الفاظ کی تکرار

[زیرک]

لفظ ''پاس'' کی تکرار
پاسِ غم، پاسِ وفا، پاسِ جنوں، پاسِ حبیب
اور تم عشق کو کہتے تھے کہ آساں ہو گا؟
ساغر صدیقی

 

[رباب واسطی]

جان دی، دی ہوئی اسی کی تھی
حق تو یہ ہے کہ حق ادا نہ ہوا

 

[زیرک]

آتے آتے کی تکرار
تری آنکھ پھرتے ہی کیسا پھرا ہے
پھرا مری راہ پر آسماں آتے آتے
مون خان مومن

 

[رباب واسطی]

اب اداس پھرتے ہو سردیوں کی شاموں میں
اس طرح تو ہوتا ہے اس طرح کے کاموں میں

 

[محمد تابش صدیقی]

غمِ دنیا، غمِ عقبیٰ، غمِ فردا پا لے
دل تو اپنے ہی لہو کا یہ پیاسا نکلا
نظرؔ لکھنوی

 

[زیرک]

لفط لگے کی تکرار
اب کہاں یہ دلِ دیوانہ لگے
شعر جنگل لگے ویرانہ لگے
آنکھ لگتی ہے، نہ جی لگے
لگ گیا ہے دلِ دیوانہ لگے

 

[محمد تابش صدیقی]

غموں سے دوچار مستقل ہے، ہزار غم ہیں اور ایک دل ہے
غمِ محبت، غمِ سفینہ، غمِ مقدر، غمِ زمانہ
نظرؔ لکھنوی

 

[رباب واسطی]

کہتا ہے دل کہ مجھ کو کیا آنکھ نے خراب
کہتی ہے آنکھ مجھ کو تو دل نے ڈبو دیا
آتی نہیں سمجھ میں ہے اصل بات کیا
ہم کو تو میؔر دونوں نے مل کے ڈبو دیا

 

[زیرک]

لفط تکتے تکتے کی تکرار
راہ تکتے تکتے جب تھک گئیں میری آنکھیں
پھِر تجھے ڈھونڈنے مری آنکھ سے آنسو نکلے

 

[محمد تابش صدیقی]

کہتا ہے دل کہ مجھ کو کیا آنکھ نے خراب
کہتی ہے آنکھ مجھ کو تو دل نے ڈبو دیا
آتی نہیں سمجھ میں ہے اصل بات کیا
ہم کو تو میؔر دونوں نے مل کے ڈبو دیا

یہ تو ردیف ہے۔ اور ردیف کی تکرار تو اصولی بات ہے۔
ایسے اشعار لائیں، جن میں ایک مصرع میں الفاظ کی تکرار ہو۔

 

[رباب واسطی]

بوسہِٗ رخسار پر تکرار رہنے دیجیے
لیجیے یا دیجیے انکار رہنے دیجیے

 

[زیرک]

ایسے اشعار جن میں لفظوں کی تکرار ہو۔
تجھے بھی ضد ہے، مجھے بھی ضد ہے،ضدوں کی یہ دھوم کم نہ ہوگی
ترا تبسم جواں رہے گا،مرے ارادے جواں رہیں گے
عدم

پہلے شعر میں مصرع کی بجائے شعر میں تکرار کی شرط ہے برادرم محمد تابش صدیقی
لفط دیکھ کی تکرار
کھول آنکھ، زمیں دیکھ، فلک دیکھ، فضا دیکھ
مشرق سے ابھرتے ہوئے سورج کو ذرا دیکھ
علامہ اقبال

 

[رباب واسطی]

یہ تو ردیف ہے۔ اور ردیف کی تکرار تو اصولی بات ہے۔
ایسے اشعار لائیں، جن میں ایک مصرع میں الفاظ کی تکرار ہو۔

میں ردیف کی تکرار کو ہائی لائٹ کرگئی اور آپ نے آنکھ اور دل کی تکرار پر غور نہیں کیا
بہر حال پھر بھی سر آنکھوں پر۔ اگلی بار خیال رکھوں گی

 

[زیرک]

اعتراض تو کسی کا بھی بن سکتا ہے کہ شعر کے مقابلے میں شعر یا قطعہ ہو تو بھی چل سکتا ہے مگر کئی دوست پوری غزل شامل کر دیتے ہیں۔
لفط ''کیا'' کی تکرار
آنکھ جو کچھ دیکھتى ہے‌، لب پہ آسکتا نہیں
محو حیرت ہوں کہ دنیا کیا سے کیا ہو جائے گى

 

[زیرک]

لفط ''لکھتے لکھتے'' کی تکرار
دل کے تمام زخم اشکوں میں پِرو دیتے ہیں
ہم شعر لکھتے لکھتے لفظوں کو بھگو دیتے ہیں

 

[رباب واسطی]

دفن کرنا میری میّت کو بھی میخانے میں
تاکہ میخانے کی مٹّی رہے میخانے میں

جگرؔ مراد آبادی

 

[رباب واسطی]

میرا انداز نصیر اہلِ جہاں سے ہے جدا
سب میں شامل ہوں ، مگر سب سے الگ بیٹھا ہوں

 

[محبوب الحق]

میں اتنا نرم طبعیت کہ یہ بھی چاہتا ہوں
‏جو آستین میں رہتا ہے وہ بھی پل جائے

 

[زیرک]

میں اتنا نرم طبعیت کہ یہ بھی چاہتا ہوں
‏جو آستین میں رہتا ہے وہ بھی پل جائے

اس میں الفاظ کی تکرار تو نہیں لیکن شعر اچھا ہے
لفط ''قدم قدم'' کی تکرار
یہ شہرِ دل ہے ذرا سوچ کر مکِیں ہونا
قدم قدم پہ یہاں خوش جمال بستے ہیں
نعیم ضرار

 

[محمد تابش صدیقی]

میں ردیف کی تکرار کو ہائی لائٹ کرگئی اور آپ نے آنکھ اور دل کی تکرار پر غور نہیں کیا
بہر حال پھر بھی سر آنکھوں پر۔ اگلی بار خیال رکھوں گی

اسی ہائی لائٹ کرنے نے معاملہ گڑبڑ کیا.