اردو کے مشہور ترین اشعار

[رباب واسطی]

سرخ رو ہوتا ہے انساں ٹھوکریں کھانے کے بعد
رنگ لاتی ہے حنا پتھر پہ پس جانے کے بعد

نامعلوم

 

[رباب واسطی]

سن تو سہی جہاں میں ہے تیرا فسانہ کیا
کہتی ہے تجھ کو خلق خدا غائبانہ کیا
آتشؔ

 

[رباب واسطی]

عمر دراز مانگ کے لائے تھے چار دن
دو آرزو میں کٹ گئے دو انتظار میں
سیماب اکبرآبادی

 

[رباب واسطی]

غیروں سے کہا تم نے غیروں سے سنا تم نے
کچھ ہم سے کہا ہوتا کچھ ہم سے سنا ہوتا
چراغ حسن حسرت

 

[رباب واسطی]

قیس جنگل میں اکیلا ہے مجھے جانے دو
خوب گزرے گی جو مل بیٹھیں گے دیوانے دو
میاں داد خاں سیاح

 

[رباب واسطی]

گو ذرا سی بات پر برسوں کے یارانے گئے
لیکن اتنا تو ہوا کچھ لوگ پہچانے گئے
خاطر غزنوی

 

[رباب واسطی]

لائی حیات آئے قضا لے چلی چلے
اپنی خوشی نہ آئے نہ اپنی خوشی چلے
ذوقؔ

 

[رباب واسطی]

لائے اس بت کو التجا کر کے
کفر ٹوٹا خدا خدا کر کے
نسیم لکھنوی

 

[رباب واسطی]

مکتب عشق کا دستور نرالا دیکھا
اس کو چھٹی نہ ملی جس کو سبق یاد ہوا
میر طاہر علی

 

[رباب واسطی]

میں اکیلا ہی چلا تھا جانب منزل مگر
لوگ ساتھ آتے گئے اور کارواں بنتا گیا
مجروح سلطانپوری

 

[رباب واسطی]

نہ جانا کہ دنیا سے جاتا ہے کوئی
بہت دیر کی مہرباں آتے آتے
داغؔ

 

[رباب واسطی]

بھانپ ہی لیں گے اشارہ سرِ محفل جو کیا
تاڑنے والے قیامت کی نظر رکھتے ہیں

لالہ مادھورام جوہر فرخ آبادی

 

[رباب واسطی]

آگاہ اپنی موت سے کوئی بشر نہیں
سامان سو برس کا ہے پل کی خبر نہیں

حیرت الہ آبادی

 

[رباب واسطی]

چاہت کا جب مزہ ہے کہ وہ بھی ہوں بیقرار
دونوں طرف ہو آگ برابر لگی ہوئی

ظہیر دہلوی

 

[رباب واسطی]

کچھ تو ہوتے ہیں محبت میں جنوں کے آثار
اور کچھ لوگ بھی دیوانہ بنادیتے ہیں

ظہیر دہلوی

 

[رباب واسطی]

کہہ رہا ہے موجِ دریا سے سمندر کا سکوت
جس میں جتنا ظرف ہے اتنا ہی وہ خاموش ہے

سعید احمد ناطق لکھنوی

 

[رباب واسطی]

نالۂ بلبلِ شیدا تو سنا ہنس ہنس کر
اب جگر تھام کے بیٹھو مِری باری آئی

لالہ مادھورام جوہر فرخ آبادی

 

[رباب واسطی]

کیا خوب برق تو نے دکھایا ہے زورِ طبع
کاغذ پہ رکھ دیا ہے کلیجہ نکال کے

لالہ رام رکھا برق

 

[رباب واسطی]

چند تصویرِ بُتاں چند حسینوں کے خطوط
بعد مرنے کے یہ گھر سے مرے ساماں نکلا

بزم اکبر آبادی

 

[رباب واسطی]

اب مجھ سے کاروبار کی حالت نہ پوچھئے
آئینہ بیچتا ہوں میں اندھوں کے شہر میں

محمود سروش