arifkarim
معطل
جی بالکل معلوم ہے۔ یہ کام حضرت ابوبکرؓ نے کیا تھا۔ اس انسان سے بھی لکھتے وقت غلطی ہو سکتی ہے۔ اسکو پراپیگنڈہ مقاصد کیلئے استعمال نہیں کیا جا سکتا۔
ایک ٹیلیفونی مکالمہ
- صاحب لڑی عاطف بٹ
- تاریخ ابتداء
یہ بات تو ہماری بحث سے باہر ہے۔ یہاں تو اس پر بات ہو رہی ہے کہ دیگر مذاہب کے ماننے والوں کے بارے میں ہمارا آئین جو کہتا ہے کیا وہ اسلام سے متصادم ہے؟۔
جو بات آپ فرما رہے ہیں اس کا تعلق پاکستان میں قانون پر عمل درآمد پر حکومتی غفلت سے ہے اور بلاشبہ قادیانیوں کو اسلام اور مسلمانوں سے تعلق ظاہر کرنے سے روکنا چاہئے۔
arifkarim
معطل
وہی کئی سو سال پرانا گھسا پٹا کافر اور ذمی کا ڈرامہ۔ یہ 21 ویں صدی ہے۔ یہاں شہری بستے ہیں۔ ذمی اور کافر نہیں۔
arifkarim
معطل
صرف قادیانیوں ہی کو کیوں؟ ان 72 سے زائد ’’اسلامی‘‘ فرقوں، جماعتوں، گروہوں کو کیوں نہیں جن میں قبروں کو سجدہ کرنے والے بھی شامل ہیں، پیروں کو سجدہ کرنے والے بھی، مزاروں پر ناچنے والے بھی، مزاروں کو گرانے والے بھی وغیرہ۔
کیونکہ وہ حضرت محمد صلی اللہ علیہ وآلہ وسلم کے بعد کسی اور کو رسول نہیں مانتے اس لئے انہیں کافر نہیں کہا جا سکتا۔ جبکہ احمدی مکتبہ فکر کی بنیاد ہی ختم نبوت سے تحریف پر ہے اس لئے انہیں مسلم تسلیم نہیں کیا جا سکتا۔ یہ بات ہے عقیدے اور قانون کی جس پر کوئی سمجھوتہ نہیں ہو سکتا۔
arifkarim
معطل
ختم نبوت کے علاوہ بھی اور بہت سے عقائد مسلم دنیا میں موجود ہیں۔ اگر محض عقائد کی بنیاد پر ایک دوسرے کو دائرہ اسلام سے خارج کیا جا سکتا تو آج کوئی بھی دائرہ اسلام کے اندر نہ ہوتا۔
عاطف بٹ
محفلین
قادیانیوں کی کتابوں کی فروخت اگر ان کے مذہب کی تبلیغ ہے تو کیا آپ توریت، زبور اور انجیل کے تحریف شدہ نسخوں اور بھگوت گیتا، رامائن اور مہابھارت کی فروخت کی اسلام کی تبلیغ کا ذریعہ سمجھتی ہیں؟ ان پر پابندی کی بات کیوں نہیں کی جاتی؟
حضرت ابوبکر صدیق رضی اللہ عنہ کے دور میں تو کتابیں چھاپنے کا کوئی ذریعہ اور بیچنے کا کوئی رواج ہی نہیں تھا، سو اس دور سے متعلق یہ سوال سرے سے بنتا ہی نہیں۔
مسیلمہ کذاب کو واصلِ جہنم اس کے ارتداد اور اس فتنے کی بنیاد پر کیا گیا تھا جو نبوت کا جھوٹا دعویٰ کر کے اس نے کھڑا کیا تھا مگر یہاں ہم جس گروہ سے متعلق بات کررہے ہیں اس کے حوالے سے بنیادی دعویدار تو مرزا غلام احمد قادیانی تھا جسے مرے ہوئے سو سال سے زائد ہوچکے ہیں۔ اب اگر آپ یہ سمجھتی ہیں کہ آج مرزا کے ہر ماننے والے کو مارنا بھی جائز ہے تو پھر میرے خیال میں صرف مرزا کے ماننے والوں کو ہی نہیں بلکہ پاکستان میں رہنے والے سارے ہندوؤں، عیسائیوں، یہودیوں، پارسیوں، بدھیوں اور بہائیوں کو بھی موت کے گھاٹ اتار دینا چاہئے اور ان کے بعد تمام شیعوں، بریلویوں، بوہریوں، اسماعیلیوں اور وحدت الوجودیوں کا بھی کام تمام کردینا چاہئے اور اسی پر بس نہیں کرنا چاہئے کہ سلفی نظریات کے مطابق تو دیوبندی بھی بدعتیوں کا ٹولہ ہے، لہٰذا لگے ہاتھ ان کو بھی صفحہء ہستی سے مٹا دینا چاہئے۔
اب آئیے مذہب پر عمل کے حوالے سے آپ کے سوال کی طرف تو بات یہ ہے کہ سیدنا ابوبکر صدیق رضی اللہ عنہ نے مسیلمہ کذاب کے عقائد کو مذہب کا درجہ نہیں دیا تھا جبکہ آپ کے اور میرے پیارے وطن میں آئین کے مطابق قادیانیت کو ایک الگ مذہب کے طور پر تسلیم کیا جاچکا ہے، لہٰذا یوں قادیانی یا احمدی ایک غیرمسلم اقلیت ہیں اور اسلامی قوانین و ضوابط کے مطابق ہر اقلیت کو اسلامی ریاست کے اندر مذہبی رسومات و عبادات کی آزادی حاصل ہوتی ہے، اب یہ الگ بحث ہے کہ وہ رسومات و عبادات جمہور مسلمانوں کے طریقہء کار سے ہوبہو مطابقت رکھتی ہیں۔
آخر میں آپ سے ایک سوال کہ آپ کے خیال میں مجھے ان صاحب کے مدد مانگنے کے جواب میں کیا کرنا چاہئے تھا؟ کیا میں اپنی صحافتی حیثیت کا ناجائز فائدہ اٹھاتے ہوئے پولیس پر دباؤ ڈالتا کہ جس بندے کو انہوں نے زیرِ حراست رکھا ہوا ہے اور جس کے بارے میں میں نہیں جانتا کہ وہ کون ہے اور اسے کیوں پکڑوایا گیا ہے، اس پر تشدد کر کے اس سے تسلیم کروایا جائے کہ واقعی اس نے وہ ’جرم‘ کیا ہے جس کا الزام اس پر لگایا جارہا ہے؟ یا تھانے والوں کو یہ کہتا ہے کہ ختمِ نبوت والے تو چونکہ سارے کے سارے وہ فرشتے ہیں جنہوں نے زندگی بھر کبھی کوئی جھوٹ نہیں بولا اور نہ ہی کبھی کوئی غلط حرکت کی ہے، لہٰذا ان ملائکہ کی بات کو تسلیم کرتے ہوئے اس ’بدبخت‘ کو جعلی پولیس مقابلے میں پار کردیں جسے انہوں نے آپ کے حوالے کیا ہے؟
ایچ اے خان
معطل
اگر توریت ، زبور، اور انجیل کے سرورق پر اسلامی مضامیں لکھے ہوں اور لکھنے والا یہ دعوی کرے کہ یہ مسلمان ہے تو ان پر بھی پابندی لگے گی۔
اپ کی معلومات غلط ہیں۔ رسول کریم صلی اللہ علیہ وسلم نے تو حضرت عمر فاروق کو بھی قران کے علاوہ دوسری اسمانی کتاب پڑھنے سے منع کردیا تھا۔
مارنے اور قتل کرنے کی بات نہیں ہورہی۔ قادیانی سمیت تمام غیر مسلم پاکستان میں زندہ رہنے کا حق رکھتے ہیں جسے دوسرے تمام پاکستانی۔ مگراگر کوئی دھوکہ دہی کرے تو گرفت ضروری ہے۔
یہ بات درست ہے۔
خود قادیانیوں کو یہ بات برملا اور واضح رکھنی چاہے کہ یہ غیر مسلم ہیں۔ تاکہ سادہ لوح لوگ دھوکہ نہ کھائیں
اپ نے درست کیا مگر توجہہ غلط ہے
اگر کسی نے کام کیا ہے تو پولیس کو تفتیش کا حق ہے۔ مگر کوئی قوت اس میں مداخلت کررہی ہے تو اس مداخلت کو روکنا بھی ہمارا فرض ہے
ام نور العين
معطل
اگر آپ میرے مراسلے دیکھیں تو میں نے اس واقعے پر تبصرہ نہیں کیا ، صرف قادیانیت کی تبلیغ کے متعلق آپ کی رائے سے اختلاف کیا ہے ۔ اس واقعے کے بارے میں مجھے کچھ نہیں کہنا کیوں کہ اپنے سماجی روابط کو انسان خود زیادہ بہتر سمجھتا ہے اور اس کے متعلق زیادہ اچھا فیصلہ کر سکتا ہے ۔
کتاب" اس زمانے میں بھی تھی بلکہ خود عہد نبوی میں تھی ۔ شکل مختلف تھی ، پریس میں چھپتی نہ تھی ، ٹیبلٹ ، سکرول ، ہڈیوں ، کھجور کے پتوں پر لکھی چیز کو کتاب ہی کہتے تھے ۔ دوسری بات تبلیغ صرف کتاب سے نہیں ہوتی ، میں نے یہ سوال کیا تھا کہ کیا مسیلمہ کذاب کو اپنے مذہب کی تبلیغ ، اس پر عمل کی آزادی دی گئی تھی ؟آپ نے اس کا جواب نہیں دیا ؟
کیا جھوٹے نبی قادیانیت کی کتابیں تورات و زبور جیسی ہیں ؟ آپ خود ہی سوچ لیں آپ کیا کہہ رہے ہیں ؟
دونوں باتوں میں بہت فرق ہے جسے آپ وفور جوش میں نظر انداز کر گئے ۔
کوئی ہندو ، عیسائی ، پارسی ، سکھ ، خود کو مسلمان اور مرزا غلام احمد قادیانی کو نبی نہ ماننے والوں کو غیر مسلم نہیں کہتا ۔ قادیانی مجرم یہ کہتے ہیں اور ان کی کتب میں یہ لکھا ہے ۔
کوئی ہندو ، سکھ ، عیسائی ، پارسی ، مجوسی اپنی کتاب کو اسلامی کتاب کہہ کر نہیں بیچتا ۔
کوئی ہندو ، سکھ ، عیسائی ، پارسی ، مجوسی اپنے جھوٹے نبی کی بیویوں کو امہات المومنین نہیں کہتا ، قادیانی مجرم کہتے ہیں ۔ اسی لیے ان کی ایسی کتاب چھاپنا اور بیچنا غیر قانونی ہے ۔
کوئی ہندو ، سکھ ، عیسائی ، پارسی ، مجوسی اپنے مذہبی رہنماوں کو خلیفہ نہیں کہتا قادیانی مجرم یہ کہتے ہیں ۔
قادیانیوں کو کہا گیا ہے کہ اپنی نماز کو نماز مت لکھو ، اپنی مسجد کو مسجد مت کہو یہ ۱۴۰۰ سال سے مسلم مساجد کا نام ہے، اپنی عبادت اور عبادت گاہوں کا نام جو چاہے رکھ لو لیکن وہ پھر یہی سب کرتے ہیں جو غیر قانونی ہے ۔ اسی لیے ایسی کتاب بیچنا اور چھاپنا غیر قانونی ہے ۔یہ مسلمانوں کے جنازے کو کافر کا جنازہ لکھتے ہیں ، اور ہمارے والا سلام ، ہماری مساجد جیسا فن تعمیر ، اذان ، قرآن ، کلمہ ، نماز ، روزہ استعمال کرنے پر مصر ہیں یہ تو ڈھٹائی ہے ؟ ایسی کتاب بیچنا اسی لیے غیر قانونی ہے کہ یہ اسلام کے نام پر کچھ اور بیچ رہے ہیں ۔
موقع ملے تو ٹھنڈے دل سے سوچیے گا کہ کوئی آپ کے نام سے آپ کی تصویر لگا کر فیس بک پیج بنائے، آپ کے موبائل نمبر سے کالیں کرے اور آپ کے سارے خاندان اور دوستوں کو ایڈ کر لے آخر میں کہے اصلی عاطف میں ہوں یہ والا فیک ہے آپ کیا کریں گے ؟
انہیں عدالتوں اور آئین پاکستان نے شرافت سے یہ کام کرنے سے منع کیا ہے: ،
یہ اپنی کتابوں سے یہ باتیں ہٹا دیں قانونی پابندی بھی ختم ، سارا جھگڑا بھی ختم ۔
کہاں تسلیم کیا گیا ہے ؟ دکھائیے ذرا ؟
یہ مشابہت یا مطابقت الگ بحث نہیں ہے ۔ یہ بنیادی اور اہم ترین بحث ہے جس کی بنیاد پر ہی ان کو پارلیمنٹ اور عدالتوں میں صفائی کا موقع دیا گیا لیکن یہ ناکام رہے جس پر ان کو کافر قرار دیا گیا ۔
کہاں ہے ان کو تبلیغ کی اجازت ؟ قادیانیت کی تبلیغ کسی صورت آپ کی دل آزاری کے بغیر ہو نہیں سکتی ۔ آپ کسی جھوٹے نبی کی بیوی کو ام المومنین اور اس کے چیلوں کو صحابی کا لقب دینا برداشت کریں گے ؟
عدالتی فیصلے موجود ہیں ، پارلیمنٹ کی مکمل کاروائی اب چھپ گئی ہے پڑھیے اور دیکھیے یہ ذلیل ہوئے تھے ۔ لیکن اب تک یہ بزدل مجرم ظاہرا مسلمان بن کر ہماری مسلمان لڑکیوں اور لڑکوں سے شادیاں بھی کر لیتے ہیں ۔ جب تک معاملہ کھلتا ہے تب تک بہت دیر ہو چکی ہوتی ہے ۔ قواعد و ضوابظ کی پابندی کا ہی تو ہم بھی رونا رو رہے ہیں کہ یہ قواعد و ضوابط سے ہٹ کر غیر قانونی مجرمانہ سرگرمیوں میں ملوث ہیں ، پاکستان بھر میں دندنا رہے ہیں لیکن اس کے باوجود مظلومیت کا چولا پہنے ماتم کرتے رہتے ہیں ۔
arifkarim
معطل
اچھا اور اگر شدت پسندی اور دہشت گردی کے مضامین کو اسلام کا لیبل لگا کر بیچا جائے تو اسپر کون پابندی لگائے گا؟
حصول علم کیلئے دوسری آسمانی کتابیں پڑھنے میں کیا حرج ہے؟ اگر دوسرے مذاہب کی کتابیں نہیں پڑھیں گے تو انسے بحث و مباحثہ کیسے ہوگا؟ تبلیغ کیسے ہوگی؟
تو پھر شدت پسند مسلح مذہبی جنونی گروپس ابتک انگنت قادیانیوں کو مذہب کے نام پر موت کے گھاٹ کیوں اتار چکے ہیں؟
قادیانی وہی کلمہ پڑھتے ہیں جو کہ باقی مسلمان۔ اس لحاظ سے وہ اپنے آپکو مسلمان سمجھتے ہیں اور بیرون ممالک میں مسلمان ہی تصور کئے جاتے ہیں۔ کسی ایک ملک کی پارلیمنٹ کے سرکاری قانون سے کسی دوسرے فرقے کو غیر مسلم نہ تو بنایا جا سکتا ہے اور نہ ہی دائرہ اسلام میں داخل کیا جا سکتا ہے۔
ہاں جیسے ہماری پولیس تو فرشتہ صفت پولیس ہے پوری دنیا میں۔
ایچ اے خان
معطل
ہم لگائیں گے اور کون؟
یہ آپ حضور اکرم صلی اللہ علیہ وسلم سے پوچھیں اگر ہمت ہے تو
ہم شدت پسند نہیں۔ نہ ہی کسی قسم کی شدت پسندی کی حمایت کرتے ہیں۔ چاہے کسی طرف سے ہو
یہی تو مسئلہ ہے ۔ آپ خود اپنے گریبان میں جھانکیں
جیسی روح ویسے فرشتے
عاطف بٹ
محفلین
چلیں خان صاحب، اسی طرف آجائیے۔ کیا آپ نے پاکستان میں عام بکنے والی وہ کتابیں کبھی نہیں دیکھیں یا پڑھیں جنہیں لکھنے، بیچنے اور پڑھنے والے دھڑلے سے خود کو سچا اور پکا مسلمان کہتے ہیں مگر ان کتابوں کے اندر اللہ کے قرآن اور نبی صلی اللہ علیہ وسلم کے فرمان کی جس طرح توہین کی گئی ہوتی ہے اسے پڑھ کر ایمان کے کمزور ترین درجے پر فائز شخص کا بھی خون کھولنے لگتا ہے؟ اگر آپ نے واقعی ایسی کتابیں نہیں دیکھیں یا پڑھیں تو اس ناچیز کو حکم کیجئے، میں آپ کو بھجوائے دیتا ہوں۔
خان صاحب، آپ نے شاید واقعہ غور سے نہیں پڑھا، جس میں واضح طور پر ’مدد‘ کے لئے فون کرنے والے صاحب سے یہ پوچھا گیا ہے کہ کیا گرفتار ہونے والے شخص سے کتابیں عام لوگ خرید کر پڑھتے ہیں۔ اگلی بات یہ ہے کہ جب تک آپ کسی کے نقطہء نظر سے واقف ہی نہیں ہیں اس سے بحث کیسے کریں گے؟ اور آپ چونکہ بہت زیادہ معلومات رکھتے ہیں، لہٰذا آپ کو یہ بھی پتہ ہوگا کہ رسولِ مکرم صلی اللہ علیہ وسلم نے سیدنا زید بن ثابت کو عبرانی اور سریانی زبانیں سیکھنے کا حکم دیا تھا جس کی ایک وجہ یہودیوں سے بحث و مباحثے میں رکاوٹ کو دور کرنا بھی بیان کی جاتی ہے۔
ویسے تو اوپر ام نورالعین صاحبہ نے واضح طور پر لکھا ہے کہ ’کیا مسیلمہ کذاب کو جینے کا حق دیا گیا تھا؟‘ مگر چلیے مان لیتے ہیں کہ مارنے اور قتل کرنے کی بات نہیں ہورہی۔ اب یہ بتائیے کہ کسی قانون کی خلاف ورزی پر گرفت قانون نافذ کرنے والے اداروں کا کام ہے یا آپ کا اور میرا؟
سبحان اللہ! خان صاحب، سادہ لوح لوگوں کو دھوکے سے بچانے کی ذمہ داری بھی اب کا کیا قادیانیوں نے پوری کرنی ہے؟ یہ کام ان کا تھا جو مذہب کے نام پر کاروبار کر کے اپنی توندیں اور تجوریاں بھررہے ہیں۔ انہوں نے تو مذہب کے نام پر الگ الگ دکانیں کھول لی ہیں جہاں وہ خودساختہ نظریات و عقائد کا زہر ذہنوں کی شیشیوں میں بھر بھر کر پورے معاشرے کو زہر آلود بنارہے ہیں۔
تفتیش اگر پولیس کا حق ہے تو مداخلت کو روکنا بھی پولیس کا ہی کام ہے، میں اور آپ کون ہوتے ہیں مداخلت کر کے کسی دوسرے کی مداخلت رکوانے والے؟ اور یہ تو عجب مزاح ہی ہوگیا ناں کہ آپ خود کارِ سرکار میں مداخلت کریں اور کہیں کہ میں تو فلاں شخص کی مداخلت کو روکنے کے لئے مداخلت کررہا ہوں۔
عاطف بٹ
محفلین
آپ ذرا دوبارہ میرا مراسلہ پڑھ کر بتادیجئے کہ میں نے کہاں یہ کہا ہے کہ قادیانیت کی تبلیغ کی اجازت ہے یا ایسی اجازت دے دینی چاہئے۔ بات شروع ہی اس واقعے سے ہوئی تھی جس پر آپ کچھ نہیں کہنا چاہتیں اور آپ نے میری بات کا اقتباس بھی اسی واقعے سے لے کر بحث کا آغاز کیا تھا۔
یہاں بات صرف کتاب سے متعلق ہورہی تھی اور کتاب کے بھی اس حوالے سے متعلق جو دورِ حاضر میں مروج ہے۔ مسیلمہ کذاب کو تبلیغ کی دعوت نہیں دی گئی تو میں نے کب قادیانیوں کے تبلیغ کرنے کی حمایت کی ہے؟ ہاں جہاں تک بات مذہب پر عمل کرنے کی آزادی کی بات ہے تو اس حوالے سے معاملہ بہت واضح ہے کہ غیرمسلم اقلیتوں کو اسلامی ریاست کے اندر اپنی مذہبی رسومات اور عبادات کی آزادی حاصل ہوتی ہے۔ اگر معاملہ اس کے برعکس ہے تو بتائیے؟
تو کیا آپ کے خیال میں تحریف شدہ تورات و زبور کو ان کی موجودہ حالت میں کلامِ خدا سمجھ کر ان کی خرید و فروخت اجازت دینا ٹھیک عمل ہے؟
قادیانی تو ایک طرف یہاں صورتحال یہ ہے کہ مسلمانوں کے مختلف فرقے بھی ایک دوسرے کو غیرمسلم قرار دیتے ہیں اور یہ بات آپ مجھ سے بہتر جانتی ہیں۔ مسلمان کہلانے والوں کی طرف سے اسلامی کتب کہہ کر چھاپی اور بیچی جانے والی کتابوں میں کیا کچھ لکھا ہے اس کا ایک بھی حوالہ یہاں دیدیا جائے تو بحث یہیں نقطہء اختتام کو پہنچ جائے گی۔ قادیانیوں پر جو پابندیاں ہیں ان پابندیوں پر عملدرآمد کروانا قانون نافذ کرنے والے اداروں کا کام ہے، میرا نہیں۔ میں زیادہ سے زیادہ یہ کرسکتا ہوں کہ اگر کوئی غیرقانونی حرکت دیکھوں تو اس کے بارے میں قانون نافذ کرنے والے اداروں کو آگاہ کردوں بس۔
قانونی پابندی پر عمل کروانا میری اور آپ کی ذمہ داری کہاں سے بن گیا ہے؟ اور اگر آپ کہیں کہ یہ معاملہ مذہب کا ہے تو پھر مذہب سے جڑی ہوئی تو اور بھی بیسیوں چیزیں ہیں جن سے متعلق قانونی پابندیاں موجود ہیں، ان کے لئے ہم اتنے بےتاب کیوں نہیں ہوتے؟
لیجئے آپ اپنے پیش کردہ امتناعِ قادیانیت آرڈیننس کا حوالہ ہی دیکھ لیجئے تاکہ آپ کو یقین آجائے کہ پاکستان میں قادیانیت کو الگ مذہب تسلیم کیا جاچکا ہے:
قادیانیوں کو کافر قرار دینے کے باوجود اس بات پر کوئی پابندی نہیں ہے کہ وہ لوگ نماز سے ملتی جلتی عبادت نہیں کرسکتے یا قرآن نہیں پڑھ سکتے۔ آپ کے علم میں یہ بات بھی یقینآ ہوگی کہ قادیانی عبادت گاہوں کے اندر جہاں قادیانی نماز سے ملتے جلتے طریقے کے مطابق عبادت کررہے ہوتے ہیں ان کے باہر مسلمانوں پولیس افسروں اور اہلکاروں کو ان کی حفاظت پر مامور کیا جاتا ہے۔ اگر عباداتی مشابہت یا مطابقت پر قطعی پابندی ہے تو پھر قانون نافذ کرنے والے اداروں کا ان عبادت گاہوں کی حفاظت کرنا چہ معنی دارد؟
تبلیغ کی بات کی ہی کس نے ہے جس کا آپ بار بار حوالہ دے رہی ہیں؟
معلومات کی فراہمی کے لئے شکریہ، وہ ساری چیزیں اور کتابیں میرے زیرِ مطالعہ رہ چکی ہیں۔ میں پھر یہی عرض کروں گا کہ قانون کا نفاذ قانون نافذ کرنے والوں کا کام ہے، ام نورالعین یا عاطف بٹ کا نہیں کیونکہ ہم دونوں میں سے کوئی بھی تھانیدار نہیں ہے۔
ایچ اے خان
معطل
نہیں یہ بات نہیں۔ پاکستان میں ہر ایک کو مذہبی ازادی ہے
صرف مسئلہ دھوکہ دہی کا ہے جو قادیانی دیتے ہیں۔
برادر عزیز ، مذہبی آزادی پر قدغن تو ایک اسلامی مملکت میں ہونی نہیں چاہئے کیونکہ اسلام دیگر مذاہب کے ماننے والوں کو یہ آزادی عطا کرتا ہے۔ لیکن یہاں معاملہ یہ ہے کہ ایک الگ مذہب کو اسلام سے جوڑ نے اور اسے اسلام ثابت کرنے کی کوشش کی جا رہی ہے ۔ کلمہ طیبہ اسلام کا بنیادی رکن ہے ، کوئی شخص خواہ باقی کے 4 اراکین پر مکمل عمل بھی کرے لیکن اللہ کو وحدہ لاشریک اور حضرت محمد صلی اللہ علیہ وآلہ وسلم کو آخری نبی نہ مانے تو وہ مسلم نہیں ہے اور اس کی عبادات و رسوم کو اسلامی نہیں کہا جائے گا۔
حسان خان
لائبریرین
ساجد بھائی، لیکن پھر بات گھوم پھر کر یہاں آ جاتی ہے کہ اگر کوئی شخص یا گروہ اپنی تعبیرات کے مطابق ایک چیز کو صحیح سمجھتا ہے تو یہ بات تو مجھے سمجھ آ جاتی ہے کہ کوئی ذاتی حیثیت میں اُسے غلط اور کفر سمجھے، لیکن مجھے یہ بات سمجھ نہیں آتی کہ ملکی آئین میں بھی ترمیم کرا کے ان پر مذہبی پابندیاں عائد کر دی جائیں۔ اور پابندیاں بھی ایسی کہ وہ بیچارے اپنے شہر کا نام بھی اپنی مرضی کا نہ رکھ سکیں۔
پھر اگر مذہبی پابندیاں لگانی ہی ہیں تو صرف احمدی حضرات ہی اپنے ایک جدا عقیدے کی بنا پر کیوں امتیازی سلوک کا شکار ہے؟ کیا دوسرے فرقوں کے جید علماء اور اکابرین صدیوں سے ایک دوسرے کی تکفیر نہیں کرتے آئے؟ شیعوں کو لے لیجئے۔ اکثر اہلِ سنت اکابرین کے نزدیک اللہ اور رسول کے بعد صحابہ کرام کو عادل ماننا بھی ایمان کا بنیادی رکن ہے کیونکہ اُن کے نزدیک دین صحابہ کی بدولت ہی ہم تک پہنچا ہے۔ جبکہ شیعہ صحابہ کو نہ صرف عادل نہیں مانتے، بلکہ چند صحابہ کو طعن و تشنیع کا بھی نشانہ بناتے ہیں۔ اور اسی بنا پر علماء شیعوں کی تکفیر کرتے ہیں۔ آپ کہیں تو میں ایک کتاب کا ربط دے سکتا ہوں جس میں نو سو بڑے علماء کے شیعوں کے 'کافر' ہونے کے بارے میں فتوے ہیں۔ اُن علماء میں فاضلِ بریلوی مولانا احمد رضا خان جیسے اکابرین بھی شامل ہیں۔ تو کہیے کیوں نہ یہ بھی پابندی لگا دی جائے کہ اس ملکِ خداداد میں شیعہ اپنے 'مذہب' کو اسلام سے نہیں جوڑیں گے اور نہ ہی اسے اسلام ثابت کرنے کی کوشش کریں گے؟
پھر یہ بتائیے کہ رسالت عقائد میں بڑا درجہ رکھتا ہے یا توحید؟ یقیناً توحید کا اسلامی عقائد میں رسالت سے بھی زیادہ اہم درجہ ہے۔ لیکن یہاں دلچسپ بات یہ ہے کہ سلفی مکتبۂ فکر کے نزدیک تو بریلوی حضرات کی بھی کئی رسومات اور عقائد صریحاً شرک اور کفر ہے۔ پھر 'مشرک' بریلویوں کو آخر کیوں پابندیوں سے بخشا جائے؟ کیوں نہ اُن کی بھی دھوکہ دہی سے سادہ لوح عوام کو بچانے کے لیے اُن کے 'مسلم' ہونے پر پابندی لگا دی جائے؟
نیز مسلم لیگ اور پاکستان کے بانیان میں شامل آغا خانی شیعہ تو اسلامی شریعت کو ہی رد کر چکے ہیں، اُنہیں اب تک اس پکے مسلمان ملک میں 'مسلمان' ہونے کی آسائش کیوں حاصل ہے؟ کتاب و سنت ویب سائٹ پر ایک کتاب ایسی بھی موجود ہے جس میں اکابر علمائے کرام کے وہ فتوے جمع کیے گئے ہیں جو اُنہوں نے آغا خانیوں/اسماعلیوں کی تکفیر میں جاری کیے ہیں۔ بنیاد اُن کی بھی وہی ہے کہ آغا خانی دین کے 'بنیادی ارکان' کے انکاری ہیں۔ اب پتا نہیں ان 'بنیادی ارکان' کے انکاریوں کی فہرست کا اختتام کہاں جا کر ہو گا؟
حسان خان
لائبریرین
اس دھاگے میں ہی جتنا احمدیوں اور اُن کے مذہبی عقائد کے خلاف بغض اگلا گیا ہے اُس سے پاکستان میں اقلیتوں کو ملنے والی مذہبی آزادی کے دعووں کی قلعی کھل جاتی ہے۔
میرے بھائی ، آپ نے مختلف الانواع اعتراضات کو یکجا کر دیا ہے۔ دیکھئے ، اسلام کسی کا خود ساختہ نہیں ہے اور اس کے اصول و ضوابط ہم پر شارح اسلام نے واضح کر دئے ہیں۔ انہی اصول میں یہ بات شامل ہے کہ جو شخص شارح اسلام یعنی حضرت محمد صلی اللہ علیہ وآلہ وسلم پر آخری نبی ہونے کا ایمان نہیں رکھتا وہ مسلم نہیں۔ یہی صورت حال عقیدہ توحید کے لئے بھی ہے کہ جو شخص اللہ کے ساتھ ذات یا صفات میں کسی کو شریک ٹحہرائے وہ بھی مسلم نہیں۔
اب آتے ہیں آپ کی بات کی طرف کہ بریلویوں یا شیعوں کو بھی کچھ لوگ تکفیری فتووں پر رکھتے ہیں تو عرض کر دوں کہ یہ دونوں مکاتیبِ فکر احمدیت کے وجود سے پہلے بھی تھے اور اب بھی ہیں لیکن ان میں سے کسی کا عقیدہ بھی توحید و ختمِ نبوت کے بارے میں ڈانواں ڈول نہیں اور نہ ہی یہ حضرت محمد صلی اللہ علیہ وآلہ وسلم کے بعد کسی اور کو نبی مانتے ہیں۔ اگر کچھ طبقے ان پر کفر کی بات کہتے ہیں تو یہ ان کے اپنے کتھارسس کی حد تک ہی ہے ۔ یاد رکھیں کہ جو شخص اللہ کی وحدانیت اور حضرت محمد صلی اللہ علیہ وآلہ وسلم کے آخری نبی ہونے کا زبان سے اقرار کر لے ہمیں اس کو مسلمان ماننا پڑے گا۔ گو کہ اس کے اعمال و افعال میں کمی بیشی ہو سکتی ہے اور کچھ مسلکی مخالفین اپنی مخصوص عادت کے مطابق تکفیری گردان سے اپنے پیٹ کا وزن ہلکا کر لیتے ہیں لیکن علمی طور پر ان کو کافر قرار نہیں دیا جاسکتا ، الا کہ وہ بھی توحید یا ختم نبوت کے عقیدے میں تحریف کے مرتکب ہوں اور اس پر اتنے شدید ہو جائیں کہ اپنے سے اختلاف کرنے والوں کو پارلیمنٹ میں کھڑے ہو کر کافر کہہ دیں۔
حسان بھائی ، اندیشہ ہائے دور و دراز میں نہ پڑیں۔ ہاں البتہ آپ کے اٹھائے گئے نکتے سے ان لوگوں کے لئے سوچنے کا مقام ضرور پیدا ہوا ہے جو ذرا ذرا سے فقہی اختلافات پر کافر کافر کی رٹ لگا لیتے ہیں۔