڑھیں نوحہ ماتم​

یہ چیخ اٹھے دل سے نہ حلقوم سے نکلے​

اردو کا جنازہ ہے ذرا دھوم سے نکلے​

اس لاش کو چپکے سے کوئی دفن نہ کر دے​

پہلے کوئی سر سیداعظم کو خبر دے​

وہ مرد خدا ہم میں نئی روح تو بھر دے​

وہ روح کہ موجود نہ معدوم سے نکلے​

اردو کا جنازہ ہے ذرا دھوم سے نکلے​

اردو کےجنازے کی یہ سج دھج ہو نرالی​

صف بستہ ہوں مرحومہ کے سب وارث و والی​

آزاد و نذیر و شرر و شبلی و حالی​

فریاد یہ سب کے دل مغموم سے نکلے​

اردو کا جنازہ ہے ذرا دھوم سے نکلے​

​

​

معذرت کے ساتھ سید محمد مہدی مرحوم المعروف رئیس امرہوی کی یہ وہ قطرن تھی جس نے لسانی سیاست میں ایک باب کا اضافہ کیا شائید 22 ستمبر 1988ء کو انکے قتل کی وجہ بھی یہ قطرن ہی بنی ؟ واللہ علم بالصواب۔۔۔

 

[سید شہزاد ناصر]

معذرت کے ساتھ سید محمد مہدی مرحوم المعروف رئیس امرہوی کی یہ وہ قطرن تھی جس نے لسانی سیاست میں ایک باب کا اضافہ کیا شائید 22 ستمبر 1988ء کو انکے قتل کی وجہ بھی یہ قطرن ہی بنی ؟ واللہ علم بالصواب۔۔۔

اس بارے میں مجھے کچھ علم نہیں
آپ اس پہلو پر دیکھنے کے بجائے ایک شعری کاوش کے طور پر دیکھیں

 

[سید اسد محمود]

اس بارے میں مجھے کچھ علم نہیں
آپ اس پہلو پر دیکھنے کے بجائے ایک شاعری کاوش کے طور پر دیکھیں

ویسے شہزاد بھائی اس خوبصورت نظم سے قطع نظر کیا وہ کیا حالات تھے جن کی وجہ سے سید محمد مہدی صاحب کو یہ المیہ نظم لکھنے کی ضرورت محسوس ہوئی؟ ہاں یہ البتہ ضرورتھا کہ اُس دور میں اردو بولنے والوں پر بہت برا وقت آیا ہوا تھا۔۔۔ کراچی میں اور اندرون سندھ میں۔۔

 

[سید شہزاد ناصر]

ویسے شہزاد بھائی اس خوبصورت نظم سے قطع نظر کیا وہ کیا حالات تھے جن کی وجہ سے سید محمد مہدی صاحب کو یہ المیہ نظم لکھنے کی ضرورت محسوس ہوئی؟ ہاں یہ البتہ ضرورتھا کہ اُس دور میں اردو بولنے والوں پر بہت برا وقت آیا ہوا تھا۔۔۔ کراچی میں اور اندرون سندھ میں۔۔

بھائی جی پلیز دل دکھتا ہے یہاں ایسی باتیں نہ کریں

 

[سید شہزاد ناصر]

ویسے شہزاد بھائی اس خوبصورت نظم سے قطع نظر کیا وہ کیا حالات تھے جن کی وجہ سے سید محمد مہدی صاحب کو یہ المیہ نظم لکھنے کی ضرورت محسوس ہوئی؟ ہاں یہ البتہ ضرورتھا کہ اُس دور میں اردو بولنے والوں پر بہت برا وقت آیا ہوا تھا۔۔۔ کراچی میں اور اندرون سندھ میں۔۔

کچھ المناک واقعات کا میں چشم دید گواہ ہوں

 

[سید اسد محمود]

کچھ المناک واقعات کا میں چشم دید گواہ ہوں

شہزاد بھائی وہ میرا طالب علمی کا دور تھا کئی ایک بار میرا زاتی تجربہ انتہائی تلخ اور تکلیف دہ رہا ہے۔۔ ایک مرتبہ حیدرآباد ٹول پلازہ پر بس سے اتار کر سندھ یونیورسٹی کے طالب علموں نے اچھی خاصی مار لگائی بلا وجہ مگر سید ہونا کام آگیا ۔۔ اور سزا یعنی پٹائی میں تخفیف ہو گئی۔۔۔ مگر بہت برا اور اذیت ناک تجربہ تھا جسے تقریباً 24 سال گزرنے کے بعد بھی نہیں بھلا پاتا۔۔۔ حالانکہ ہمارا آپنا شہر سکھر انتہائی پر امن اور آپسی محبت سے بھرا شہر تھا مگر ان دنوں وہاں بھی کچھ سمجھ نہیں آرہا تھا۔۔۔

 

[سید شہزاد ناصر]

اور مجھے وہ وقت بھی یاد ہے جب سرسید کالج کی طالبہ بشری زیدی ٹریفک حادثہ میں جاں بحق ہوئی تو کس طرح لسانی فسادات شروع ہو گئے
آپ سے دست بستہ التماس ہے اس موضوع کو نہ چھیڑیں پرانے زخم ہرے ہو جاتے ہیں

 

[عمران اسلم]

بہت خوب۔
بہت شکریہ جنابِ من شریک فرمانے کا۔

 

[سید شہزاد ناصر]

بہت خوب۔
بہت شکریہ جنابِ من شریک فرمانے کا۔

پسند کرنے کا شکریہ جناب
شاد و آباد رہیں

 

[بھلکڑ]

اس لاش کو چپکے سے کوئی دفن نہ کر دے
پہلے کوئی سر سیداعظم کو خبر دے
وہ مرد خدا ہم میں نئی روح تو بھر دے
وہ روح کہ موجود نہ معدوم سے نکلے
اردو کا جنازہ ہے ذرا دھوم سے نکلے

بہت خوب انتخاب۔۔۔​

 

[سید عاطف علی]

واہ واہ بہت بہت خوب کلام
جو لوگ اردو میں انگریزی کے ٹانکے لگاتے ہیں انکو تو خصوصیت سے اسکو ضرور پڑھنا ہی چاہیئے

سید شہزاد ناصر بھائی بہت شکریہ پوسٹ کرنے کا

کل میری چھ سالہ بیٹی نے پوچھا ہم اردو اورانگلش ملا کر کیوں بولتے ہیں ۔ تو میں جواب میں خجالت کے علاوہ کچھ پیش نہ کر سکا ۔

 

[سید شہزاد ناصر]

اس لاش کو چپکے سے کوئی دفن نہ کر دے
پہلے کوئی سر سیداعظم کو خبر دے
وہ مرد خدا ہم میں نئی روح تو بھر دے
وہ روح کہ موجود نہ معدوم سے نکلے
اردو کا جنازہ ہے ذرا دھوم سے نکلے

بہت خوب انتخاب۔۔۔ ​

پزیرائی کا شکریہ جناب
شاد و آباد رہیں

 

[سید شہزاد ناصر]

کل میری چھ سالہ بیٹی نے پوچھا ہم اردو اورانگلش ملا کر کیوں بولتے ہیں ۔ تو میں جواب میں خجالت کے علاوہ کچھ پیش نہ کر سکا ۔

ہمیں یہ رویہ ترک کر کے اپنے بچوں سے ساتھ اردو میں بات چیت کرنی چاہئے
میں پنجابی سپیکنگ ہوں مگر بچوں کے ساتھ اردو میں بات کرتا ہوں

 

[سید شہزاد ناصر]

کل میری چھ سالہ بیٹی نے پوچھا ہم اردو اورانگلش ملا کر کیوں بولتے ہیں ۔ تو میں جواب میں خجالت کے علاوہ کچھ پیش نہ کر سکا ۔

ہمیں یہ رویہ ترک کر کے اپنے بچوں سے ساتھ اردو میں بات چیت کرنی چاہئے
میں پنجابی سپیکنگ ہوں مگر بچوں کے ساتھ اردو میں بات کرتا ہوں

 

[سید عاطف علی]

ہمیں یہ رویہ ترک کر کے اپنے بچوں سے ساتھ اردو میں بات چیت کرنی چاہئے
میں پنجابی سپیکنگ ہوں مگر بچوں کے ساتھ اردو میں بات کرتا ہوں

بجا فرمایا شہزاد صاحب ۔

 

[محمدعمرفاروق]

ہمیں یہ رویہ ترک کر کے اپنے بچوں سے ساتھ اردو میں بات چیت کرنی چاہئے
میں پنجابی سپیکنگ ہوں مگر بچوں کے ساتھ اردو میں بات کرتا ہوں

بعض اوقات ہم بچوں کے ساتھ اردو بولتے ہوئے جانتے بوجھتے ہوئے انگریزی الفاظ کا استعمال کرتے ہیں، تانکہ بچوں کے انگریزی ذخیرہ الفاظ میں اضافہ ہو۔ لیکن اس طرح ایک تو ہم اپنی زبان کو انگریزی کا ٹیکہ لگاتے ہیں، دوسرے یہ کہ بچوں کی اردو بگاڑتے ہیں۔ اس کا فائدہ اردو زبان کو اسطرح ہوتا ہے کہ وہ لفظ اردو کا ہو کہ رہ جاتا ہے۔ اردو کی یہی فراخدلی اردو کی وسعت کا باعث بنتی ہے۔