املوک یا جاپانی پھل کے فوائد۔

[محمد عدنان اکبری نقیبی]

املوک پاکستان میں کچھ دہائیوں سے ہے اس کی کاشت سب سے پہلے چین میں کی گئی اس کے بعد اسے جاپان میں کاشت کیا جانے لگا۔پاکستان میں اس کو جاپان سے درآمد کیا گیا ہے اسی لے اس پھل کو زیادہ تر لوگ جاپانی پھل کہتے ہیں۔یہ موسم سرما کا پھل ہے اور اسے اب پاکستان کے کچھ علاقوں بڑی کامیابی سے کاشت کیا جا رہا ہے۔ان میں کشمیر اور سوات کے علاقے بھی شامل ہیں۔

پاکستانی آب و ہوا کے لئے یہ پھل موافق ہے اسی لئے اس کی کاشت دن بدن بڑھتی چلی جارہی ہے۔املوک گرم مزاج پھل ہے اس لئے اس کو ہمیشہ اعتدال میں ہی کھائیں۔اور ہمیشہ پکا ہوا پھل کھائیں کچا پھل نقصان دہ ہوسکتا ہے۔املوک میں وٹامن اے، وٹامن بی اور سی،پروٹین،کیلشیم،فاسفورس،فولاد اور پوٹاشیم پایا جاتا ہے۔سو گرام پھل میں صرف 80کیلوریز ہوتی ہیں۔
املوک کے طبعی فوائد:
٭ اس پھل کو کمر درد میں کھانا فائدہ مند ہوتا ہے۔
٭گلے کی سوزش اور خراش میں بھی فائدہ مند ہے۔
٭سخت جسمانی مشقت سے پٹھوں کی اکڑن اور درد میں مفید ہے۔
٭بڑی آنت میں خرابیوں کو دور کرنے میں مدد کرتا ہے۔
٭یہ ہمارے نظام انہظام کو درست رکھتا ہے۔
٭دل کی بیماریوں میں کھانا فائدہ مند ہے۔
٭ شوگر کو کنٹرول کرتا ہے۔
٭قوت معدافعت میں اضافہ کا سبب بنتا ہے۔
٭وزن کی کمی کا سبب ہے۔
٭یہ پھل آنت کے زخم ٹھیک کرتا ہے۔
٭ بڑی آنت کے ورم کو کم کرتا ہے۔
٭ قبض کو دور کرتا ہے۔
٭ اپینڈکس کے مرض میں بھی کھانا مفید ہے۔
٭ معدے کی خرابیوں کو دور کرتا ہے۔

 

[محمد وارث]

یہ کونسے املوک ہیں نقیبی صاحب، ہم تو آج تک املوک یا "ملوک" چھوٹے چھوٹے سیاہ سے، بیجوں سے بھرے پھل ہی کو سمجھتے رہے، جس کو کھانے میں لذت کم اور محنت زیادہ ہے۔

 

[اے خان]

یہ کونسے املوک ہیں نقیبی صاحب، ہم تو آج تک املوک یا "ملوک" چھوٹے چھوٹے سیاہ سے، بیجوں سے بھرے پھل ہی کو سمجھتے رہے، جس کو کھانے میں لذت کم اور محنت زیادہ ہے۔

مجھے یہ والے املوک پسند ہے. سردیوں کی لمبی راتوں میں مونگ پھلی اور املوک کا اپنا ایک مزہ ہے. اور یہ جاپانی پھل کھانے سے تو میرے منہ اندر سے خشک سا ہوجاتا ہے.

 

[لئیق احمد]

یہ جاپانی پھل کھانے سے تو میرے منہ اندر سے خشک سا ہوجاتا ہے.

خوب پکا ہوا کھائیں تو پھر نہیں ہوتا۔

 

[لئیق احمد]

یہ کونسے املوک ہیں نقیبی صاحب، ہم تو آج تک املوک یا "ملوک" چھوٹے چھوٹے سیاہ سے، بیجوں سے بھرے پھل ہی کو سمجھتے رہے، جس کو کھانے میں لذت کم اور محنت زیادہ ہے۔

ہمارے علاقے میں اسے ملوک کہا جاتا ہے، مگر جاپانی پھل کو بھی کچھ علاقوں میں املوک کہا جاتا ہے۔

 

[سید عمران]

کراچی میں تو اسے جاپانی پھل یا املوک ہی کہتے ہیں۔۔۔
یہ کالا والا پھل بھی نظر آتا ہے مگر اس کا نام آج ہی پتا چلا ہے۔۔۔
کاش کوئی اس کے بھی ’’طبعی‘‘ خواص بتادے۔۔۔
طبی خواص ہم کہیں اور سے معلوم کرلیں گے!!!

 

[اے خان]

خوب پکا ہوا کھائیں تو پھر نہیں ہوتا۔

پھر منہ اور ہاتھ دھونا پڑتے ہیں.

 

[فرقان احمد]

اس پھل کو اردو میں غرمالو، فارسی میں خرمالو، پشتو میں پارسیمن کہتے ہیں۔ عام افراد اسے املوک یا جاپانی پھل کے نام سے یاد کرتے ہیں۔

مزید تفصیل کے لیے دیکھیں۔

Persimmon - Wikipedia

 

[ہادیہ]

یہ کونسے املوک ہیں نقیبی صاحب، ہم تو آج تک املوک یا "ملوک" چھوٹے چھوٹے سیاہ سے، بیجوں سے بھرے پھل ہی کو سمجھتے رہے، جس کو کھانے میں لذت کم اور محنت زیادہ ہے۔

اسے سنگھاڑے کہتے ہیں۔ مگر یہ نہیں معلوم اب یہ پنجابی زبان میں کہتے یا اس کا نام ہی یہ ہے۔۔۔ اور چاپانی پھل کا نام "املوک" یا "ملوک" پہلی بار سنا پڑھا۔۔

 

[ہادیہ]

پھر منہ اور ہاتھ دھونا پڑتے ہیں.

کم ازکم "آم" جتنا برا حال نہیں کرتے۔۔۔ وہ کہتے ہیں نا آم اور سویاں صرف "اپنے گھر" میں کھا سکتے۔۔۔

 

[لئیق احمد]

اسے سنگھاڑے کہتے ہیں

یہ سنگھاڑے نہیں ہیں۔ یہ تصویر ملوک کی ہے ۔
سنگھاڑے یہ ہیں

 

[محمد وارث]

اسے سنگھاڑے کہتے ہیں۔ مگر یہ نہیں معلوم اب یہ پنجابی زبان میں کہتے یا اس کا نام ہی یہ ہے۔۔۔ اور چاپانی پھل کا نام "املوک" یا "ملوک" پہلی بار سنا پڑھا۔۔

نہیں سنگھاڑا اور چیز ہے۔ یہ ملوک ہے، اس کا اوپر والا کالا حصہ کھایا جاتا ہے اور اس کے اندر چھوٹے چھوٹے انتہائی سخت بیج ہوتے ہیں۔

سنگھاڑے کا اوپر والا کالا چھلکا سخت ہوتا ہے جسے چھری سے کاٹنا پڑتا ہے اور اندر سفید نرم بیج ہوتا ہے جسے کھایا جاتا ہے، سنگھاڑوں کی تصویر:

 

[لئیق احمد]

اسے سنگھاڑے کہتے ہیں۔ مگر یہ نہیں معلوم اب یہ پنجابی زبان میں کہتے یا اس کا نام ہی یہ ہے۔۔۔ اور چاپانی پھل کا نام "املوک" یا "ملوک" پہلی بار سنا پڑھا۔۔

کیا آپ بتا سکتی ہیں کہ آپ کا تعلق کس شہر سے ہے؟ ہمارے لاہور میں بھی جاپانی پھل کو صرف جاپانی پھل ہی کہتے ہیں۔

 

[ہادیہ]

یہ سنگھاڑے نہیں ہیں۔ یہ تصویر ملوک کی ہے ۔
سنگھاڑے یہ ہیں

سوری مجھے تو وہ بھی سنگھاڑے ہی لگے تھے۔۔۔

 

[لئیق احمد]

سوری مجھے تو وہ بھی سنگھاڑے ہی لگے تھے۔۔۔

ویسے مجھے تو سنگھاڑے ملوک سے زیادہ لذیذ لگتے ہیں ۔

 

[محمد وارث]

سوری مجھے تو وہ بھی سنگھاڑے ہی لگے تھے۔۔۔

سنگھاڑے کا موسم بس شروع ہو ہی چکا، آج کل شام کو گھر جاتے ہوئے مجھے اس طرح کی ریڑھی کی تلاش ہوتی ہے، میں اور میرے تینوں بچے انتہائی شوق سے سنگھاڑے کھاتے ہیں۔

 

[ہادیہ]

سوری جس کالے پھل کا پہلے ذکر کیا گیا مجھے اس کا علم نہیں ۔۔۔ لئیق بھائی بہاولپور سائیڈ ایک شہر نماگاؤں سے تعلق ہے میرا۔۔ بہاولپور ضلع ہے ہمارا۔۔۔

 

[سید عمران]

اس پھل پر یہاں بھی بحث ہوچکی ہے!!!

 

[محمد وارث]

اس پھل پر یہاں بھی بحث ہوچکی ہے!!!

یہاں بحث جاپانی پھل سے شروع ہو کر براہ راستہ املوک، سنگھاڑوں پر پہنچی تو وہاں اسی راستے سے بیروں تک پہنچی!

 

[محمد عدنان اکبری نقیبی]

جاپانی پھل کے دیگر فوائد۔