اردو کے مشہور ترین اشعار

[رباب واسطی]

گرہ سے کچھ نہیں جاتا، پی بھی لے زاہد
ملے جو مفت تو قاضی کو بھی حرام نہیں
امیر مینائی

 

[رباب واسطی]

فسانے اپنی محبت کے سچ ہیں، پر کچھ کچھ
بڑھا بھی دیتے ہیں ہم زیب داستاں کے لئے
شیفتہ

 

[رباب واسطی]

ذرا سی بات تھی اندیشہِ عجم نے جسے
بڑھا دیا ہے فقط زیبِ داستاں کے لیے
علامہ اقبالؒ

 

[رباب واسطی]

ہر چند سیر کی ہے بہت تم نے شیفتہ
پر مے کدے میں بھی کبھی تشریف لائیے
شیفتہ

 

[رباب واسطی]

وہ شیفتہ کہ دھوم ہے حضرت کے زہد کی
میں کیا کہوں کہ رات مجھے کس کے گھر ملے
شیفتہ

 

[رباب واسطی]

لگا رہا ہوں مضامین نو کے انبار
خبر کرو میرے خرمن کے خوشہ چینوں کو
میر انیس

 

[رباب واسطی]

شب ہجر میں کیا ہجوم بلا ہے
زباں تھک گئ مرحبا کہتے کہتے
مومن خان مومن

 

[رباب واسطی]

الجھا ہے پاءوں یار کا زلف دراز میں
لو آپ اپنے دام میں صیاد آ گیا
مومن خان مومن

 

[رباب واسطی]

اذاں دی کعبے میں، ناقوس دیر میں پھونکا
کہاں کہاں ترا عاشق تجھے پکار آیا
محمد رضا برق

 

[رباب واسطی]

کوچہ ء عشق کی راہیں کوئ ہم سے پوچھے
خضر کیا جانیں غریب، اگلے زمانے والے
وزیر علی صبا

 

[رباب واسطی]

دام و در اپنے پاس کہاں
چیل کے گھونسلے میں ماس کہاں
غالب

 

[رباب واسطی]

گو واں نہیں ، پہ واں کے نکالے ہوئے تو ہیں
کعبے سے ان بتوں کو نسبت ہے دور کی
غالب

 

[رباب واسطی]

جانتا ہوں ثواب طاعت و زہد
پر طبیعت ادھر نہیں آتی
غالب

 

[رباب واسطی]

غالب برا نہ مان جو واعظ برا کہے
ایسا بھی کوئ ہے کہ سب اچھا کہیں جسے
غالب

 

[رباب واسطی]

بلبل کے کاروبار پہ ہیں خندہ ہائے گل
کہتے ہیں جس کو عشق خلل ہے دماغ کا
غالب

 

[رباب واسطی]

اسی لئے تو قتل عاشقاں سے منع کرتے ہیں
اکیلے پھر رہے ہو یوسف بے کاررواں ہو کر
خواجہ وزیر

 

[رباب واسطی]

زاہد شراب پینے سے کافر ہوا میں کیوں
کیا ڈیڑھ چلو پانی میں ایمان بہہ گیا
ذوق

 

[رباب واسطی]

ہزار شیخ نے داڑھی بڑھائ سن کی سی
مگر وہ بات کہاں مولوی مدن کی سی
اکبر الہ آبادی

 

[رباب واسطی]

فکر معاش، عشق بتاں، یاد رفتگاں
اس زندگی میں اب کوئ کیا کیا کیا کرے
سودا

 

[رباب واسطی]

یہ دستور زباں بندی ہے کیسا تیری محفل میں
یہاں تو بات کرنے کو ترستی ہے زباں میری
اقبال