الفاظ کی تکرار

[عبدالرحمن آزاد]

پرواز ہے دونوں کی اسی ایک فضا میں
کرگس کا جہاں اور ہے، شاہیں کا جہاں اور
علامہ اقبالؒ

 

[زیرک]

صاف قلقل سے صدا آتی ہےآمیں، آمیں
اپنے ساقی کو جو ہم رِند دعا دیتے ہیں​

 

[زیرک]

عین دانائی ہے ناسخ عشق میں دیوانگی
آپ سودائی ہیں جو کہتے ہیں سودائی مجھے
امام بخش ناسخ​

 

[زیرک]

تکرار الفاظ کی معراج

ابرو کھچے کھچے سے آنکھیں جھکی جھکی سی
باتیں رکی رکی سی، لہجہ تھکا تھکا سا​

 

[زیرک]

حرفِ تسلی ایک تکلف، رشتوں کی دنیا جھوٹی
تنہائی اپنی اپنی ہے، جس کا درد بس اسی کا درد​

 

[عبدالرحمن آزاد]

پھر اسی بے وفا پہ مرتے ہیں
پھر وہی زندگی ہماری ہے
مرزا غالب

 

[زیرک]

اک اک قدم پہ رکھی ہے یوں زندگی کی لاج
غم کا بھی احترام کیا ہے خوشی کے ساتھ
کیفی بلگرامی​

 

[زیرک]

کبھی آنکھوں پہ کبھی سر پہ بٹھائے رکھنا
زندگی تلخ سہی، دل سے لگائے رکھنا
بخش لائلپوری​

 

[زیرک]

یہ رہِ عشق ہے اور عشق میں یونس تحسین
گردنیں توڑتے پھندے نہیں دیکھے جاتے
یونس تحسین​

 

[زیرک]

میں جو تھا اس گلی کا مست خرام
اس گلی میں مری چلی ہی نہیں
جون یلیا​

 

[زیرک]

ہر گلی اچھی لگی، ہر ایک گھر اچھا لگا
وہ جو آیا شہر میں تو شہر بھر اچھا لگا​

 

[محمد عدنان اکبری نقیبی]

وہی آنکھوں میں اور آنکھوں سے پوشیدہ بھی رہتا ہے
مری یادوں میں اک بھولا ہوا چہرا بھی رہتا ہے

ساقی فاروقی

 

[زیرک]

رات کی رات مسافر ہوں تری بستی میں
شب کا تارا ہوں نظر آ کے چلا جاؤں گا​

 

[زیرک]

کہیں ہے آس کا بادل کہیں یادوں کی بوندیں ہیں
مچلتی خواہشوں کا ہے، یہ موسم بارشوں کا ہے​

 

[زیرک]

لگتا تو بے خبر سا ہوں، لیکن خبر میں ہوں
تیری نظر میں ہوں تو میں سب کی نظر میں ہوں
وسیم بریلوی​

 

[زیرک]

اب تم کبھی نہ آؤ گے، یعنی کبھی کبھی
رخصت کرو مجھے کوئی وعدہ کیے بغیر
جون ایلیا​

 

[زیرک]

دن کسی طرح سے کٹ جائے گا سڑکوں پہ شفقؔ
شام پھر آئے گی، ہم شام سے گھبرائیں گے
فاروق شفق​

 

[زیرک]

گھر کی وحشت سے لرزتا ہوں مگر جانے کیوں
شام ہوتی ہے تو گھر جانے کو جی چاہتا ہے
افتخار عارف​

 

[زیرک]

زندگی اک آنسوؤں کا جام تھا
پی گئے کچھ اور کچھ چھلکا گئے
شاہد کبیر​

 

[زیرک]

کیا ہے گر زندگی کا بس نہ چلا
زندگی کب کسی کے بس میں ہے​