الفاظ کی تکرار

[زیرک]

ہم عشق میں ہیں فرد، تو تم حسن میں یکتا
ہم سا بھی نہیں ایک جو تم سا نہیں کوئی
مادھو رام جوہر​

 

[زیرک]

نہ مانگیے جو خدا سے تو مانگیے کس سے
جو دے رہا ہے، اسی سے سوال ہوتا ہے
مادھو رام جوہر​

 

[زیرک]

زلفیں منہ پر ہیں، منہ ہےزلفوں میں
رات بھر صبح، شام دن بھر ہے
مادھو رام جوہر​

 

[زیرک]

آپ کو ہم سے محبت بھی تو ہو سکتی ہے
اور محبت میں خسارہ بھی تو سکتا ہے
ناظر وحید​

 

[عبدالرحمن آزاد]

محبت کے ساغر چھلکنے لگے ہیں
وہ دل بن کے دل میں دھڑکنے لگے ہیں
ابراھیم اشک

 

[زیرک]

تھک گیا میں کرتے کرتے یاد تجھ کو
اب تجھے میں یاد آنا چاہتا ہوں
قتیل شفائی​

 

[زیرک]

یادیں چھٹی منانے آئیں تھیں
گھر سے نکلے نہ ہم دسمبر میں​

 

[مومن فرحین]

روز شب یاد تیری یاد تیری یاد فقط
اب تیری یاد سے ہونے لگی وحشت جاناں

 

[سیما علی]

یاد کرنے پہ بھی دوست آئے نہ یاد
دوستوں کے کرم یاد آتے رہے

خمار بارہ بنکوی
۔۔۔

 

[رباب واسطی]

کسی کی یاد آتی ہے تو یہ بھی یاد آتا ہے
کہیں چلنے کی ضد کرنا مرا تیار ہو جانا

 

[رباب واسطی]

بوسۂ رخسار پر تکرار رہنے دیجیے
لیجیے یا دیجیے انکار رہنے دیجیے
حفیظ جونپوری

 

[سیما علی]

تھک گئے ہم کرتے کرتے انتظار
اک قیامت ان کا آنا ہو گیا
اختر شیرانی

 

[سیما علی]

نہ ہم سفر نہ کسی ہم نشیں سے نکلے گا
ہمارے پاؤں کا کانٹا ہمیں سے نکلے گا
راحت اندوری