اشعار کا سلسلہ،حروف ِ تہجی سے

[پاکستانی]

تسکینِ دلِ محزوں نہ ہوئی وہ سعئِ کرم فرما بھی گئے
اس سعئِ کرم کا کیا کہئے، بہلا بھی گئے تڑپا بھی گئے

 

[شمشاد]

ظفری بھائی اب اتنی بھی کسرِ نفسی کس کام کی۔ یہ لیں میں پوری الف بے لکھ دیتا ہوں۔ کاپی پر لکھ لیں :
ا ب پ ت ٹ ث ج چ ح خ د ڈ ذ ر ڑ ز ژ س ش ص ض ط ظ ع غ ف ق ک گ ل م ن و ہ ء ی ے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹوٹے ہوئے دلوں کی دعا میرے ساتھ ہے
دنیا تیری طرف ہے خدا میرے ساتھ ہے
(نظام رامپوری)

 

[پاکستانی]

پھول کی پتی سے کٹ سکتا ہے ہیرے کا جگر
مردِ ناداں پر کلامِ نرم و نازک بے اثر

 

[شمشاد]

پاکستانی بھائی لگتا ہے ظفری بھائی کی طرح آپ کو بھی حروفِ تہجی کی ترتیب یاد نہیں،

بھائی جی ٹ کے بعد ث آتا ہے نہ کہ پ

 

[عبدالجبار]

ثبوت مانگتے ہیں میرے پیار کا یارو
ہر اِک سے ترکِ تعلق کیا ہے جن کے لئے​

 

[پاکستانی]

معافی چاہتا ہوں شمشاد بھائی واقعی غلطی ہو گئی۔

جس کی فطرت ہی ڈسنا ہو
وہ تو ڈسے کا مت سوچا کر
​

 

[عبدالجبار]

چُپکے چُپکے یہ مِری گھات میں‌کون آتا ہے
تم نہیں‌ہو تو کہو رات میں کون آتا ہے​

 

[شمشاد]

حال اس کا تیرے چہرے پہ لکھا لگتا ہے
وہ چپ چاپ کھڑا ہے تیرا کیا لگتا ہے
(شہزاد احمد)

 

[عمر سیف]

خوف آسماں کے ساتھ تھا سر پر جھکا ہوا
کوئی ہے بھی یا نہیں، یہی دل میں‌ ڈر رہا
( محسن نقوی )

 

[عبدالجبار]

دیکھ فرعون کے لہجے میں ہم سے بات نہ کر
ہم تو پاگل ہیں خداؤں سے اُلجھ پڑتے ہیں​

 

[عمر سیف]

ڈوبا نڈھال سورج، تاروں کا باغ چمکا
پیڑوں کی چوٹیوں پر مہ کا چراغ چمکا
گزرے دنوں کی لَو سے میرا دماغ چمکا
گم گشتہ عشرتوں کی رہ کا سراغ چمکا
( محسن نقوی )

 

[شمشاد]

ڈھل گیا آفتاب اے ساقی
لا پلا دے شراب اے ساقی

یا صراحی لگا میرے منہ سے
یا الٹ گے نقاب اے ساقی
(سدرشن فاخر)

 

[شمشاد]

ذکر اس پری وش کا، اور پھر بیاں اپنا
بن گیا رقیب آخر تھا جو رازداں اپنا
(چچا)

 

[عمر سیف]

رنج کی جب گفتگو ہونے لگی
آپ سے تم‘ تم سے تُو ہونے لگی

 

[عبدالجبار]

زندگی جب بھی کسی شے کی طلب کرتی ہے
میرے ہونٹوں پہ تِرا نام مچل جاتا ہے​

 

[شمشاد]

سارا عالم گوش بر آواز ہے
آج کن ہاتھوں میں دل کا ساز ہے
(مجاز لکھنوی)

 

[نوید ملک]

شاہ مزاج تھے سائل کر کے کہتے ہو
سارا جیون گھائل کر کے کہتے ہو
(فرحت عباس شاہ)
۔۔۔۔۔۔۔۔۔۔۔۔۔۔۔
ص

 

[شمشاد]

صبو کو دور میں‌ لاؤ بہار کے دن ہیں
ہمیں شراب پلاؤ بہار کے دن ہیں
(عبد الحمید عدم)

 

[ظفری]

ضدی ، وحشی، الھڑ ، چنچل، میٹھے لوگ ، رسیلے لوگ
ہونٹ ان کے غزل کے مصرعے، آنکھوں میں افسانے تھے

 

[شمشاد]

طرز جینے کا سکھاتی ہے مجھے
تشنگی زہر پلاتی ہے مجھے

رات بھر رہتی ہے کس بات کی دھن
نہ جگاتی ہے نہ سلاتی ہے مجھے
(خلیل الرحمن اعظمی)