الفاظ کی تکرار

[زیرک]

الفاظ ''شراب'' اور ''لا'' کی تکرار
تیرے شباب پر صدا کرم رہے بہار کا
تجھے لگے میری دعا شراب لا شراب لا

 

[رباب واسطی]

سہما سہما ہر اک چہرہ ،،، منظر منظر خون میں تر
شہر سے جنگل ہی اچھا ہے چل چڑیا تو اپنے گھر

 

[رباب واسطی]

کہیں شبنم کہیں خوشبو کہیں تازہ کلی رکھنا
پرانی ڈائری میں قید کر کے زندگی رکھنا
https://www.rekhta.org/ghazals/kahi...lii-rakhnaa-intizar-ghazipuri-ghazals?lang=ur

 

[زیرک]

الفاظ ''بات'' کی تکرار
سنا ہے بولے تو باتوں سےپھول جھڑتے ہیں
یہ بات ہے تو چلو بات کر کے دیکھتے ہیں
فراز

 

[زیرک]

الفاظ ''ہو'' کی تکرار
تم چاندنی ہو، پھول ہو، نغمہ ہو، شعر ہو
اللّٰه رے!! حُسنِ ذوق مِرے انتخاب کا

 

[محمد تابش صدیقی]

چند ایک اپنی تک بندیوں میں سے۔

اِلٰہی عَفو و عطا کا تِرے اَحَق ہوں میں
خطاؤں پر ہوں میں نادم، عَرَق عَرَق ہوں میں

 

[محمد تابش صدیقی]

یہ تار تار سا دامن، یہ آبلہ پائی
بتا رہے ہیں کہ راہی بہ راہِ حق ہوں میں
تابش

 

[محمد تابش صدیقی]

جو ذرّے ذرّے کو روشن کرے، وہ تابشِؔ صبح
افق پہ شام کو پھیلی ہوئی شفق ہوں میں
تابش

 

[محمد تابش صدیقی]

زندگی میں زندگی باقی نہیں
جستجو اور شوق پیچھے رہ گئے
تابش

 

[رباب واسطی]

ہنس ہنس کے کہہ رہا ہے جلانا ثواب ہے
ظالم یہ میرا دل ہے چراغِ حرم نہیں

 

[فہد اشرف]

مندر گئے مسجد گئے پیروں فقیروں سے ملے
اک اس کو پانے کے لیے کیا کیا کیا، کیا کیا ہوا
بشیر بدر

 

[محمد تابش صدیقی]

کبھی دُکھ ملے، کبھی سُکھ ملے
یہی میرے رب کا نظام ہے
تابش

 

[زیرک]

لفظ ''کہا'' کی تکرار
یار نے جو بھی کہا، دل نے کہا بسم اللہ
اس طرح عشق مبارک نے نباھا، آہا
مبارک صدیقی

 

[رباب واسطی]

ہم بے زباں نہیں تھے مگر بے زباں رہے
آنسو ہی حسرتوں کے سدا ترجماں رہے

 

[زیرک]

لفظ ''خواب'' کی تکرار
میں اک خواب کا منظر ہوں خواب تم جاناں
ہوں ایک پھول کی پتی، گلاب تم جاناں

 

[زیرک]

لفظ ''واہ واہ'' کی تکرار
شاعر کو مست کرتی ہے تعریفِ شعر امیر
سو بوتلوں کا نشہ ہے اس واہ واہ میں
امیر مینائی

 

[رباب واسطی]

تمام عمر چلی ہے تمام عمر چلے
الٰہی ختم نہ ہو یار غم گسار کی بات

مخدومؔ محی الدین

 

[زیرک]

لفظ ''دفتر'' کی تکرار
اب شعر وہی ہے اے جالب جس پر کوئی افسر جھوم اٹھے
کر ایسی غزل سے بسم اللہ دفتر کا دفتر جھوم اٹھے
حبیب جالب

 

[جاسمن]

زندگی میں زندگی باقی نہیں
جستجو اور شوق پیچھے رہ گئے
تابش

بہت خوب!

 

[زیرک]

الفاظ ''اعتبار''، "کیا'' اور ''بار'' کی تکرار
پھر اعتبار کیا، پھر سے اعتبار کیا
یہ کام اس کیلئے ہم نے بار بار کیا