استاد محترم جناب الف عین صاحب سے ملاقات کا قصہ:

[محمد علم اللہ]

ایک ہی رکن کو ایک وقت میں دو ٹیگ

مجھے اندازہ ہی نہیں ہوا آپی بس مت پوچھئے ٹیگ کرنے میں جتنا محنت کرنا پڑا اتنا تو لکھنے میں بھی نہیں کرنا پڑا تھا ۔

 

[مہ جبین]

مجھے اندازہ ہی نہیں ہوا آپی بس مت پوچھئے ٹیگ کرنے میں جتنا محنت کرنا پڑا اتنا تو لکھنے میں بھی نہیں کرنا پڑا تھا ۔

مجھے بخوبی اس حالت کا اندازہ ہورہا ہے
بس آج تو محسن سے یہ کام سیکھ کر ہی اٹھنا ہے نا

 

[عسکری]

اف کیا بات ہے ایک ہم ہیں اب کسی سے نہیں مل سکتے

 

[محمد علم اللہ]

ٹیگ کرنے کا شکریہ، اصلاحی صاحب۔
محفل کے پرانے رکن اور اردو ادب کے مجاہد جناب اعجاز عبید سے شرف ملاقات حاصل کرنا واقعی آپ کا ایک اہم کارنامہ ہے۔ اس پر مستزاد یہ کہ ہندوستان کے ایک کہنہ مشق مترجم مشرف عالم ذوقی سے بھی مل لئے۔ ان دونوں شخصیات سے آپ کی یہ مجموعی ملاقات آپ کے لئے واقعی یادگار رہے گی۔ اور پھرروئداد بھی آپ نے بے حد دلچسپ انداز سے تحریر کی ہے۔ میری طرف سے ہدیہ ٔتبریک قبول کریں۔ تاہم، ان تین چار گھنٹوں کے دوران ہونے والی گفتگو کے موضوعات کے بارے میں جاننے کااشتیاق ہے۔ اور شاید دیگر احباب محفل کو بھی ہو۔

رینڈم ،منتشر اس کو یکجا کرنا میرے بس کا نہیں بھائی جان مر جاوں گا سچی

 

[محمد علم اللہ]

اف کیا بات ہے ایک ہم ہیں اب کسی سے نہیں مل سکتے

اوہ سوری عسکری بھائی میں آپ کو ٹیگ بھی نہیں کر سکا ۔

 

[محمد اسامہ سَرسَری]

محمد اسامہ بھائی کو کوئی ٹیگ کر دے مجھ سے نہیں ہو رہا ۔

جی فرمائیے۔

محمد اسامہ سَرسَری حاضر ہوں

حاضر جناب!

ویسے ایک آپ کا نام اور ایک اسامہ بھائی کا نام جب بھی ٹیگ کرنا ہو، کاپی پیسٹ کے بغیر گزارا نہیں ہوتا۔

ہمم۔۔مم
مجھے ٹیگ کرنے کے لیے ”@“ کے بعد ”محمد“ پھر اسپیس پھر ”اسامہ“ پھر اسپیس پھر ”سَرسَری“ لکھیں۔ ”سرسری“ کے دونوں سین پر زبر لگائے بغیر کام نہیں چلے گا۔
محمدعلم اللہ اصلاحی بھائی کو ٹیگ کرنا بہت آسان ہے۔ ”@“ کے بعد ”محمدعلم“ لکھ دیں محمد اور علم کے درمیان اسپیس کے بغیر، ان کے نام کی کھڑکی کھل جائے گی۔

 

[محمد علم اللہ]

محمد اسامہ سَرسَریبھائی سے داد نہیں ملی ہے ۔​

 

[محمد علم اللہ]

مجھے بخوبی اس حالت کا اندازہ ہورہا ہے
بس آج تو محسن سے یہ کام سیکھ کر ہی اٹھنا ہے نا

سیکھ لیا آپی

 

[مہ جبین]

سیکھ لیا آپی

مبارک ہو بھئی

 

[محمد علم اللہ]

مبارک ہو بھئی

شکریہ

 

[امجد میانداد]

میں نے آج سے تقریبا پندرہ دن قبل جوش میں آ کر استاد صاحب سے کہہ تو دیا کہ میں ضرور آپ سے ملاقات کروں گا، خواہ اس کے لئے مجھے علی گڈھ ہی کیوں نہ آنا پڑے۔​

استاد محترم نے بڑی خوشی کا اظہار فرمایا، لیکن سچ پوچھئے تو یہ ایام اور دنوں کے بہ نسبت کچھ زیادہ ہی مصروفیت میں گزرے اور میں نہ تو علی گڑھ جا سکا اور نہ ہی اس درمیان ملاقات کا خیال آیا۔​

رات گئے دیر تک جاگنا اور دن میں کلاس اور ٹیوشن وغیرہ کی مصروفیات کے باعث مجھے یاد ہی نہیں رہا کہ میں نے کسی سے کچھ وعدہ بھی کیا ہے۔​

4مارچ کی صبح تقریبا 10بجے فون کی گھنٹی بجی، تب خیال آیا کہ میں نے کسی سے کچھ وعدہ بھی کیا تھا ؟​

بہر حال جب فون آیا تو پہلے پہل تو ذہن میں یہ بات آئی کہ چلو فون کاٹ دیتے ہیں، لیکن پھر اچانک ہی مجھے احساس ہوا کہ نہیں مجھے ایسا نہیں کرنا چاہئے اور اس خیال کا آنا تھا کہ انگلی خود بخود ریسیو کے بٹن پر پہنچ گئی۔​

ادھر سے آواز آئی:​

”علم اللہ بول رہے ہو؟ میاں! میں اسٹیشن میں تمھارا انتظار کر رہا ہوں، کہاں ہو؟“​

یہ سنتے ہی ایک طرف تو ملنے کی خواہش اور دوسری طرف ظالم ٹیچر کی کلاس۔ بہر حال میں نے فیصلہ کیا کہ کلاس جائے بھاڑ میں۔ جو ہوگا دیکھا جائے گا۔ یہ سوچتے ہی میں نے جلدی جلدی بیگ اٹھایا اور بھاگا۔​

بس سے جانے کا تو کوئی سوال ہی پیدا نہیں ہوتا تھا کہ یہ میرے بس کا روگ بھی نہیں ہے، سو میں نے آٹو لیا اور تقریبا ایک گھنٹے کی مسافت طے کر کے پہنچ گیا نئی دہلی ریلوے اسٹیشن۔​

اسٹیشن پہنچتے ہی استاد محترم کو فون کیا اور یوں مجھے ان سے ملاقات کا شرف حاصل ہوگیا۔​

محفل میں تصویر دیکھ کر میں نے اپنے ذہن میں جو ہیولیٰ بنایا تھا، اگرچہ اس سے ان کا نقشہ بالکل بھی میل نہیں کھا رہا تھا،لیکن میں نے دیکھا کہ استاد محترم دور ہی سے ہاتھ ہلاتے ہوئے مسکرا رہے ہیں۔​

قریب گیا، سلام کیا اور معانقہ بھی ہوا۔​

یہاں پر میں یہ بھی عرض کرتا چلوں کہ وہ نقشہ جو میں نے اپنے ذہن میں بنایا ہوا تھا کیسا تھا؟ ٹھیک اسی طرح جب کوئی انسان کسی کی بابت اس کی تحریریں پڑھ کر، اس کے بارے میں لوگوں سے سن کر یا پھر اس کے کام اور کارکردگی کو دیکھ کر اپنے ذہن میں خاکہ سا بنا لیتا ہے اور سوچتا ہے کہ وہ اسی طرح ہونگے۔ سو میرے ساتھ بھی ایسا ہی ہوا اور میں نے بھی اولاً اپنے ذہن میں ایک خاکہ سا بنا لیا تھا کہ جن سے ملنے جا رہا ہوں وہ ایسے ہونگے، ویسے ہونگے وغیرہ وغیرہ۔​

میرے ذہن میں ایک بزرگ اور پیر مغاں جیسے کسی شخص کی تصویر گر دش کر رہی تھی، میں سوچ رہا تھا آگے پیچھے ان کے حواری ہوں گے، حشم و خدم ہوں گے، جیسا کہ آج کل عموما پڑھے لکھے اور مالدار لوگوں میں دیکھنے کو مل جا تا ہے۔​

مگر یہ کیا۔۔۔ ۔! جب ملاقات ہوئی تو ایسا کچھ بھی نہ تھا، بلکہ ایک عام سا دبلا پتلا آدمی ،مسکراتا چہرہ ، سفید ہوتے ریش مبارک اور بال،صحت مند اور ہٹے کٹے، نہ کوئی ٹپ ٹاپ، نہ کسی قسم کا تصنع اور دکھاوا ، معمولی قسم کا ایک بیگ اپنی پیٹھ پر لادے ہوئے ہیں، جس میں ایک چھوٹا سا لیپ ٹاپ اور کچھ کپڑے ، ہاتھ میںایک پرانا سا تھیلا تھامے ہوئے استقبال کے لئے کھڑے تھے۔​

تھیلے میں سے بھی علمی و ادبی رسالوں کے کئی تازہ شمارے باہر جھانک رہے ہیں۔​

جب میں نے یہ سوچ کر کہ سامان بھاری ہوگا ان کا تعاون کرنا چاہا تو فرمانے لگے:​

”نہیں، نہیں، بھاری نہیں ہے۔“​

میں بضد ہوا اور تھیلا اپنے ہاتھ میں لے ہی لیا تو پتا چلا کہ یہ تھیلا بھی بستہ ہی ہے،جس میں کئی کتابیں رکھی ہیں،اور کچھ معمولی سامان۔​

خیر یہ تو میرا اپنا تاثر تھا ایک اور محفل کے ساتھی اشرف بستوی کی کہانی سنئے !وہ بھی ملاقات کے لئے آنا چاہ رہے تھے لیکن اپنی مصروفیت کے سبب نہیں آئے ۔ابھی میں الف عین صاحب سے بات ہی کر رہا تھا کہ ان کا فون آیا اور انھوں نے بات کرانے کی گزارش کی میں نے فون استاذ محترم کو دے دیا ۔ دونوں کے درمیان بات شروع ہوئی اورتھوڑی ہی دیرکے بعد فون کٹ گیا ۔اور دوبارہ فون کی گھنٹی بجی اشرف صاحب ذرا غصہ مگر پیار سے کہنے لگے یار ! الف عین صاحب سے بات کراﺅ !فون پرآواز بدل کر بات مت کیا کرو !​

میں نے کہا آپ انھیں سے تو بات کر رہے تھے ۔مگر اشرف صاحب کو یقین ہی نہیں آتا تھا ۔آخر میں مجھے قسم کھا کر انھیں یہ یقین دہانی کرانی پڑی کہ آپ کی بات انھیں سے ہو رہی تھی تب انھیں سکون ملا ۔بعد میں انھوں نے مجھے بتایا محفل میں تصویر دیکھ کر میں سمجھ رہا تھا کہ کوئی بزرگ ہونگے لیکن آواز سے تو ایسا نہیں لگ رہا تھا ۔پھر میں نے انھیں بتایا ہیں تو بزرگ ہی لیکن آواز 20،25والی ہی ہے تو ہنسنے لگے ۔​

لیکن سہی بات تو یہ ہے کہ میری بھی جب پہلی مرتبہ بات ہوئی تھی تو میں بھی ایسا ہی سمجھا تھا ۔​

خیریہاں اسٹیشن میں کھڑے کھڑے نہ جانے ہم نے کتنی باتیں کر لیں،مجھے اچانک خیال آیا کہ چائے وغیرہ پینی چاہئے کہ اسٹیشن میں اس کے علاوہ اور ملتا بھی کیا ،میں چلنے کے لئے کہا تو استاذ محرم نے بتایا ایک اور صاحب ملاقات کے لئے آنے والے ہیں اور وہ بھی محض انٹرنیٹ ہی کے ذریعے جانتے ہیں پھر چلیں گے ۔​

کافی انتظار کے بعد وہ صاحب آئے۔​

آپ بھی سوچ رہے ہوں گے کہ وہ صاحب کون ہیں؟​

وہ صاحب معروف اردو ناول نگار ”مشرف عالم ذوقی“ تھے۔​

آتے ہی دونوں خوب تپاک سے ملے اور پھر فورا چائے اور ناشتے وغیرہ کے لئے جگہ کی تلاش شروع ہوئی۔​

سامنے ہی ایک عالی شان ریستوران تھا۔ ہم لوگ وہاں گئے اور گرما گرم پنیر، پکوڑے اور کافی پی، حالانکہ مشرف صاحب تو لنچ کرانے کے لئے بضد تھے، لیکن میری بھی طبیعت بالکل کھانے کی نہیں تھی اور استاد محترم نے تو پہلے ہی منع کر دیا تھا۔​

بہر حال چائے کے دوران کافی علمی اور ادبی گفتگو ہوتی رہی جس میں ہندوستان اور پاکستان کے کئی لوگوں کے نام سننے کو ملے۔​

مشرف صاحب تو ”اردو محفل “اور” بزم اردو “کا سن کر حیرت زدہ تھے کہ اردو میں اتنا اچھا کام ہو رہا ہے،لیکن وہ ہندوستانی ادیبوں سے کافی مایوس نظر آئے، ان کا کہنا تھا کہ ہندوستان میں جتنے بھی ادیب یا اردو لکھنے والے بڑے لوگ ہیں، ان کو انٹرنیٹ یا سائبر کی دنیا سے تو کوئی مطلب ہی نہیں ہے۔​

خیر اس کے بعد ہم بذریعہ کار نطام الدین ریلوے اسٹیشن پہنچے کہ استاد محترم کو یہیں سے ٹرین پکڑنی تھی۔​

یہاں آنے کے بعد مشرف صاحب پھر بضد ہوکر کہنے لگے: ”نہیں، آپ لوگوں کو کچھ تو لینا ہی پڑے گا۔“​

تو میں نے کوک لیا، استاد محترم کو بھی کوک دلایا اور زبردستی کھانا بھی کھلایا۔​

یہاں بھی مختلف موضوعات فلم، ادب اور آرٹ کے حوالے سے کافی معلوماتی گفتگو ہوئی، دوران گفتگو کئی پردہ نشینوں کے نام بھی آئے، جو اردو کے نام میں اپنی روٹیاں سینک رہے ہیں، لیکن حقیقی معنوں میں دیکھا جائے تو وہ کہیں بھی معیار اور کسوٹی میں نہیں ٹھہرتے۔​

یہاں کچھ ہی دیر رکنے کے بعد مشرف صاحب کو چونکہ کسی ضروری اور اہم میٹنگ میں جانا تھا سو وہ چلے گئے۔ میں نے بھی سوچا جب کلاس بنک کر ہی دیا ہے تو کیوں نہ کچھ چیزیں سیکھ لوں۔ اسامہ سرسری بھائی کی وہ بات مجھے یاد آئی جو انھوں نے محفل میں اس تعلق سے کہی تھی کہ محترم سے خوب فائدہ اٹھانا۔​

بہت زیادہ فائدہ اٹھانے کا موقع تو نہیں ملا، لیکن ہاں مزہ آیا اور سچ مچ کچھ نہ کچھ سیکھنے کا موقع مل ہی گیا۔​

استاد محترم نے اردو کمپیوٹنگ سے متعلق کئی اہم چیزیں بتائیں۔ انھوں نے ان پیج سے ڈائریکٹ کاپی پیسٹ ورڈ میں کر سکنے والا سافٹ ویر بھی دیا، لیکن افسوس کہ میں نے اس کوہاسٹل آنے کے بعد اپنے کمپوٹر میں چلانے کی کوشش کی تو وہ چلانہیں۔​

سچ پوچھئے تو ہماری یہ تین چار گھنٹے کی ملاقات بڑی اچھی اور یادگار رہی۔​

ٹرین کا وقت بھی ہو چکا تھا، باتیں بہت تھیں، لیکن مجھے ”الوداع“ کہنا ہی پڑا اور استاد محترم نے سر پر شفقت سے ہاتھ پھیرتے ہوئے دعائیں دیں اور فرمایا: ”ٹھیک ہے بیٹا! پھر ملیں گے۔“​

اور ٹرین سیٹی بجاتی ”چھک چھک“ کرتی منزل کی طرف بڑھ گئی۔ میں تھوڑی دیر تک ٹرین کو دیکھتا رہا اور پھر میں بھی ہاسٹل کی طرف چل دیا۔​

بہت خوش نصیب ہیں آپ علم اللہ بھائی،

 

[محمد اسامہ سَرسَری]

محمد اسامہ سَرسَریبھائی سے داد نہیں ملی ہے ۔​

ٹیگ اب بھی نہیں ہوا۔
خیر بھئی!
ڈھیرساری مبارک باد قبول کریں۔
میری دعا ہے کہ اللہ تعالیٰ اس دھاگے کو آپ کے تمام دھاگوں میں سب سے زیادہ بارونق بنا دے۔آمین!

 

[محمد علم اللہ]

ٹیگ اب بھی نہیں ہوا۔
خیر بھئی!
ڈھیرساری مبارک باد قبول کریں۔
میری دعا ہے کہ اللہ اس دھاگے کو آپ کے تمام دھاگوں میں سب سے زیادہ بارونق بنا دے۔

تھینک یو بھائی جان

 

[تلمیذ]

رینڈم ،منتشر اس کو یکجا کرنا میرے بس کا نہیں بھائی جان مر جاوں گا سچی

لیکن پھر بھی چیدہ چیدہ نکات تو ہوں گےآپ کے ذہن میں۔ تین اردو والے اکٹھے ہوں اور پھر موضوعات تو واقعی متنوع تو ہوں گے ہی۔ اس لئےمحفل پر اگر اس ملاقات کا ذکر کیا ہے تو وقت نکال کر ذرا گفتگو کی تفصیل بھی تو تحریر کریں نا، صاحب۔

 

[محسن وقار علی]

مجھے بخوبی اس حالت کا اندازہ ہورہا ہے
بس آج تو محسن سے یہ کام سیکھ کر ہی اٹھنا ہے نا

علم اللہ بھائی کو بس ایک سادہ سا اصول ذہن نشین کرنا ہو گا کہ ایک لائن پر "صرف ایک" ممبر کو ٹیگ کریں۔
کم سے کم اس سے سادہ ناموں والے ممبر تو ٹیگ ہو جائیں گے۔
باقی مشکل ناموں والوں کے لیے ان کی کسی پوسٹ کے نیچے سے ان کا نام کاپی کرکے ایڈیٹر میں پیسٹ کر دیں اور اسے سلیکٹ کرکے "ان لنک" کر دیں
میں نے تو بہت سے ناموں کو "کامیاب ٹیگ" کرنے کے بعد اس پوسٹ کو "تدوین" کرکے ایڈیٹر میں کھول کے اور کاپی کرکے ایک ٹیکسٹ فائل میں اپنے ڈیسک ٹاپ پر محفوظ کر رکھا ہے۔
جب ضرورت ہوتی ہے وہیں سے کاپی کرکے ٹیگ کر لیتا ہوں

 

[محمد علم اللہ]

لیکن پھر بھی چیدہ چیدہ نکات تو ہوں گےآپ کے ذہن میں۔ تین اردو والے اکٹھے ہوں اور پھر موضوعات تو واقعی متنوع تو ہوں گے ہی۔ اس لئےمحفل پر اگر اس ملاقات کا ذکر کیا ہے تو وقت نکال کر ذرا گفتگو کی تفصیل بھی تو تحریر کریں نا، صاحب۔

میرے خیال میں ہر چیز لکھنے والی نہیں ہوتی ہے نا بھائی جان
اب مجھے پھر سے سوچنا پڑے گا ۔مجھے تو اب یاد بھی نہیں ہے کہ کیا کیا باتیں ہوئی تھیں۔

 

[محمد علم اللہ]

علم اللہ بھائی کو بس ایک سادہ سا اصول ذہن نشین کرنا ہو گا کہ ایک لائن پر "صرف ایک" ممبر کو ٹیگ کریں۔
کم سے کم اس سے سادہ ناموں والے ممبر تو ٹیگ ہو جائیں گے۔
باقی مشکل ناموں والوں کے لیے ان کی کسی پوسٹ کے نیچے سے ان کا نام کاپی کرکے ایڈیٹر میں پیسٹ کر دیں اور اسے سلیکٹ کرکے "ان لنک" کر دیں
میں نے تو بہت سے ناموں کو "کامیاب ٹیگ" کرنے کے بعد اس پوسٹ کو "تدوین" کرکے ایڈیٹر میں کھول کے اور کاپی کرکے ایک ٹیکسٹ فائل میں اپنے ڈیسک ٹاپ پر محفوظ کر رکھا ہے۔
جب ضرورت ہوتی ہے وہیں سے کاپی کرکے ٹیگ کر لیتا ہوں

کیا بات ہے
مجھے وہ میل کر دیجئے ۔۔۔۔ہاہاہا

 

[مہ جبین]

علم اللہ بھائی کو بس ایک سادہ سا اصول ذہن نشین کرنا ہو گا کہ ایک لائن پر "صرف ایک" ممبر کو ٹیگ کریں۔
کم سے کم اس سے سادہ ناموں والے ممبر تو ٹیگ ہو جائیں گے۔
باقی مشکل ناموں والوں کے لیے ان کی کسی پوسٹ کے نیچے سے ان کا نام کاپی کرکے ایڈیٹر میں پیسٹ کر دیں اور اسے سلیکٹ کرکے "ان لنک" کر دیں
میں نے تو بہت سے ناموں کو "کامیاب ٹیگ" کرنے کے بعد اس پوسٹ کو "تدوین" کرکے ایڈیٹر میں کھول کے اور کاپی کرکے ایک ٹیکسٹ فائل میں اپنے ڈیسک ٹاپ پر محفوظ کر رکھا ہے۔
جب ضرورت ہوتی ہے وہیں سے کاپی کرکے ٹیگ کر لیتا ہوں

خوش رہو محسن وقار علی
ہم بزرگوں کے مقابلے میں ہمارے یہ بچے اتنا کچھ جانتے ہیں کہ اکثر و بیشتر اپنی کم علمی اور بے وقوفی پر غصہ آتا ہے
اللہ تم لوگوں کے علم میں برکتیں دے بیٹا آمین

 

[عسکری]

اوہ سوری عسکری بھائی میں آپ کو ٹیگ بھی نہیں کر سکا ۔

ہم عسکری ملنگ ہیں ہماری بے نیازی یہی ہے کہ ہر دھاگے میں دل سے پہنچ جائیں

 

[محسن وقار علی]

کیا بات ہے
مجھے وہ میل کر دیجئے ۔۔۔ ۔ہاہاہا

مطلب پی ایم
وہاں سے کاپی کرکے سیو کر لینا
پر لسٹ زیادہ طویل نہیں ہے اور میں نے کچھ ممبران کے ناموں کو "ایڈٹ" کر رکھا ہے
جیسے میں عائشہ عزیز کو "مانو بچے"کے نام سے ٹیگ کرتا ہوں
خیر میں اس ایڈٹ شدہ ٹیکسٹ کو دوبارہ ایڈٹ کرکے اورجنل نام لکھ دوں گا
لیکن کل۔اب تو میں سونے لگا ہوں کہ پاکستان میں اب 12:40 کا وقت ہے