الفاظ کی تکرار

[زیرک]

اے رنگ رنگ میں آ، آغوش تنگ میں آ
باتیں ہی رنگ رنگ کی ہیں رنگت نہیں ہے مجھ میں
جون ایلیا

 

[زیرک]

کس سے کہوں کہ ایک سراپا وفا مجھے
تنہائیوں میں چھوڑ کر، تنہا چلی گئی
جون ایلیا

 

[زیرک]

لفظ میرا، میرے کی تکرار
میرے ہی شہرمیں، میرے محلہ میں، میرے گھر میں
بُلا لو تم مجھے مہمان، میرا جی نہیں لگتا
جون ایلیا

 

[زیرک]

الفاظ کے لیے اور خراب کی تکرار
تیرے وصال کے لیے اپنے کمال کے لیے
حالت دل کہ تھی خراب اور خراب کی گئی
جون ایلیا

 

[زیرک]

الفاظ ''رہا'' اور ''سہتا'' کی تکرار
میں فریبِ آرزو کھاتا رہا، جیتا رہا
زہرِ غم پیتا رہا، پیتا رہا، پیتا رہا
چاک کرتی ہی رہیں تم جیب و دامانِ وفا
اور میں سہتا رہا، سہتا رہا، سہتا رہا
جون ایلیا

 

[زیرک]

الفاظ ''آپ''، ''ہیں'' اور ''اور تو'' کی تکرار
آپ تو آپ ہیں آپ سب کچھ ہیں
اور تو اور ہیں، اور تو کچھ بھی نہیں
جون ایلیا

 

[ام اویس]

بہی کھاتے محبت میں نہیں رکھتے نہیں رکھتے
یہی اپنا طریقہ ہے محبت ہے تو بے حد ہے

فیصل عظیم فیصل

 

[زیرک]

سب تماشائے کُن ختم شُد
کہہ دیا اُس نے بس اور بس

 

[محمد عدنان اکبری نقیبی]

بوسۂ رخسار پر تکرار رہنے دیجیے
لیجیے یا دیجیے انکار رہنے دیجیے

حفیظ جونپوری

 

[محمد تابش صدیقی]

لباسِ شرم اتارے تو پھر بشر یہ کہاں
بشر بشر ہے نظرؔ شرم ہی کے پردے میں
نظرؔ لکھنوی

 

[محمد عدنان اکبری نقیبی]

ایک آواز میں نے سنی تھی ابھی کون بولا تھا یہ تو خبر ہی نہیں
یہ تعلق ضروری ہے کس نے کہا وہ بھی خاموش تھا میں بھی خاموش تھی

سیما غزل

 

[رباب واسطی]

سمجھ سمجھنا، سمجھ کے سمجھو، سمجھ سمجھنا بھی اک سمجھ ہے
سمجھ سمجھ کے بھی جو نہ سمجھے میری سمجھ میں وہ نا سمجھ ہے

 

[رباب واسطی]

اگر وہ پوچھ لیں ہم سے تمہیں کس بات کا غم ہے
تو پھر کس بات کا غم ہے اگر وہ پوچھ لیں ہم سے

 

[محمد تابش صدیقی]

زندگی کیا اسی کو کہتے ہیں
غم ہی غم، غم ہی غم ارے توبہ
نظرؔ لکھنوی

 

[زیرک]

غم اور غزل کی تکرار
کچھ غمِ جاناں کچھ غمِ دوراں دونوں میری ذات کے نام
ایک غزل منسوب ہے اُس سے ایک غزل حالات کے نام

 

[محمد تابش صدیقی]

رہِ طلب کے مصائب بھی عین راحت ہیں
گلِ مراد سے وابستہ خار ، خار نہیں
نظرؔ لکھنوی

 

[زیرک]

الفاظ قاتل اور جاؤں کی تکرار
ادا قاتل، نگاہ قاتل، زباں قاتل، بیاں قاتل
بتا قاتل کہاں جاؤں، جہاں جاؤں وہاں قاتل

 

[زیرک]

لفظ ساقی کی تکرار
نہیں ہے تیری مثال ساقی، یہ دیکھا تجھ میں کمال ساقی
عجیب کیف و سرور مستی، تری نظر کی شراب میں ہے

 

[رباب واسطی]

رسمِ الفت کو نبھائیں تو نبھائیں کیسے
ہر طرف آگ ہے دامن کو بچائیں کیسے

 

[محمد تابش صدیقی]

ایک ہی غزل کے چار اشعار میں مختلف الفاظ کی تکرار

خبر کس کو محبت کیا ہے پر اتنی حقیقت ہے
کہ یہ راحت کی راحت ہے، مصیبت کی مصیبت ہے

یہی ہے ہاں یہی قربِ قیامت کی علامت ہے
مسلمانوں کے دل میں اب مسلمانوں کی نفرت ہے

خدا حائل، حیا حائل، نہ حائل اب ندامت ہے
گناہوں کے لیے اب تو سہولت ہی سہولت ہے

خوشی ہے آنی جانی شے، پہ قدرِ مستقل ہے غم
فسانہ پھر فسانہ ہے، حقیقت پھر حقیقت ہے
٭٭٭
نظرؔ لکھنوی