الفاظ کی تکرار

[زیرک]

چلنا سمٹ سمٹ کے حیا کے لباس میں
پھولوں سے اور بہار سے آگے کی چیز ہے​

 

[زیرک]

وہ لطف، وہ احساں کر، اے چرخ! مِرے ساتھ
دوں میں بھی دعا تجھ کو مرا دل بھی دعا دے​

 

[زیرک]

بہت سے غم دسمبر میں دسمبر کے نہیں ہوتے
اسے بھی جون کا غم تھا، مگر رویا دسمبر میں​

 

[زیرک]

جونؔ کی تشنگی کا تھا خوب ہی ماجرا، کہ جو
مینا بہ مینا، مے بہ مے، جام بہ جام ہو گیا
جون ایلیا​

 

[زیرک]

دنیا کے اس شور نے امجد کیا کیا ہم سے چھین لیا
خود سے بات کئے بھی اب تو کئی زمانے ہو جاتے ہیں
امجد اسلام امجد​

 

[عبدالرحمن آزاد]

اے محبت ترے انجام پر رونا آیا
جانے کیوں آج ترے نام پر رونا آیا
شکیل بدایونی

 

[عبدالرحمن آزاد]

بہت دنوں میں محبت کو یہ ہوا معلوم
جو تیرے ہجر میں گزری وہ رات رات ہوٸی
فراق گور کھپوری

 

[زیرک]

میں جیت لوں تو لپٹ کر مجھے مبارک دے
تُو ہار جائے، تو پھر اپنی ہار مانا کر​

 

[عبدالرحمن آزاد]

ادا سے دیکھ لو جاتا رہے گلہ دل کا
بس اک نگاہ پہ ٹھہرا ہے فیصلہ دل کا
ارشد علی خان قلق

 

[زیرک]

ادا سے دیکھ لو جاتا رہے گلہ دل کا
بس اک نگاہ پہ ٹھہرا ہے فیصلہ دل کا
ارشد علی خان قلق

قافیے اور ردیف میں جو الفاظ ہیں وہ تکرار الفاظ کے زمرے میں نہیں آتے، لیکن ایک مصرعے یا شعر میں ہوں تو چل جاتے ہیں

دم ہے توڑا ہر اک تمنا نے
تیرا آنا بھی اب ہے آنا کیا​

 

[زیرک]

آغازِ محبت کا انجام بس اتنا ہے
جب دل میں تمنا تھی اب دل ہی تمنا ہے​

 

[زیرک]

تم کو جہانِ شوق و تمنا میں کیا ملا؟
ہم بھی ملے تو درہم و برہم ملے تمہیں​

 

[زیرک]

ہم جی رہے ہیں کوئی بہانہ کیے بغیر
اس کے بغیر، اس کی تمنا کیے بغیر​

 

[زیرک]

شیوۂ عشق و وفا میں ہم کو ناکامی سہی
کم سے کم یہ تو ہوا بے موت مرنا آ گیا​

 

[زیرک]

رات کو کہتے ہیں کل بات کریں گے دن میں
دن گزر جائے تو سمجھو کہ گئی رات پہ بات
باصر کاظمی​

 

[عبدالرحمن آزاد]

اے صنم وصل کی تدبیروں سے کیا ہوتا ہے

وہی ہوتا ہے جو منظور خدا ہوتا ہے

 

[عبدالرحمن آزاد]

اے طاٸر لاہوتی اس رزق سے موت اچھی
جس رزق سےآتی ہو پرواز میں کوتاہی
علامہ اقبال

 

[زیرک]

یہ پیڑ ہرا پیڑ کسی کا بھی نہیں ہے
ہم وقت کی ٹہنی سے بہت جلد جھڑیں گے
راکب مختار​

 

[زیرک]

لوگ تعبیر کی خواہش میں مرے جاتے ہیں
اور ہم خواب چھڑا لائے ہیں تعبیروں سے
راکب ‌مختار​

 

[عبدالرحمن آزاد]

الفاظ و معانی میں تفاوت نہیں لیکن
مُلّا کی اذاں اور، مجاہد کی اذاں اور
علامہ اقبالؒ