ا۔ب۔پ ۔۔۔۔۔ کھیل نمبر 62

[گُلِ یاسمیں]

ضروری ہے اس لڑی میں بھی حاضری گل بٹیا

ظاہر ہے آپا کہ اس لڑی کی اپنی جگہ ہے

 

[شکیل احمد خان23]

طوطے کی ٹیں ٹیں زور دار ہے ۔۔۔

عادت سے مجبور ہے مگر اثر اِس کا ذرا نہیں ہوتا کہ نہ تو سُر ہے نہ تال نہ رِدم بس ایک آواز ہے جس سے یہ اپنے ہونے کا احساس دلارہا ہے اور معلوم نہیں کب تک رہے کیونکہ یہاں کسی کو بھی تو ثبات نہیں ، آج ہے ، اب ہے کب پُھر ہوجائے کچھ پتا نہیں ۔۔۔۔۔​

 

[گُلِ یاسمیں]

رِدم

غور کیا تو واقعی اس کی دم نہ ہونے کے برابر ہے۔ لگتا ہے طوطی سے جھگڑے میں دم سے گیا۔
پیش سے پڑھا تھا ہم نے۔

 

[سیما علی]

غور کیا تو واقعی اس کی دم نہ ہونے کے برابر ہے۔ لگتا ہے طوطی سے جھگڑے میں دم سے گیا۔
پیش سے پڑھا تھا ہم نے۔

فالودہ کھلا دیں۔ فوراً

اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص
ض ط‌ ظ ع غ ف ق ک گ ل م ن و ہ ھ ء ی ے

ا۔ب۔پ ۔۔۔۔۔ کھیل نمبر 62​

 

[عظیم]

قینچی سے فالودہ کی سویاں بھی نہ کاٹ دیں گُلِ یاسمیں

 

[وجی]

کیسے ہیں سب ؟؟
السلام علیکم۔

 

[وجی]

گزرتے وقت کے ساھت ساتھ کسی نہ کسی کو بھی یہاں آنا چاہیئے نا۔

 

[شکیل احمد خان23]

لو جی گرمیاں بھی گئیں اور ایک نیادَور سردیوں کا شروع ہونے کو ہے مگر یہاں کراچی میں گرمیاں دوبار آتی ہیں ایک تو مارچ سے شروع ہوکرجو ن تک اور اِن کا دوسراپھیرا ستمبر تا نومبر کے نصف اول میں لگتا ہے ۔اب جب سے دنیا موسمی تغیرکی بھینٹ چڑھی ہے تو کچھ کہہ بھی نہیں سکتے۔۔۔۔۔​

 

[شکیل احمد خان23]

گرمی کراچی میں اِس بار کچھ اِس طرح آئی کہ نکتہ چیں ہے غمِ دل اُس کو(کھری کھری) سُنائے نہ بنے۔۔۔۔۔۔​

 

[شکیل احمد خان23]

کراچی کا حسن یہاں کے تفریحی مقامات تو ہیں ہی مگر دونامور یونیورسٹیاں (جامعہ کراچی اور این ای ڈی)اِس کا اصلی جمال ہیں۔۔۔۔​

 

[شکیل احمد خان23]

قنوج ، جس کا اب ذکرِ خیر بھی یہاں پاکستان میں شاید و باید کہیں ہو مگر ایک زمانے میں یہ برصغیر کی راج دھانی ہواکرتا تھا۔۔۔۔۔۔۔۔​

 

[الف عین]

میں تو پھر اس گنگا کی سمت درست کرنے جا رہا ہوں۔

قنوج ، جس کا اب ذکرِ خیر بھی یہاں پاکستان میں شاید و باید کہیں ہو مگر ایک زمانے میں یہ برصغیر کی راج دھانی ہواکرتا تھا۔۔۔۔۔۔۔۔​

آج کل تو عطریات کی راجدھانی ہے قنوج

 

[عظیم]

نیک دعاؤں کے ساتھ میں بھی اس لڑی کو آگے بڑھاتا ہوں، السلام علیکم

 

[گُلِ یاسمیں]

محفل کی طرف سے وعلیکم السلام

 

[گُلِ یاسمیں]

قینچی سے فالودہ کی سویاں بھی نہ کاٹ دیں گُلِ یاسمیں

لیکن سویاں ہیں کہاں۔۔۔۔ وہ تو عاطف بھیا نے کھا لیا فالودہ۔

 

[شکیل احمد خان23]

مارکیٹ میں آم پہلے جتنے ہوا کرتےتھے اب اُس سے کہیں زیادہ نظر آرہے ہیں۔معلوم ہے کیوں؟ یہ شمع کا بجھنے سے پہلے بھڑکنااورہوائی جہاز کا اُڑنے سے پہلے قوت سے دوڑنا ہے ۔چنانچہ بازار آموں سے بھرے ہوئے ہیں۔چنددن میں اِن کی جگہ موسم کے دوسرے پھل لے لیں گے اور جو آم رہ جائیں گے وہ ، وہ نہیں ہوں گے جنھیں دیکھ کر طبیعت مائل ہوتی ہے ۔اِس وقت سفید چونسا ڈھائی سوروپے کلو ہے اورکالاچونسا ڈیڑھ سو روپے ہے بلکہ آٹھ کلو کی پیٹی آٹھ سو روپے میں مل جائے گی ۔۔۔۔۔۔۔۔۔۔۔​

 

[شکیل احمد خان23]

نہ تو اِس وقت مری جانے کی ضرورت ہے اور نہ کاغان ،ناران یا کسی اور سردعلاقےکی طرف کوچ کی حاجت۔گھر کی کھڑکی سے باہر جھانکیں تو گہرے بادلوں کی وجہ سےجوسماں ہے وہ پہاڑی علاقوں سے بڑھ کر اور شمالی دیار و امصار سے سِوا ہے۔رہ رہ کر پھوہار پڑتی ہے ،ٹھنڈی ٹھنڈی ہوائیں چلتی ہیں اور تری کا احساس اور طمانیت کا تاثر جسم و روح کو ہراکیے دے رہا ہے ،اے کراچی زندہ باد، پایندہ باد، تابندہ باد۔۔۔۔۔​

 

[شکیل احمد خان23]

وہ حسین درد دیدو جسے میں گلے لگالوں
وہ نگاہ مجھ پہ ڈالو کہ۔ میں زندگی بنا لوں

فلم تھی ’’ہم سایہ‘‘سن تھا انیس سواڑسٹھ ،پکار تھی شیون رضوی کی، آواز تھی آشابھوسلے کی،اوپی نیر نے موسیقی سے سجایااورمالاسنہا نے فلم میں گایا۔ جوئے مُکرجی فلم کا ہیرو تھا ،فلم کا ڈائریکٹر بھی وہی تھا۔​

 

[شکیل احمد خان23]

ہم سایہ کو ہمیشہ ہمسایہ ہی لکھا دیکھا ،لہٰذا ملا کر لکھے ہوئےہمسایہ کااملا ہی تصویربن کر ذہن پر چسپاں ہے۔۔۔۔ابھی جب ہم کو الگ اور سایہ کو الگ لکھا تو یوں لکھا ہوا اجنبی لگا بس میں یہی چاہتا تھا کہ غیر مروج کوئی بھی شے اجنبی نہ بھی لگے تو کھٹکے تو ضرور۔۔۔۔۔۔۔​

 

[شکیل احمد خان23]

یہ تو وہی جگہ ہے گزرے تھے ہم جہاں سے۔۔۔