محترم
انیس الرحمن بھائی
آپ کا پہلا مہمان بلاشبہ اک عظیم انسان ہے ۔
عظیم انسانوں کی میزبانی کا شرف عظیم انسانوں کو ہی ملتا ہے ۔
کافی عرصہ " محفل اردو " کا خاموش قاری رہتے ۔ جن ارکان کی گفتگو پر توجہ مرکوز رہتی تھی ۔ ان میں " بے بی ہاتھی " اک ایسا نام تھا ۔
جو کہ نہ صرف " انفرادیت کا حامل " محسوس ہوتا تھا ۔ بلکہ مجھے غیر محسوس طریقے سے اپنی جانب کشش کرتا تھا ۔ جیسے بزبان خاموشی کہہ رہا ہو ۔ آؤ مجھے پہچانو ۔ مجھے جانو ۔ بہت شروع میں تو یہ نام مجھے کسی ننھی بچی کا لگتا تھا ۔ سوچتا تھا کہ جانے کس سوچ سے اس نے یہ نک رکھا ہوگا ۔
نام ہی سب کچھ ہے ۔۔۔ ۔۔۔ ۔۔۔ کے مصداق میں اکثر ہی اس عالمی گاؤں پر ملنے والی شخصیات کو ان کےاختیارکردہ " نکس " کی مدد سے جاننے کی کوشش کرنے کا عادی ہوں ۔ نام اور نکس ہی کسی بھی شخصیت کے باطن کے عکاس ہوتےہیں ۔ ان کے نک "بے بی ہاتھی " نے مجھے مجبور کیا اور موصوف ان معدود چند ہستیوں میں شامل ہوگئے ۔ جن سے ذاتی رابطے کے لیئے یاہو کی آئی ڈی کی درخواست کی ۔ یاہو پر دوچار بار کی گفتگو نے "پہلے تاثر " انسانیت نواز ہستی " کو پختہ کر دیا ۔ وقت گزرا تو یہ موصوف اک بھاری بھرکم نک " قیصرانی " سے سامنے آئے ۔ لیکن ان کی " انسان دوست فطرت " ویسی ہی " بے بی " کی طرح " پاک و معصوم رہی ۔
ماشاءاللہ ۔ موصوف اک صاحب علم ہوتے ہوئے غرور کے جذبے سے بہت دور ہیں ۔ دائیں ہاتھ سے علم کی تقسیم بھی ایسے کرتے ہیں کہ بائیں ہاتھ کو خبر نہیں ہوتی ۔ کبھی ان کی جانب سے کسی صلے کی طلب محسوس نہ ہوئی ۔ اللہ تعالی نے بلاشبہ علم نافع سے نواز رکھا ہے انہیں ۔ با دلیل باذوق با مذاق ہستی ہیں ۔ دکھ برداشت کر رہے ہوتے ہیں مگر مسکراہٹیں کھلے دل تقسیم کرتے ہیں ۔ ایسی ہستیوں کی صحبت کسی بھی مدرسے و مکتب سے کم نہیں ہوتی کہ ہر لحظہ ان کی ہستی سے کچھ نہ کچھ سیکھا جا سکتا ہے ۔ سمندر سے قطرے کی خواہش کیا کرنا ۔ سمندر تو بن مانگے خود کو جلا بھاپ بنا فضاء میں اڑ ویرانوں پر برس چمن کھلا دیتا ہے ۔
" آبروئے محفل اردو " کا خطاب جچتا ہے ان پر "
بہت سی دعاؤں کے ساتھ یہ گزارش کہ " خود کو بھولنا ہوتا نہیں اچھا "
