اوجِ تخیّل ۔ اشعار شامل کیجے۔

[محمداحمد]

اشعار کے اس سلسلے میں ایسے اشعار شامل کیجے جن میں آپ کا خیال ہو کہ شاعر کا تخیّل اوج پر پہنچا ہوا ہے۔

سرگوشی

اگر کسی کے شامل کردہ شعر میں آپ کو تخیّل کی اُڑان نیچی معلوم ہو تو نشاندہی کے بجائے جواب میں کوئی اونچا شعر پیش کر دیجے۔

 

[محمداحمد]

سنا ہے اس کے بدن کی تراش ایسی ہے
کہ پھول اپنی قبائیں کتر کے دیکھتے ہیں
​

آغاز ہم نے کر دیا ہے۔ آگے آپ جانیے۔ سرگوشی مدِّ نظر رہے۔

 

[صائمہ شاہ]

سنا ہے اس کے بدن کی تراش ایسی ہے
کہ پھول اپنی قبائیں کتر کے دیکھتے ہیں
​

آغاز ہم نے کر دیا ہے۔ آگے آپ جانیے۔ سرگوشی مدِّ نظر رہے۔

سنا ہے بولےتو باتوں سے پھول جھڑتے ہیں
یہ بات ہے تو چلو بات کر کے دیکھتے ہیں

 

[محمداحمد]

بنے وہ کیسا تماشہ تہہِ فلک جو چراغ
بجھا دیے گئے اور روشنی میں رکھے گئے

محشر بدایونی​

 

[محمد تابش صدیقی]

کاش ایسا تال میل سکوت و صدا میں ہو
اس کو پکاروں میں تو اسی کو سنائی دے

کرشن بہاری نور

 

[راحیل فاروق]

قصور وار، غریب الدیار ہوں لیکن
ترا خرابہ فرشتے نہ کر سکے آباد ! !
اقبالؔ​

 

[راحیل فاروق]

تو نے یہ کیا غضب کیا، مجھ کو بھی فاش کر دیا
میں ہی تو ایک راز تھا سینۂِ کائنات میں ! ! !
اقبالؔ​

 

[الشفاء]

سنا ہے اس کے بدن کی تراش ایسی ہے
کہ پھول اپنی قبائیں کتر کے دیکھتے ہیں

سنا ہے اس کے شبستاں سے متصل ہے بہشت
مکیں اُدھر کے بھی جلوے ادھر کے دیکھتے ہیں۔

 

[الشفاء]

کروں تیرے نام پہ جاں فدا ، نہ بس ایک جاں دو جہاں فدا
دو جہاں سے بھی نہیں جی بھرا ، کروں کیا کروڑوں جہاں نہیں

 

[محمد تابش صدیقی]

دل خون ہوا ہو گا یونہی، پھر ڈوب گیا ہو گا یونہی
ہم ڈوبتے سورج کا یونہی ہر روز نظارہ کرتے ہیں

 

[محمداحمد]

بندھا ہوا ہے بہاروں کا اب وہاں تانتا
جہاں رُکا تھا میں کانٹے نکالنے کے لئے

احسان دانش

 

[محمد ریحان قریشی]

تها بس کہ روز قتل شہ آسماں جناب
نکلا تها خوں ملے ہوئے چہرے پہ آفتاب
تهی نہر علقمہ بهی خجالت سے آب آب
روتا تها پهوٹ پهوٹ کے دریا میں ہر حباب
پیاسی جو تهی سپاہ خدا تین رات کی
ساحل سے سر پٹکتی تهیں موجیں فرات کی

 

[راحیل فاروق]

قیامت ہے کہ ہووے مدعی کا ہم سفر غالبؔ
وہ کافر جو خدا کو بھی نہ سونپا جائے ہے مجھ سے
غالبؔ​

 

[الشفاء]

ترے عشق کی انتہا چاہتا ہوں
مری سادگی دیکھ کیا چاہتا ہوں

 

[محمداحمد]

دیر سے سوچ میں ہیں پروانے
راکھ ہو جائیں یا ہوا ہو جائیں

فرازؔ​

 

[محمداحمد]

اسی احساس کی دل میں فراونی رہے گی
خوشی کم ہے تو کیا ، گننے میں آسانی رہے گی

محسن چنگیزی​

 

[یاز]

آج ہم دار پہ کھینچے گئے جن باتوں پر
کیا عجب کل وہ زمانے کو نصابوں میں ملیں
(احمد فراز)​

 

[الشفاء]

اُن کی زلفوں سے کچھ مہک لے کر
مشک و عنبر بنائے جاتے ہیں

 

[سعیدالرحمن سعید]

رات کے پچھلے پہر چاند نے چھیڑی ہے غزل
رقص کرتا ہوا اترا ہے تخیل تیرا
فاروق درویشؔ​

 

[عباد اللہ]

ہوسِ لقمہ ء تر کھا گئی لہجے کا جلال
اب کسی حرف کو حرمت نہیں ملنے والی
افتخار عارف