اوستھا

[نیرنگ خیال]

میں تو اس لئے سوچتی ہی نہیں کہ اس سال کیا کرنا ہے

تم بھی بڑے دنوں بعد نظر آئی ہو مانو شیف۔۔۔۔۔

 

[سیدہ شگفتہ]

اوستھا​

2015 اپنے اختتام کو پہنچا۔ نئے سال کا سورج طلوع ہونے والا ہے۔ کتنے سالوں سے یہی عادت ہے کہ سالِ نو کے آغاز میں ارادے باندھنا اور سال کے آخر میں ان بوسیدہ منصوبوں کو دفن کر دینا۔ آج بھی ایک ایسا ہی دن ہے۔ کتنے منصوبے دفنا رہا ہوں جو اس سال کے آغاز میں بڑے جذبے سے بنائے گئے تھے۔ اس وقت یوں محسوس ہوتا تھا کہ ان کی تکمیل کرنے میں صرف چند دن کا فاصلہ ہے ۔ یہ چند دن کب چند ہفتے اور پھر مہینے سے ہوتے ہوئے سال میں ڈھل گئے اگر سوچنے بیٹھوں تو شاید کوئی وجہ نہ تلاش کر سکوں۔

چائے کا کپ ہاتھ میں لیے میں ہمیشہ کی طرح طلوع آفتاب کا منتظر ہوں۔اس منظر سے شاید مجھے یوں لگتا ہے کہ نئی صبح آگئی ہے۔ لیکن شام ثابت کرتی ہے کہ " وہ انتظار تھا جس کا، یہ وہ سحر تو نہیں "۔ گزشتہ گزرے دس سالوں میں شاید یہ پہلا یا دوسرا سال ہے کہ میں صادق آباد اپنے امی ابو کے پاس بیٹھا ہوں۔ ابو اپنی عادت کے مطابق روز کی طرح اونچی آواز میں فارسی کے اشعار پڑھ رہے ہیں۔

كريما ببخشاي بر حال ما
كه هستيم اسير كمند هوا
نداريم غير از تو فريادرس
تويي عاصيان را خطا بخش و بس
نگهدار ما را ز راه خطا
خطا در گذار وصوابم نما.....​

میرا ان اشعار سے تعلق بہت پرانا ہے۔ بچپن سے یہ اشعار اسی ترنم سے سنتا آرہا ہوں۔ ابو ان اشعار کا ورد بلند آواز میں بڑی دیر تک کرتے رہتے ہیں۔ خیر بات کدھر نکل گئی۔ میں سوچ رہا ہوں کہ کیا فائدہ اتنے ارادے باندھنے کا، جن کو سال کے آخر میں خود اپنے ہی ہاتھ سے دفنانا ہے۔ یہ سب آنے والے دن تو اس کے کرم کےمتلاشی ہیں۔ ہماری ہستی کا جھونکا کب جانے گزر جائے ۔ بس وہی منصوبے انجام کو پہنچتے ہیں جن کو پایہ تکمیل تک پہنچانے میں عمل کے ساتھ اس کریم کی رضا بھی شامل ہو۔ اس کے علاوہ کون ہے جو ہم گناہ کاروں خطاکاروں کی خطائیں بخشے۔ حضرت علی رضہ اللہ تعالیٰ عنہ کرم اللہ وجھہ فرماتے ہیں کہ "میں نے اپنے رب کو اپنے ارادوں کے ٹوٹنے سے پہچانا۔" میں کیسا کوتاہ نظر ہو ں مدتوں سے ارادوں کو دفنا رہا ہوں لیکن رب کو نہیں پہچان رہا۔ اور پہچانوں بھی کیسے کہ مقصود ہی دنیا ہے۔

نہ گزرے شب و روز پر دل گرفتہ ہونے کا ارادہ ہے اور نہ اس سال کے لیے کوئی باقاعدہ منصوبہ ہے۔ اس سال بس دعائیں ہیں کہ رب کریم پہلے سے الجھے معاملات کو سلجھا دے۔ ظالموں کی رسی کو اب اور دراز نہ کرے۔ جو کوئی جس جگہ جس حال و منصب میں ظلم کر رہا ہے۔ اب اس کی پکڑ ہوجائے۔ اب وہ ذلیل و رسوا ہوجائے۔ وہ عناصر جو اس ملک کی جڑیں کاٹنے میں مشغول ہیں ان کی جڑیں خدا اس طرح کاٹ دے کہ وہ بے نام و نشاں ہوجائیں۔ حکمرانوں کو عقل عطا کردے۔ شعور عطا کر دے۔ ان ظالموں کے پالتو کتے جو اپنے ہی وطن کی بیٹیوں کی عصمت دری میں مصروف ہیں۔ ان کے ہاتھ کٹ جائیں۔ میں یہ دعا چاہ کر بھی نہیں کر پا رہا کہ ان کی وکالت کرنے والوں کے خاندانوں کے ساتھ بھی یہی ہو لیکن یہ دعا ضرور ہے کہ وہ احمق و بےشعور لوگ جو آنکھوں دیکھی مکھی نگلتے ہیں۔ وہ جنہوں نے ظلم کے ہاتھ پر بیعت کر رکھی ہے۔ اب بصارت کے ساتھ ساتھ ان پر بصیرت کے راز بھی آشکار کر دے۔ اللہ اس سال ہمارے امیدوں کے چراغوں کو بجھنے نہ دینا۔ ہم کو مایوس کرم نہ کرنا۔ اس صبح کو وہ صبح بنا دینا جس کا انتظار ہے۔ کہ نفس مطمئن ہوجائے۔ راضی بالرضا ہوجائے۔ جو احباب اس سال کچھ منصوبوں کو ترتیب دیے ہیں۔ ان کو کامیابی و کامرانی عطا کرنا۔ ہمارے نفس کو اپنے قابو میں رکھنا کہ ہم اس سرکش گھوڑے کے اچھے سوار کبھی بھی ثابت نہیں ہوئے۔ آمین

31 دسمبر 2013 کو لکھی گئی تحریر" کہروا"
2 جنوری 2015 کو لکھی گئی تحریر "سال رفتہ"

آمین

بہت اچھا لکھا ذوالقرنین بھائی!

 

[سیدہ شگفتہ]

میں تو اس لئے سوچتی ہی نہیں کہ اس سال کیا کرنا ہے

اور میں سوچنے ہی والی تھی، آپ نے بروقت بچا لیا

کیا حال ملائکہ؟ کتھے غائب او؟

 

[قرۃالعین اعوان]

شکریہ عینا۔۔۔۔ تمہاری حوصلہ افزائی مجھ جیسوں کو کچھ بہتر کرنے پر مہمیز کرتی ہے۔ آمین

اور ہاں یہ تو بتاؤ کہ تم اور مقدس ملی بھگت سے واپس آئی ہو کہ اکھٹی ہی نظر آنا شروع ہوئی ہو۔ ویسے تو حضرت سیدہ شگفتہ کو بھی میں نے کہیں چہل قدمی کرتے دیکھا ہے۔

مقدس ذرا بتاﺅ تو ☺
ویسے بھیا میں یہیں ہوتی ہوں مقدس غائب ہوجاتی ہے تو اسے ڈھونڈنے نکل جاتی ہوں
ابھی کتنے سارے پیارے پیارے لوگ غائب ہیں وہ بھی لوٹ آئیں ....@عینی شاہ

 

[نیرنگ خیال]

آمین

بہت اچھا لکھا ذوالقرنین بھائی!

اپیا آپ کا حسن ظن ہے۔ بہت شکریہ

 

[نیرنگ خیال]

مقدس ذرا بتاﺅ تو ☺
ویسے بھیا میں یہیں ہوتی ہوں مقدس غائب ہوجاتی ہے تو اسے ڈھونڈنے نکل جاتی ہوں
ابھی کتنے سارے پیارے پیارے لوگ غائب ہیں وہ بھی لوٹ آئیں ....@عینی شاہ

یعنی یہاں تمہارے غائب ہونے میں بھی مقدس ہی کا کردار ہے۔۔۔ حد ہے بئی یہ شتونگڑی تو کسی صورت نہیں سدھرنے پر آمادہ۔

 

[سیدہ شگفتہ]

شکریہ عینا۔۔۔۔ تمہاری حوصلہ افزائی مجھ جیسوں کو کچھ بہتر کرنے پر مہمیز کرتی ہے۔ آمین

اور ہاں یہ تو بتاؤ کہ تم اور مقدس ملی بھگت سے واپس آئی ہو کہ اکھٹی ہی نظر آنا شروع ہوئی ہو۔ ویسے تو حضرت سیدہ شگفتہ کو بھی میں نے کہیں چہل قدمی کرتے دیکھا ہے۔

بس مل بھگت سمجھیے۔
ہم آرام و سکون سے بیٹھے ہوئے تھے کہ اچانک سمن پہنچا، پر یہاں تو حضرت ہونا ضروری نکلا
ہم معذرت خواہ ہیں ہم اپنا نام سمجھے

 

[نیرنگ خیال]

بس مل بھگت سمجھیے۔
ہم آرام و سکون سے بیٹھے ہوئے تھے کہ اچانک سمن پہنچا، پر یہاں تو حضرت ہونا ضروری نکلا
ہم معذرت خواہ ہیں ہم اپنا نام سمجھے

اصل میں ہم خود دو راہے کا شکار تھے۔ کہ "ی" لگائیں یا پھر "ہ" ۔۔۔۔ تو "حضرت" لکھ کر گزارہ کر لیا کہ بئی آگے بندی "ڈاھڈی" ہے۔ خدا نخواستہ "الف ب" میں بھی فرق آگیا تو کہیں کلاس نہ ہوجائے۔

 

[نور وجدان]

آمین ۔نئے سال کے حوالے سے اچھی تحریر ہے

 

[سیدہ شگفتہ]

چائے کا کپ ہاتھ میں لیے میں ہمیشہ کی طرح طلوع آفتاب کا منتظر ہوں۔اس منظر سے شاید مجھے یوں لگتا ہے کہ نئی صبح آگئی ہے۔ لیکن شام ثابت کرتی ہے کہ " وہ انتظار تھا جس کا، یہ وہ سحر تو نہیں "۔ گزشتہ گزرے دس سالوں میں شاید یہ پہلا یا دوسرا سال ہے کہ میں صادق آباد اپنے امی ابو کے پاس بیٹھا ہوں۔ ابو اپنی عادت کے مطابق روز کی طرح اونچی آواز میں فارسی کے اشعار پڑھ رہے ہیں۔

​

ذوالقرنین بھائی، کچھ یاد آیا، ایک تحریر کا وعدہ تھا، کیا وہ تحریر منظر عام پر آ چکی ہے؟

 

[سیدہ شگفتہ]

آمین ۔نئے سال کے حوالے سے اچھی تحریر ہے

سعدیہ، ایک تحریر آپ کی طرف سے بھی ہو جائے۔

 

[مقدس]

ہی ہی ہی۔۔۔۔۔ جیسا میں خود ہوں۔۔۔۔

توبہ۔۔۔ میں تو سوچ رہی تھی کہ آپ عینا کی طرح میری بھی تعریف کرو گے نس جاؤ کوئی اتنا اچھا بھی نہیں لکھا

 

[نور وجدان]

سعدیہ، ایک تحریر آپ کی طرف سے بھی ہو جائے۔

چلیں ۔۔ آپ نے کہا ہے تو ضرور لکھتی ہوں ۔۔ ۔۔۔ کاش نین بھائی جیسی لکھ سکوں

 

[مقدس]

مقدس ذرا بتاﺅ تو ☺
ویسے بھیا میں یہیں ہوتی ہوں مقدس غائب ہوجاتی ہے تو اسے ڈھونڈنے نکل جاتی ہوں
ابھی کتنے سارے پیارے پیارے لوگ غائب ہیں وہ بھی لوٹ آئیں ....@عینی شاہ

ہائے عینا میں کہاں غائب ہوتی ہوں بھلا

 

[مقدس]

یعنی یہاں تمہارے غائب ہونے میں بھی مقدس ہی کا کردار ہے۔۔۔ حد ہے بئی یہ شتونگڑی تو کسی صورت نہیں سدھرنے پر آمادہ۔

اگر میں سدھر گئی تو آپ کا کیا ہو گا

 

[سیدہ شگفتہ]

چلیں ۔۔ آپ نے کہا ہے تو ضرور لکھتی ہوں ۔۔ ۔۔۔ کاش نین بھائی جیسی لکھ سکوں

آپ چاہ رہی ہیں ہماری قوت برداشت میں مزید اضافہ ہو
نہیں دوست اپنے ہی انداز میں لکھنا ہے

 

[نیرنگ خیال]

آمین ۔نئے سال کے حوالے سے اچھی تحریر ہے

نوازش جناااب

 

[نیرنگ خیال]

ذوالقرنین بھائی، کچھ یاد آیا، ایک تحریر کا وعدہ تھا، کیا وہ تحریر منظر عام پر آ چکی ہے؟

جی وہ۔۔۔ جی۔۔۔ بس ۔۔۔ ہمم۔۔۔ منظر عام ۔۔۔ میں۔۔۔ وہ ۔۔۔ کیا۔۔۔۔

 

[نیرنگ خیال]

توبہ۔۔۔ میں تو سوچ رہی تھی کہ آپ عینا کی طرح میری بھی تعریف کرو گے نس جاؤ کوئی اتنا اچھا بھی نہیں لکھا

وجہ۔۔۔۔ مجھے کون سا تمہارے کرتوت نہیں پتا۔۔۔۔

 

[نیرنگ خیال]

اگر میں سدھر گئی تو آپ کا کیا ہو گا

وہی ایک کہانی بڑی پرانی والا قصہ ہے۔۔۔۔۔ کہ ایک بزرگ ۔۔۔۔