اشعار کا سلسلہ،حروف ِ تہجی سے

[سیما علی]

غم ہستی کا اسدؔ کس سے ہو جز مرگ علاج
شمع ہر رنگ میں جلتی ہے سحر ہوتے تک
✒️ مرزا اسد اللہ خان غالب

 

[شکیل احمد خان23]

فراؔز اپنے سِوا ہے کون تیرا
تجھے تجھ سے جُدا دیکھا نہ جائے
۔۔۔۔۔۔۔۔۔۔۔۔۔۔۔۔۔۔۔۔۔فراز ؔنہ کہ شبلی فرازؔ

 

[سیما علی]

فراؔز اپنے سِوا ہے کون تیرا
تجھے تجھ سے جُدا دیکھا نہ جائے
۔۔۔۔۔۔۔۔۔۔۔۔۔۔۔۔۔۔۔۔۔فراز ؔنہ کہ شبلی فرازؔ

پھر فراز صاحب ۔۔

قربتوں میں بھی جدائی کے زمانے مانگے
دل وہ بے مہر کہ رونے کے بہانے مانگے

 

[سیما علی]

کٹھن ہے راہ گزر تھوڑی دور ساتھ چلو
بہت کڑا ہے سفر تھوڑی دور ساتھ چلو

احمد فراز

 

[سیما علی]

گفتگو اچھی لگی ذوق نظر اچھا لگا
مدتوں کے بعد کوئی ہم سفر اچھا لگا

 

[سیما علی]

لے اڑا پھر کوئی خیال ہمیں
ساقیا ساقیا سنبھال ہمیں

 

[شمشاد]

موت بھی دور بہت دور کہیں پھرتی ہے
کون اب آ کے اسیروں کو رہائی دے گا
محمد علوی

 

[سیما علی]

ن ۔۔۔
نہ تیرنے کے ہنر سے واقف نہ ہم ہیں پختہ سفینے والے
تیری شفاعت کے آسرے پر رواں دواں ہیں مدینے والے
درود گوئی کا سلسلہ تو فقط بہانہ بنا ہوا ہے
اکٹھے ہوتے ہیں روز جام رخ منور کو پینے والے
اظہر فراغ

 

[سیما علی]

و
وہ بات سارے فسانے میں جس کا ذکر نہ تھا
وہ بات ان کو بہت نا گوار گزری ہے

اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص ض‌ ط‌ ظ ع غ ف ق ک گ ل م ن و ہ ھ ء ی ے۔

 

[شمشاد]

ہزار برق گرے لاکھ آندھیاں اٹھیں
وہ پھول کھل کے رہیں گے جو کھلنے والے ہیں
ساحر لدھیانوی