مہمان اس ہفتے کی مہمان "فرحت کیانی"

[تیشہ]

شکر ہے فرحت ائیں تو سہی

دیکھا ماوراء میں نے صحیح کیا تھا نا شاعرہ بھی ہیں فرحت۔ آپ کے کہنے پر میں بھی تھوڑی دیر کو پریشان ہو گئی تھی کہ میں غلط لکھ بیٹھی ہوں شاید


وارث میری اور بوچھی کی بات کا یقین نہیں آیا آپ کو


زونی کہاں ہین آپ اتنے دنوں سے










وعلیکم السلام

آپ کا بھی شکریہ کہ اس بہانے آپ کو جاننے کا تھوڑا بہت موقع ملا اور آپ سے ڈاریکٹ بات چیت ہوئی

کوئی بات نہیں اپ آرام سے اپنی سہولت کے مطابق جوابات دیں




میں نے وہ غضب کر دیا ماواراء کو لنک ذپ کیا تھا پر اسے یقین ہی نہین ا رہا تھا
وہی لنک بوچھی نے بھی پوسٹ کر دیا۔ اس فارم کی کسی زمانے میں میں بھی خاموش تماشائی رہ چکی ہوں



واہ بوچھی مجھے بھی وہیں سے پتہ لگا تھا گو کہ میں نے پڑھی نہین کبھی بھی

آپ تو تعبیر پہچان پے خاموش تماشائی ہیں ۔ ۔ جبکہ میرا اور پہچان ۔۔ سعد ،، سے بہت پرانا چھے سالہ جان پہچان ہے ، ہم سب بہت پرانے ایک دوسرے کی فرینڈز ہیں ، جن میں فرحت بھی شامل ہیں ، اور تو اور پہچان پے میرے ، فرحت کے انٹرویو بھی لگے ہوئے ہیں ، اور فرحت کی شاعری کی تو میں گواہ ہوں چشم ِ دید ۔ تو میں کیسے چپُ کرجاتی

حالنکہ ، ماورہ بھی جاتی رہتی تھی پہچان پے ،تو پھر بھی یہ سب کچھ دیکھ پڑھ نہیں پائی ۔

 

[ماوراء]

اتنی توجہ ہی نہیں دی تھی کبھی۔۔ باقاعدگی سے بھی نہیں جاتی تھی۔

 

[ماوراء]

" شکریہ " کا بٹن غائب ہو جانے کی وجہ سے لکھ کر شکریہ ادا کرتا ہوں۔
جب سے فائر فوکس استعمال کر رہا ہوں براؤزنگ (رفتار( میں آسانی تو ہوئی لیکن کبھی ٹیگ غائب تو کبھی اردو لکھتے لکھتے انگریزی کی لہر در آتی ہے۔ کوئی حل بتائے اور مجھ سے دعائیں لے۔۔۔۔۔مفت میں۔

ساجد بھائی، پیج ریفریش کر لیا کریں۔ میرا بھی ہو جاتا ہے اکثر۔ لیکن ریفریش کرنے سے نظر آ جاتا ہے۔

 

[ماوراء]

تعبیر، میں خود پریشان تھی تو۔۔۔!

 

[فرحت کیانی]

فرحت اردو محفل کی بہت ہی اچھی رکن ہیں۔ کبھی کبھار ان سے بات ہوتی ہے جو کہ لائبریری کے تعلق سے ہے۔

ان کی پوسٹ کی ہوئی شاعری بھی بہت اچھی ہوتی ہے۔

لائبریری کا کام شگفتہ کے ساتھ مل کر کافی حد تک سنبھالا ہوا ہے۔

ان کے لیے نیک خواہشات اور دعائیں۔

بہت شکریہ شمشاد بھائی!
جب جب آپ کی مدد کی ضرورت پڑی۔ کبھی مایوسی نہیں ہوئی۔ جس کے لئے بہت ممنون ہوں۔
ایسے ہی دعاؤں میں یاد رکھئے گا۔

 

[تیشہ]

تعبیر، میں خود پریشان تھی تو۔۔۔!

وہ کس لئے بھلا ؟

 

[ماوراء]

اسلیے کہ فرحت شاعری کرتی ہیں۔۔اور مجھے معلوم ہی نہیں۔۔

 

[تیشہ]

اسلیے کہ فرحت شاعری کرتی ہیں۔۔اور مجھے معلوم ہی نہیں۔۔

چلو خیر ہے ، کبھی کبھی ہوتا ہے بندے کو نہیں بھی معلوم ہوتا اک دوسرے سے بات چیت رکھتے ہوئے بھی سمٹائم ایسے کئی باتوں سے انجان ہوتے ہیں

 

[فرحت کیانی]

سب سے پہلے تو ساجد جی آپ کا بہت بہت شکریہ یہاں آنے اور فرحت کے بارے میں اتنا کچھ بتانے کا سچ بہت مزا آیا پڑھ کر

تعبیر! آپ بھی

میں بھی لکھ ہی لوں
1۔مہمان شخصیت کے بارے میں پہلا تاثر کیا تھا۔کیا اب بھی وہی رائے ہے یا اب رائے بدل چکی ہے ۔

بوچھی سے ہی ذکر سنا تھا فرحت کا تب بات نہیں ہوئی تھی۔
پھر بھی تاثر اچھا بلکہ بہترین تھا

(یعنی اب تک ویسا ہی پایا جیسا پہلا تاثر تھا یا اب خیالات بدل چکے ہیں)


جوں جوں بات ہوتی ہے فرحت سے تو فرحت اور بھی اچھی لگنے لگتی ہیں

بہت شکریہ تعبیر۔ مجھے بھی آپ سے بات کر کے اور آپ کی پوسٹس پڑھ کر ہمیشہ بہت اچھا لگتا ہے۔

2۔پہلی دفعہ مہمان شخصیت سے جان پہچان/بات چیت کا آغاز کب اور کیسے ہوا یا ابھی تک بات چیت نہیں ہوئی

کہاں ہوئی کہاں ہوئی تھی
یاد نہیں پر شکر ہے کہ بات چیت ہو چکی ہے اور اچھی رہی ہے ہمیشہ فرحت سے بات چیت

شاید آپ نے کوئی نیا موضوع شروع کیا تھا۔ اب میرے ذہن میں بھی نہیں آ رہا۔ اور آپ کا شکریہ بھی ادا کرنا ہے کہ آپ ہمیشہ اتنے اچھے طریقے سے بات کا جواب دیتی ہیں کہ دل خوش ہو جاتا ہے

3۔مہمان شخصیت کی کونسی عادت بہت پسند ہے ۔(انکی پسندیدہ عادت)

اچھے اخلاق اور حسن سلوک

بہت شکریہ۔ ۔ مجھے بھی آپ کی خوش مزاجی بہت پسند ہے۔

4۔مہمان شخصیت سے ابتک کیا سیکھا /کیا سبق سیکھا

مجھے بھی اپنے جیسا بنائیں فرحت کہ جسے غصہ ہی نہیں آتا

مجھے غصہ آتا تو ہے لیکن کم کم ۔ وجہ مجھے بھی نہیں معلوم۔ ویسے غصہ تو فطری سی چیز ہے تعبیر۔ مجھے لگتا ہے کہ ایسی صورت میں تھوڑا سا تحمل کسی بڑے بگاڑ سے بچا لیتا ہے۔

5۔ مہمان شخصیت کو کوئی پیغام ، سوال ،مشورہ/ رائے

پیغام۔۔۔ہمیشہ خوش رہیں اور ڈھیر ساری کامیابیاں پائیں

سوال۔۔آپ اتنا کم کیسے بول لیتی ہیں

مشورہ۔۔۔محفل پر زیادہ سے زیادہ نظر آیا کریں

بہت بہت شکریہ۔ دعاؤں کی ضرورت ہمیشہ رہتی ہے۔ اس لئے یہ سلسلہ روکئے گا نہیں

شاید ارسطو نے کہا تھا کہ خاموشی سب سے زیادہ آسان کام اور سب سے زیادہ نفع بخش عادت ہے۔
میرے کم بولنے کی ایک وجہ تو یہ ہے کہ میں حقیقی زندگی میں بہت بولتی ہوں۔ یہاں پہنچتے پہنچتے تھک جاتی ہوں اور مزید نہیں بولا جاتا :ڈ
دوسری وجہ یہ کہ میں ایک اچھی سامع بھی ہوں۔اس لئے بولنے کی نسبت دوسروں کو سننا زیادہ اچھا لگتا ہے۔
اور سب سے بڑی وجہ کہ کم بولنا بہت سی نالائقیوں کو چھپا لیتا ہے

ضرور ۔ محفل؛ پر آنا تو روزمرہ کے معمولات میں شامل ہے۔ لیکن کوشش کروں گی کچھ پوسٹ بھی کر لیا کروں۔

6۔اور کچھ خاص جو کہنا یا پوچھنا چاہیں ( کوئی ایسی بات جو آپ نے ابھی تک نہ کہی ہو اور موقع کی تلاش میں ہوں )

فرحت آپ شاعری بھی کر سکتی ہیں یہ آپ کو کیسے اور کب پتہ لگا اور اسکا پس منظر کیا تھا؟؟؟

کاش میں اتنی با صلاحیت ہوتی ۔ شاعری کے لئے جس تخلیقی ذہن کی ضرورت ہوتی ہے وہ میرے پاس موجود نہیں ہے۔ میں تو نثر میں ایک جملہ لکھنے میں اتنا وقت لگا دیتی ہوں ۔ جو کچھ آپ نے پڑھا ہے وہ سراسر شعوری کوشش کا نتیجہ تھا۔ پسِ منظر یہ تھا کہ ہمارے گروپ میں دو سہیلیاں اردو ادب پڑھتی تھیں۔ ان لوگوں کا ہمارے بارے میں کہنا تھا کہ سائنس پڑھنے والے حسِ لطیف سے عاری ہوتے ہیں۔ فارمولوں کو رٹنے کے سوا کچھ نہیں کر سکتے۔ ان میں سے ایک بہت اچھی شاعری کرتی تھی۔ تو ہوتا یہ تھا کہ جب وہ کچھ نیا لکھتی۔ میں اور میری ایک اور کلاس فیلو انہی الفاظ کے ہیر پھیر سے ویسا ہی کچھ لکھ دیتیں اور بس :ڈ۔
جو دو چار چیزیں آپ نے پڑھیں ، وہ اسی شرارت کا نتیجہ ہیں اوراس سے زیادہ میں نے کچھ نہیں لکھا کبھی۔ ۔ شاعری میرے بس کا روگ نہیں ہے۔

اپنی یا کسی اور کی کوئی بھی اچھی بات ہمارے ساتھ شیئر کریں
یا پھر کوئی اقتباس

میرے ذاتی فرمودات تو اتنے زیادہ ہیں کہ کیا لکھوں اور کیا نہ لکھوں اس لئے کسی بڑی شخصیت کی بات کرنا بہتر رہے گا۔
اشفاق احمد کی ایک نصیحت شیئر کرنا چاہوں گی۔

"راستے کی باتیں کرتے رہنے سے راستہ طے نہیں ہوتا۔"

اب جلدی سے ائین پلیز اور آپ کا بہت بہت شکریہ کہ آپ ہماری مہمان بنیں

شکریہ تو آپ کا ادا کرنا ہے کہ آپ نے مجھے اپنا مہمان بنایا۔ بہت بہت شکریہ تعبیر!

 

[فرحت کیانی]

کبھی براہ راست بات نہیں ہوئی ، شاید کہیں ایک بار انھوں نے کوئی براہ راست تبصرہ کیا تھا ۔۔ خاصی لیے دئیے رہتی ہیں یا شاید مصروفیت اور با مقصد بات چیت کی وجہ سے ایسا لگتا ہے ۔۔
ابھی پتہ چلا کہ شاعرہ ہیں ، تو شعرا سے ویسے ہی نہیں بنتی ۔۔۔


یقینا ضرورت کے تحت ہی بولنا ایک اچھی عادت ہے ۔۔۔

بہت شکریہ طالوت کہ آپ نے بات چیت نہ ہونے کے باوجود یہاں رائے دینے کے لئے وقت نکالا ۔
ویسے میں لیے دئیے تو نہیں رہتی۔

"کیانی" خاندان کے بارے میں کچھ بتائیں ، یعنی ان کی کوئی تاریخ وغیرہ ، جب بھی آپ کے نام پر نظر پڑتی ہے تو "جنرل اشفاق پرویز کیانی" یاد آ جاتے ہیں جو خاصے معقول آدمی لگتے ہیں ۔۔ سو دل چاہتا ہے کہ اس خاندان/قوم/قبیلے کے بارے میں بھی کچھ جان سکوں ۔۔۔
وسلام

کیانی گکھڑ قبیلے سے تعلق رکھتے ہیں۔ گکھڑوں کے آباؤ اجداد میں کیگوہر کا نام خاصا نمایاں ہے جو اصفاہان اور کیان کا حکمران تھا۔ اسی نسبت سے کیانی کہلاتے ہیں۔ جنگجو قوم کے طور پر جانے جاتے تھے۔ ایران سے نکل کر تبت، کشمیر، کابل اور ہندوستان کے کچھ علاقے فتح کئے۔ شیر شاہ سوری نے ہمایوں کو ہندوستان بدر کیا تو ہمایوں کا ساتھ دیا اور شیر شاہ سوری کے قلعہ روہتاس بنوانے کا موجب بنے ۔ قیامِ پاکستان کے بعد بھی چند کلیدی عہدوں پر فرائض سرانجام دیتے آ رہے ہیں۔ ایک اہم نام جسٹس ایم آر کیانی مرحوم کی ہے جو 1958 سے 1962 تک مغربی پاکستان کے چیف جسٹس رہے۔ جنرل ایوب خان کی آمریت کے خلاف تھے جس کی پاداش میں سپریم کورٹ میں ان کی تقرری روک لی گئی تھی۔ لاہور کے عوام نے انہیں 'لسانِ پاکستان' کا خطاب دیا تھا۔ میرے ابو بتاتے ہیں کہ جسٹس کیانی ایک بہترین مقرر اور برجستہ گو تھے۔
پاک فوج میں جنرل کیانی کے علاوہ بھی ایک طویل فہرست ملے گی۔
اور اپنے بارے میں اب خود ہی کیا لکھوں

 

[تعبیر]

آپ تو تعبیر پہچان پے خاموش تماشائی ہیں ۔ ۔ جبکہ میرا اور پہچان ۔۔ سعد ،، سے بہت پرانا چھے سالہ جان پہچان ہے ، ہم سب بہت پرانے ایک دوسرے کی فرینڈز ہیں ، جن میں فرحت بھی شامل ہیں ، اور تو اور پہچان پے میرے ، فرحت کے انٹرویو بھی لگے ہوئے ہیں ، اور فرحت کی شاعری کی تو میں گواہ ہوں چشم ِ دید ۔ تو میں کیسے چپُ کرجاتی

حالنکہ ، ماورہ بھی جاتی رہتی تھی پہچان پے ،تو پھر بھی یہ سب کچھ دیکھ پڑھ نہیں پائی ۔

بس بوچھی تب صرف پڑھنے کا دل کرتا تھا کہ مجھے وہان سارے ہی ادبی ادبی لوگ لگتے ہیں یا پھر ٹین ایجرز اس لیے خاموشی ہی بہتر سمجھی

آپ کا انٹرویو تو میں نے یہیں پڑھا تھا محفل پر بلکہ سب ہی کے ۔ جس پر زیک کا کہنا ہے کہ میں شاید انٹرویوز پڑھنے کے لیے ہی یہاں آئی ہوں
ماواراء سے بھی ذپ میں منظرنامہ کے انٹرویوز کے لنک لے چکی ہوں پر پڑھا ابھی تک نہیں اب تو فرحت والے انٹرویو کا بھی اپ نے بتا دیا
چلیں کسی دن یہاں سے چھٹی لونگی اور وہ دن انٹرویوز پر لگاؤنگی

اپ سے کی یہی بات مجھے بہت پسند ہے کہ اپ سب کافی سالوں سے ایک دوسرے کے ساتھ جڑے ہوئے ہیں اور میرا بھی فرحت کی طرح یہ ماننا ہے کہ اسکا کریڈت آپ کو جاتا ہے
آپ ہی سب کو ساتھ لیکر چلتی ہیں اب تو مجھے بھی پیچھے رہنے پر فوراً پکڑ کر اگے لے آتی ہیں


شکریہ فرحت آپ کے جوابات کا کل یا پھر بعد میں آرام سے بات ہو گی ان پر

 

[فرحت کیانی]

فرحت محفل پہ میری پسندیدہ ممبر ہیں ، شاعری ہمیشہ بہت اچھی شئیر کرتی ہیں اور ہمیشہ نفیس اور شائستہ گفتگو کرتی ہیں ، مجھے شگفتہ اور فرحت کا مزاج کافی ملتا جلتا لگتا ھے اور دونوں ہی میری پسندیدہ اراکین میں سے ہیں ، اسکی ایک اور وجہ یہ بھی ہو سکتی ھے کہ زیادہ بکواس کرنے والے لوگوں کو ہمیشہ سنجیدہ اور کم گو لوگوں کی صحبت راس آتی ھے
فرحت سے یہ سوال کہ اپنے بارے میں کچھ بتائیں کہ کس شعبے میں کہاں تک تعلیم حاصل کی ھے اور آجکل کیا کر رہی ہیں ؟
اور آپ کیلئے بہت ساری دعائیں اور نیک تمنائیں ، خوش رہیں اور فورم پہ شاعری کے علاوہ دوسے دھاگوں میں بھی حصہ لیا کریں ۔

بہت شکریہ زونی
اب اگر میں جواباً یہ کہوں کہ آپ کا شمار بھی میرے پسندیدہ اراکین میں ہوتا ہے تو اسے ستائش باہمی تو نہیں کہا جائے گا ناں ۔ آپ کا بولنا تو مجھ سمیت سب کو بہت اچھا لگتا ہے

زونی میں نے ویسے تو لائف سائنسز پڑھی ہیں۔ لیکن پھر یو ٹرن لیتے ہوئے حال ہی میں Ledaership, Management and Change میں ماسٹرز مکمل کیا ہے ۔ ان دنوں ایک مقامی ادارے میں والنٹیئرنگ کا شوق پورا کر رہی ہوں۔
دعاؤں کے لئے بہت بہت شکریہ۔
شاعری کے علاوہ بھی ادھر ادھر جھانکتی رہتی ہوں۔ حصہ لینے کی بھی کوشش کروں گی ۔
آپ بھی خوش رہیں بہت سا

 

[تیشہ]

کہاں ہیں آپ اور کیسی ہیں ۔ آنے کا کب تک ہے ارادہ ہے آپکا ۔ ؟ جون تک آجائیے ۔ میں انتظار میں ہوں کب فرحت کی واپسی ہو ، اور اپنی آنگیجمنٹ پارٹی رکھی جائے ۔

 

[فرحت کیانی]

میں بھی کافی دیر سے لکھنے کی سوچ رہا تھا خیر۔۔۔۔۔۔۔۔۔۔

فرحت ان چند افراد میں شامل ہیں جن سے میں محفل کا حصہ بننے سے پہلے اچھا خاصا مرعوب تھا، میرا مطلب ہے کہ کئی دن تک محفل پر میں مہمان بن کر آتا رہا اور ظاہر ہے جاتا تھا محفلِ ادب میں سیدھا اور وہاں فرحت کی پسند کی بہت اچھی شاعری پڑھنے کو ملتی تھی اور مرعوبیت اسی سے تھی!

بات چیت ضرور پسندیدہ کلام میں ہی ہوئی ہوگی کہ اب بھی صرف وہیں ہوتی ہے

فرحت، کافی مختلف ہیں، یعنی کہنے کا مطلب ہے کہ ایک اعتدال پسند شخصیت ہیں، نہ تو ایک ایسی انتہا پر کہ کسی سے بات ہی نہ ہو اور نہ دوسری انتہا پر کہ باتوں کے سوا کچھ رکھا ہی نہیں اور ہمیشہ سلجھی ہوئی اور "ٹو دی پوائنٹ" بات کرتی ہیں۔

پڑھی لکھی تو آپ ماشاءاللہ کافی ہیں کہ حال ہی میں انگلیڈ میں ماسٹرز کی ڈگری حاصل کی ہے (اب یہ یاد نہیں رہا کہ وہ کس سبجیکٹ میں ہے) لیکن اس کے ساتھ ساتھ عقلِ سلیم کی بھی مالک ہیں، اور یہ دو خوبیاں ایک شخص میں جمع ہونا فی زمانہ ایک نایاب نہیں تو کمیاب چیز ضرور ہے!

فرحت کی شاعری والی بات میرے لیے بھی نئی ہے، اور اب چونکہ زیک نے کنفرم کر دیا ہے اور آپ ہمیشہ نپی تلی خبر لاتے ہیں، سو میری فرحت سے گزارش ہے کہ محفل پر بھی اپنی شاعری پوسٹ کریں کہ ہم بھی اس سے مستفید ہوں!

فرحت ایک اچھی بلاگر بھی ہیں، آپ کا بلاگ "دریچہ" علم و ادب و شعر و شاعری اور معاشرتی مسائل اور روزہ مرہ کی چھوٹی چھوٹی لیکن انتہائی اہم باتوں کا ایک حسین امتزاج ہے، مجھے ان کا بلاگ بھی بہت پسند ہے!

کہنا ان سے یہ چاہوں گا کہ محفلِ ادب میں اب یہ کم کم کیوں نظر آتی ہیں، ٹھیک ہے بھئی فورم پر محفل ادب لائبریری کا حصہ نہیں لیکن اس سے جدا بھی نہیں

اور آخر میں یہ کہ اللہ تعالٰی ان کو ہمیشہ خوش و خرم رکھے اور ان کو دین و دنیا کی تمام خوشیوں سے نوازیں، آمین!

بہت بہت شکریہ وارث۔ آپ نے اتنے اچھے الفاظ میں تبصرہ کیا۔ اب مجھے کچھ کچھ یقین ہونے لگا ہے کہ میرے ذوق میں بھی کچھ بہتری آ رہی ہے۔
شاعری والا قصہ تو آپ پڑھ چکے ہوں گے۔ نری شرمندگی والی بات ہے۔ لیکن اگر کبھی شاعری و نثر دونوں میں کچھ ایسا لکھ سکی جو پیش کرنے کے قابل ہوا تو انشاءاللہ ضرور پوسٹ کروں گی۔
بلاگ کی پسندیدگی کے لیے بھی شکریہ۔ بہت حوصلہ افزائی ہوتی ہے جب آپ کے کام کو سراہا جاتا ہے۔

محفلِ ادب تو واقعی لائبریری کا ہی حصہ ہے اور نہ ہوتا تب بھی میں اس زمرے میں آئے بغیر نہیں رہ سکتی۔ پہلا ٹھکانہ تو وہی ہے۔ مصروفیت کی وجہ سے پوسٹْس کم کرتی رہی ہوں لیکن پڑھتی سب کچھ ہوں۔ لیکن امید ہے کہ اب پوسٹس میں بھی باقاعدگی آ جائے گی انشاءاللہ۔

ثمَ آمین۔ اتنی اچھی دعا کے لئے بہت شکریہ اور ساتھ ہی مزید دعاؤں کی فرمائش بھی

 

[فرحت کیانی]

فرحت کے نام سے واقفیت چار، پانچ سال پہلے ہوئی۔ لیکن فرحت سے کبھی بات نہیں ہو سکی۔ لیکن اس کے باوجود تاثر اب تک ایک جیسا ہے۔ فرحت کا رویہ ہمیشہ سنجیدہ ، میچور رہا ہے۔ لہجہ میں ہمیشہ سے ایک سا ٹھہراؤ ہے۔ کبھی غصہ کرتے نہیں دیکھا۔ میری پہلی بار بات تو یاد نہیں کیسے ہوئی تھی۔۔فورمز پر شاید ہوئی ہو۔۔۔لیکن پہلی بار ٹھیک سے بات میسنجر پر غالباً پچھلے سال ہی ہوئی تھی۔ فرحت سے بات کر کے اچھا لگا تھا۔ فرحت کا شاعری کا انتخاب بہت عمدہ ہوتا ہے۔ مجھے شاعری سے کوئی خاص لگاؤ تو نہیں لیکن کبھی پڑھنے کا موڈ ہو تو فرحت کی پوسٹ کی ہوئی شاعری اچھی لگتی ہے۔ زونی کی طرح مجھے بھی شگفتہ اور فرحت کا مزاج ملتا جلتا لگتا تھا۔۔لیکن پچھلے دنوں لائبریری سے متعلق فرحت سے بات چیت رہی، جس سے لگا کہ نہیں۔۔۔فرحت شگفتہ سے کچھ مختلف ہیں۔
فرحت سے یہی سیکھا ہے کہ انٹرنیٹ پر کم کم آنا ہے۔۔۔اور اگر آنا ہے تو صرف کام کرنا ہے۔۔ اور فضول وقت ضائع نہیں کرنا۔۔لیکن صرف سیکھا ہی ۔۔ عمل نہیں کر سکی۔
عادت ان کی یہی اچھی لگتی ہے کہ سب سے ایک فاصلے میں رہ کر بات کرتی ہیں۔
فرحت بلاگ بھی بہت اچھا لکھتی ہیں۔ اور ان کی باتیں بھی مجھے پسند ہیں۔ اور فرحت کا انٹرویو بھی ہم نے منظر نامہ پر لیا تھا۔ جو بہت اچھا دیا فرحت نے۔۔۔ جن کو معلوم نہیں۔۔ان کے لیے لنک یہ رہا۔
خاص یہی کہنا ہے کہ فرحت پچھلے دنوں آپ سے بات چیت ہوئی۔۔۔مجھے آپ کے ساتھ وہ تھوڑا سا وقت گزار کر اچھا لگا۔ ہماری اس سے پہلے بات ہوئی تو تھی لیکن اتنی زیادہ نہیں۔۔۔اس بات چیت کے بعد آپ کو میں اپنے کچھ نزدیک نزدیک محسوس کرنے لگی ہوں۔
باقی آپ کے لیے دعائیں اور نیک خواہشات۔ جہاں رہیں۔۔۔خوش رہیں اور دوسروں کو بھی خوش رکھیں۔
ہ

بہت بہت شکریہ ماوراء! بہت اچھا لگا آپ کی پوسٹ پڑھ کر۔
بالکل پہلی بار بات تو فورمز پر ہی ہوئی تھی لیکن جسے بات چیت کہتے ہیں وہ میسنجر پر ہوئی تھی
لائبریری کے سلسلے میں طویل نشستیں تو مجھے بھی بہت مزے کی لگی تھیں۔ ۔ مجھے کافی حیرت ہوئی زونی اور آپ کا خیال پڑھ کرمیرے اور شگفتہ کے بارے میں ( خیر آپ نے تو اپنی رائے بدل لی اب۔ کیوں بدلی یہ کب بتائیں گی؟) ۔ ویسے شگفتہ سے بات کرتے ہوئے اکثر ایسا ہوتا ہے کہ ہم دو تین بار ضرور بیک وقت ایک ہی بات کہتی ہیں ۔
واہ۔ مجھ سے بھی کسی نے کچھ سیکھ لیا۔ اچھا لگا
بلاگ کی پسندیدگی کے لئے بہت شکریہ۔ اور اس بات کا بھی شکریہ کہ آپ نے یہاں منظر نامہ کا لنک دے دیا ورنہ مجھے مزید کتنے دن تک خبر ہی نہ ہوتی

خاص یہی کہنا ہے کہ فرحت پچھلے دنوں آپ سے بات چیت ہوئی۔۔۔مجھے آپ کے ساتھ وہ تھوڑا سا وقت گزار کر اچھا لگا۔ ہماری اس سے پہلے بات ہوئی تو تھی لیکن اتنی زیادہ نہیں۔۔۔اس بات چیت کے بعد آپ کو میں اپنے کچھ نزدیک نزدیک محسوس کرنے لگی ہوں۔
باقی آپ کے لیے دعائیں اور نیک خواہشات۔ جہاں رہیں۔۔۔خوش رہیں اور دوسروں کو بھی خوش رکھیں۔
ہ

وہ جو لفظ میرے گماں میں تھے ، وہ تری زبان پہ آ گئے
بہت شکریہ ماوراء! مجھے بھی آپ سے بات کرنا ہمیشہ بہت اچھا لگتا ہے اور پچھلے دنوں والی بات چیت تو واقعی یادگار تھی۔ لیکن اس کا حال پاکستان میں جگہ جگہ قائم ہونے والی یادگاروں جیسا نہیں ہونا چاہئیے کہ تعمیر کے بعد کوئی خیر خبر نہیں۔ اس لئے مستقل رابطہ ضروری ہے
دعاؤں کے لئے بہت شکریہ۔ آپ بھی خوش رہیں اور میرے لئے مزید دعائیں کرتی رہیں

 

[نایاب]

السلام علیکم
بہنیں اور بیٹیاں تو معصوم اور پیاری ہوتی ہیں ۔
بہنوں بیٹیوں کی شخصیت تو ایک پاکیزہ کلی کی صورت ہوتی ہے ۔
جس نے گلشن حیات میں کھل کر نسل انسانی کی تربیت کرنا ہوتی ہے ۔
محترمہ فرحت کیانی بہنا بھی بہت اچھی نسوانیت سے بھرپور بارعب شخصیت ہیں ۔
میری کچھ زیادہ بات چیت تو نہیں ہوئی ۔ محفل پر ہی اکثر ان کے لکھے موضوع پڑھ کر
مجھے تو ایساہی لگا کہ جیسے
اسم بامسمی ہیں " فرحت "
فہم و فراست سے گفتگو
رہنمائی پوری توجہ سے
حلیم اور بردباری سے
تشنگی علم و آگاہی بے پناہ
اللہ تعالی بہت سی رحمتوں برکتوں سے نوازے سدا آمین
نایاب

 

[محمد وارث]

ثمَ آمین۔ اتنی اچھی دعا کے لئے بہت شکریہ اور ساتھ ہی مزید دعاؤں کی فرمائش بھی

ع- اور درویش کی صدا کیا ہے

 

[محب علوی]

اچھا تو یہاں چھپی بیٹھی ہیں فرحت کیانی ۔

تعبیر ، آپ سے تو سخت گلہ ہے مجھے۔ جب خود لکھا کرتی تھیں تو سب کو کیسے عمدہ خطاب دیا کرتی تھیں میری دفعہ فاتح کو کہاں سے پکڑ لیا۔

فرحت کیانی کے لیے "کول اینڈ سویٹ" اور میرے لیے "اژدھے سدھانے والا سماج سیوک"

آپ ہی اپنی اداؤں پر ذرا غور کریں
ہم اگرعرض کریں گے تو شکایت ہوگی
(یہ شعر پتہ نہیں کس املاء کے ساتھ درست ہے)

 

[تعبیر]

اچھا تو یہاں چھپی بیٹھی ہیں فرحت کیانی ۔

تعبیر ، آپ سے تو سخت گلہ ہے مجھے۔ جب خود لکھا کرتی تھیں تو سب کو کیسے عمدہ خطاب دیا کرتی تھیں میری دفعہ فاتح کو کہاں سے پکڑ لیا۔

فرحت کیانی کے لیے "کول اینڈ سویٹ" اور میرے لیے "اژدھے سدھانے والا سماج سیوک"

آپ ہی اپنی اداؤں پر ذرا غور کریں
ہم اگرعرض کریں گے تو شکایت ہوگی
(یہ شعر پتہ نہیں کس املاء کے ساتھ درست ہے)

ہاہاہا
پہلے ہنس لوں یا جواب دوں
فرحت کیانی اللہ جانے کہاں چھپی بیٹھی ہیں ویسے۔
یا اللہ اتنا بڑا الزام کہ جب خود لکھتی تھی اب بھی خود لکھتی ہوں بس مشورہ اور کچھ تبدیلیاں کرتے ہیں فاتح
آپ کا ٹائیٹل ہی تو عجیب تھا اندر تو آپ کے لیے بھی بہت اچھا اچھا تھا نا
میں نے صرف سماج سیوک سوچا تھا آگے کا اضافہ سراسر فاتح کا ہے اور مجھے انہیں استاد بھی بنانا تھا نا تو اس لیے گرو دکشنا کے طور پر یہ بات مان لی
آپ جو چاہیں وہ رکھ لیتے ہیں ٹائیٹل
ویسے ابھی آپ نے ناراضگی دکھا کر اپنے کول ہونے کا چانس تو گنوا دیا اب رہ گیا سویٹ تو وہ تو میں آلریڈی فرحت کو کہ چکی نا

 

[زبیر مرزا]

1۔مہمان شخصیت کے بارے میں پہلا تاثر کیا تھا۔کیا اب بھی وہی رائے ہے یا اب رائے بدل چکی ہے ۔
(یعنی اب تک ویسا ہی پایا جیسا پہلا تاثر تھا یا اب خیالات بدل چکے ہیں)

پہلا تاثر قائم کرنے کا کم ہی اتفاق ہوا ہے کسی کے بارے میں -فرحت کیانی کے مراسلوں سے
اتنا ضرور اندازہ ہوا کہ انسانی ہمدردی کا جذبہ بے پناہ رکھتی ہیں- ملک کے بارے میں ان کی
سوچ اورخیالات مثبت اور اخلاص پرمبنی ہیں -
2۔پہلی دفعہ مہمان شخصیت سے جان پہچان/بات چیت کا آغاز کب اور کیسے ہوا یا ابھی تک بات چیت نہیں ہوئی
بات چیت میں زیادہ ترمراسلوں اوردھاگوں کی حدتک ہی رکھتا ہوں اور ان سے ہی دعا سلام
اورشخصیت کے بارے میں کافی کچھ معلوم ہوجاتا ہے - ٍفرحت کیانی سے زیادہ بات تھلیسمیا کے
حوالے سے ہوئی اور ان کی معلومات رکھتی ہیں
(فاطمید فاٖنڈیشن کا تھیلسمیا کےلئے کام فرحت کیانی سے پتا چلاتھا)
اس سلسلے میں ان کی دلچسپی اورمشورے قابلِ تعریف اور قابلِ تلقید ہیں
3۔مہمان شخصیت کی کونسی عادت بہت پسند ہے ۔(انکی پسندیدہ عادت)
سنجیدگی اور حُب الوطنی
4۔مہمان شخصیت سے ابتک کیا سیکھا /کیا سبق سیکھا
فلاحی کاموں کی ترغیب
5۔ مہمان شخصیت کو کوئی پیغام ، سوال ،مشورہ/ رائے
رائے ہے کہ محفل میں ہوسکے تو باقاعدگی سے آیا کریں
6۔اور کچھ خاص جو کہنا یا پوچھنا چاہیں ( کوئی ایسی بات جو آپ نے ابھی تک نہ کہی ہو اور موقع کی تلاش میں ہوں )
آپ اتنی جلدی جلدی پاکستان کا چکرکیسے لگا آتی ہیں
(میراخیال ہے کہ آپ بیرون ملک مقیم ہیں اسے بھی سوال کا حصہ سمجھ لیں)