الف بے پے کا کھیل/الف بے میں بات چیت (سلسلہ نمبر 24)

[الف عین]

جہاں چاہ وہاں راہ بھی اسی کو کہتے ہیں۔ لیکن کچھ لوگ چاہ کے کچھ اور ہی معنی لیتے ہیں۔۔۔

 

[ابن سعید]

چاہ کن را چاہ در پیش بھی تو کہا جاتا ہے۔

ویسے مجھے لگتا ہے کہ ان دنوں چاچو کے مطالعے میں کوئی قاسم زدہ ناول رہا ہے۔

 

[شمشاد]

حیران نہ ہوں، چاہ کے کئی ایک مطلب ہیں، جن میں ایک کنواں بھی تو ہے۔

 

[ابن سعید]

خیر میں کیوں حیران ہونگا جبکہ مجھے کندیدن مطلب کھودنا بھی معلوم ہے جس سے چاہ کن اور گور کن کے کن نکلے ہیں۔

ویسے ہمارے گاؤں میں تو چائے کو بھی چاہ ہی کہتے ہیں۔

 

[وجی]

حضرت چاچو کچھ وضاحت کرینگے قاسم زدہ کی

 

[ابن سعید]

دیگر ضروری احوال بعد سلام کے یہ ہیں کہ قاسم ایک کردار کا نام ہے مرحوم ابن صفی کا تخلیق کردہ۔ جو ۔۔۔۔۔۔۔۔ اب اس سے آگے آپ خود پتہ کر لیجئے کہ جو کیا؟

 

[شمشاد]

ڈاکٹر ڈھکن بھی تو انہی کے کرداروں میں ایک ہے۔

 

[مغزل]

ذہین لوگوں کی محفل کو مجھ جہل مرتبت کا سلام

 

[شمشاد]

راستہ بدل کر آخر آپ آ ہی گئے محفل میں۔

 

[مغزل]

زیادہ دن دور نہیں رہ سکتا محفل سے ، ایک ہاتھ سے کی بورڈ چلانا پڑ رہا ہے ۔ خیر ۔ آپ کیسے ہیں۔

 

[ابن سعید]

سرکار کیا ہو گیا آپ کو؟

 

[شمشاد]

شاید اپنی ایک انگلی تڑوا بیٹھے تھے ڈاکو سے مقابلہ کرتے ہوئے۔

 

[ابن سعید]

صاحب یہ خبر تو ملی تھی کہ کسی دوست کے ساتھ ڈاکؤوں سے پنجہ آزمائی کر بیٹھے۔

 

[شمشاد]

ضرور پنجہ آزمانہ تھا، چپکے سے موبائیل اس کے حوالے کرتے اور آرام سے گھر آ جاتے۔

 

[ابن سعید]

طفل یا ضعف کی علامت ہوتی پھر تو۔

 

[مغزل]

شاید اپنی ایک انگلی تڑوا بیٹھے تھے ڈاکو سے مقابلہ کرتے ہوئے۔

ظلم ہے یہ تو ۔ ارے بھئی ہم نے انگلی نہیں تڑوائی ، وہ تو خود ہی ٹوٹ گئی ۔
(ویسے گوشت پھٹ گیا تھا اور بال برابر چٹخی ہے )

 

[مغزل]

صاحب یہ خبر تو ملی تھی کہ کسی دوست کے ساتھ ڈاکؤوں سے پنجہ آزمائی کر بیٹھے۔

عین ممکن تھا ایسا ہوتا ۔ مگر میں اکیلا تھا اور وہ دو ، وہ بھی مسلح ۔
پنجہ آزمائی نہیں کی لات آزمائی تھی ۔ کورین میں تھی تھورا یا پ چھگی کہتے ہیں اسے ۔ انگریزی میں راؤنڈوز کک ۔

 

[ابن سعید]

عالی مقام کا اقبال بلند ہو!

 

[مغزل]

غیریت کیوں برت رہے ہیں جناب۔؟

 

[ابن سعید]

فی الحال تو آپ یہ تک بندی ملاحظہ فرمائیں۔