الف بے پے کا کھیل/الف بے میں بات چیت (11)

[سارہ خان]

تو کوئی شک ہے آپ کو کیا ۔۔۔۔۔۔۔

 

[ابن سعید]

ٹھیک ہے بیٹا کوئی شک نہیں۔

 

[شمشاد]

ثمرین اللہ ماری پھر آ گئی میرے حصے میں۔

 

[عندلیب]

جان آ جاتی ہے ثمرین اور ثروت سے اس دھاگے میں شمشاد بھائی ۔۔۔

 

[شمشاد]

چلیں آپ کہتی ہیں تو مان لیتے ہیں، وگرنہ ث سے ثمرین اکثر میری باری پر ہی آتی ہے۔

 

[عندلیب]

حیرت کی بات ہے اتنا جلدی مان گئے آپ ؟؟؟

 

[شمشاد]

خیریت اسی میں نظر آئی کہ خواتین کی بات بلا چون و چرا مان لینی چاہیے۔

 

[ابن سعید]

دیکھئے شمشاد بھائی برسوں کا تجربہ ایک فقرے میں کہہ گئے۔

 

[عمار ابن ضیا]

ڈاکو ڈاکو کا نعرہ دوبارہ لگایا تو شاید خفیہ ایجنسیاں یہ سمجھ کر کہ صدرِ پاکستان پر انگلی اٹھارہا ہوں، مجھے ہی اندر نہ کرلیں۔

 

[مغزل]

ذہن پر زور دیجئے عمار میاں ۔۔ کس نے ڈاکو ڈاکو کا نعرہ لگا دیا۔۔
مجھے تو کہیں نظر نہیں آیا۔۔۔

 

[جیہ]

رہے نام اللہ ۔۔۔ کیا یہاں ڈاکو ڈاکو کھیلا جا رہا ہے ؟ کون ہے ڈاکو؟

 

[مغزل]

زہے نصیب تو آپ بھی یہاں موجود ہیں۔۔ خیرمقدم کو حضورِ یار آیا ہوں۔
روزے کیسے جارہے ہیں۔ جی جی ۔۔۔ اور جی جا جی کیسے ہیں۔۔ کچھ خبر بھی دیجئے۔

 

[جیہ]

سلام علیکم مغل بھائی۔ یوں تو خیریت ہے ۔ اور روزے بھی اچھے جا رہے ہیں وہ بھی ٹھیک ہیں مگر سچ پوچھیں تو سوات کے حالات پر دل خون کے آنسو رو رہا ہے ۔ دل پر جبر کرکے یہاں کچھ مزاحیہ فقرے لکھنے کی ناکام کوشش کرتی ہوں ورنہ بقول غالب ۔۔۔

آگے آتی تھی حال دل پہ ہنسی
اب کسی بات پر نہیں آتی

 

[مغزل]

شب خون مارنے والے بھی اپنے ہی کہلاتے ہیں جیہ۔
اب کیا کیا جائے سوائے دعا کے ۔۔ باقی ہمارے اختیار سے باہر ہے۔
مالک و مولیٰ سلامت رکھے ۔ آپ کو اور آپ سب کو۔ ہم سب کو
والسلام

 

[جیہ]

صدائیں بے اثر ہیں ۔ اللہ جانے جب حالات بدلیں گے

 

[سارہ خان]

ضرور بدلیں گے انشاء اللہ ۔۔ امید اچھی رکھنی چاہیے ۔۔

 

[مغزل]

طلب میں نیاز شامل ہو مطلوب و مقصود میسر آتا ہے۔ جی جو

 

[جیہ]

ظلمت کدے میں میرے شب غم کا زور ہے
اک شمع ہے دلیل سحر سو خموش ہے

 

[ابن سعید]

عہت رفتہ کی اگر تاریخ کر دوں‌بے نقاب!

 

[سارہ خان]

غفلت کے پردے میں چھپی ہوئی ہوگی ۔۔