الف بے پے کا کھیل 54 ویں قسط۔

[وجی]

السلام علیکم

کھیل پھر شروع کیا جاتا ہے

 

[پپو]

بہت شکریہ وجی بھائی

 

[شمشاد]

پہلے والا دھاگہ مقفل ہو گیا کیا؟

 

[mfdarvesh]

تو کردیں نا، اگر نہیں ہوا تو

 

[شمشاد]

ٹھیک ہے میں ہی اُسے مقفل کر دیتا ہوں، میرے کون سے کوئی پیسے خرچ ہونے ہیں۔

 

[محمد امین]

ثمرقند سے آئے ہیں کیا آپ جو آپ کے پیسے خرچ نہیں ہوتے؟

 

[پپو]

جواب تو اچھا مگر ثمر قند کی کرنسی کوئی خاس ہے

 

[شمشاد]

چکر دینا چاہ رہے ہیں مجھے کہ میں پیسے خرچ کر دوں، ایسا ہرگز نہیں ہو گا۔

 

[وجی]

حضرت وہ دھاگا چاچو بند کر چکے ہیں پہلے ہی

 

[شمشاد]

خیالی پلاؤ ہی پکاتے رہ گئے اور وہ کام دکھا گئے۔

 

[محمد امین]

دیکھیے جناب۔۔۔ یہ ایک کھیل ہے اور یہ ایک عالمی حقیقت ہے کہ کھیل جنگ کی طرح کھیلا بلکہ لڑا جاتا ہے۔۔۔ اور چونکہ جنگ (اور محبت میں بھی) سب کچھ جائز ہے، لہٰذا میں ثمرقند کی بات کروں یا شکرقند کی، یہ میرا جمہوری حق ہے۔۔ اور اوٹ پٹانگ باتیں نہ کی جائیں تو اس کھیل کا مزا بھی نہیں۔۔۔ ایک ایک جملہ لکھ کر یار لوگ کونسا تیر مار لیتے ہیں؟؟؟

 

[وجی]

ڈر لگتا ہے کہ یہاں لڑائی نہ شروع ہوجائے

 

[محمد امین]

ذرا آپ بھی شرکت کی جسارت کیجیے، مہابھارت کا مزہ نہ آجائے تو پیسے واپس۔۔۔۔

 

[وجی]

رہنے دیں جناب ہمیں تو

 

[شمشاد]

رات بھر بھی کہانی سناتے رہیں تو صبح اٹھ کر پوچھیں گے کہ لیلٰی مرد تھی کہ عورت ویسے کئی ایک ہیر کے متعلق بھی ایسا ہی کہتے ہیں۔

 

[محمد امین]

پہاڑ تلے ذرا اونٹ کو آ تو لینے دیں۔۔۔۔ پھر ہم پوچھیں گے مہا بھارت میں لیلیٰ کہاں تھی اور ہیر کہاں؟

 

[شمشاد]

زیادہ ہی پہاڑ تلے نہ آ جائے پھر نہ لیلٰی رہے گی نہ ہیر

 

[محمد امین]

سوچتے ہیں لیلیٰ و ہیر کے قصے پرانے ہوئے، اب ہم بھی اپنی کوئی ماہ رُو پری خصال دنیا کے سامنے لا کر ادب پر احسانِ عظیم کریں۔۔۔ جیسا کہ حضرت ضمیر جعفری نے فرمایا تھا:

اقبال کا شاہیں تو کب کا اڑ چکا
اب تم اپنا اک مقامی جانور پیدا کرو

مسئلہ یہ بھی ہے کہ اس شعر کے آخری دو الفاظ میں جو مشورہ دیا گیا ہے وہ ہمارا کام نہیں ہے۔۔۔ دوسرے یہ بھی کہ ضمیر صاحب نے تو شاہین پرندہ فرمایا تھا مگر ہم نے اسے "مسماۃ شاہین" سمجھ لیا۔۔۔

 

[شمشاد]

شاھین پرندہ بھی ہے اور مسماۃ بھی ہے، ٹانگیں دونوں کی دو دو ہوتی ہیں۔ یہ الگ بات ہے کہ ایک کے دو پر ہیں اور ایک کے دو عدد ہاتھ۔

 

[الف عین]

سوچ رہا ہوں کہ یہ محاورے کا خون کیوں کیا جا رہا ہے، یوں کہا جاتا ہے کہ پوری رامائن ختم ہو گئی، اور پوچھ رہے ہیں کہ سیتا کون تھا؟