بیت بازی سے لطف اٹھائیں (3)

[شمشاد]

انتخابِ اہلِ گلشن پر بہت روتا ہے دل
دیکھ کر زاغ و زغن کو خوش نواؤں کی جگہ
(حبیب جالب)

 

[مہ جبین]

ہزاروں سال نرگس اپنی بے نوری پہ روتی ہے
بڑی مشکل سے ہوتا ہے چمن میں دیدہ ور پیدا
علامہ اقبال

 

[شمشاد]

اے درد بتا کچھ تُو ہی بتا! اب تک یہ معمہ حل نہ ہوا
ہم میں ہے دلِ بےتاب نہاں یا آپ دلِ دلِ بےتاب ہیں ہم
(شاد عظیم آبادی)

 

[زبیر مرزا]

میں حیرت و حسرت کا مارا خاموش کھڑا ہوں ساحل پر
دریائے محبت کہتا ہے آ کچھہ بھی نہیں پایاب ہیں ہم
(شاد عظیم آبادی)

 

[شمشاد]

مرغانِ قفس کو پھولوں نے، اے شاد! یہ کہلا بھیجا ہے
آ جاؤ جو تم کو آنا ہوایسے میں، ابھی شاداب ہیں ہم
( شاد عظیم آبادی)

 

[مہ جبین]

میں سچ کہوں گی مگر پھر بھی ہار جاؤں گی
وہ جھوٹ بولے گا اور لاجواب کردے گا
پروین شاکر

 

[زبیر مرزا]

انا پرست ہے اتنا کہ ہر بات سے پہلے
وہ اُٹھ کے بند میری ہر کتاب کردے گا

 

[مہ جبین]

اک شام سی کر رکھنا کاجل کے کرشمے سے
اک چاند سا آنکھوں میں چمکائے ہوئے رہنا
منیر نیازی

 

[شمشاد]

آج کیا دیکھ کے بھر آئی ہیں تیری آنکھیں
ہم پہ اے دوست یہ ساعت تو ہمیشہ گزری
(فراز)

 

[چھوٹاغالبؔ]

یاد کے بے نشاں جزیروں سے
تیری آواز آ رہی ہے ابھی
(ناصر کاظمی)

 

[عبدالعزيز افضل]

عبد العزیز بھائی ایک تو اس دھاگے میں تصویری شاعری کی گنجائش نہیں، دوسرا آپ کا دیا ہوا شعر بیت بازی کے اصول کے مطابق نہیں،تیسرا اس میں املاء کی غلطی ہے، بہول نہیں بھول ہوتا ہے۔

اس محفل ميں واحد ميں هي ايسا هو ۔۔۔ جو غلطي بر غلطي كرتا هو ۔۔۔ سوري شمشادي چچا ۔۔۔

 

[راجہ صاحب]

یہ بات عجیب سناتے ہو ، وہ دنیا سے بے آس ہوئے
اک نام سنا اور غش کھایا ، اک ذکر پہ آپ اداس ہوئے
(ابن انشاء)

 

[شمشاد]

اس محفل ميں واحد ميں هي ايسا هو ۔۔۔ جو غلطي بر غلطي كرتا هو ۔۔۔ سوري شمشادي چچا ۔۔۔

عزیز بھائی غلطی کس سے نہیں ہوتی۔ لیکن عقلمند وہی ہے جو غلطی سے سبق سیکھ لے۔

آپ بیشک غلطیاں کریں، میں ہوں ناں ان کو ٹھیک کرنے کے لیے۔

 

[شمشاد]

یہ بات عجیب سناتے ہو ، وہ دنیا سے بے آس ہوئے
اک نام سنا اور غش کھایا ، اک ذکر پہ آپ اداس ہوئے
(ابن انشاء)

یہاں عشرتِ زندگانی لُٹا دی
وہاں دولتِ جاودانی لُٹا دی
(ساغر)

 

[صائمہ شاہ]

یا رب میرے سکوت کو نغمہ سرائی دے
زخم ہنر کو۔۔۔۔۔۔۔ حوصلہ لب کشائی دے
( پروین شاکر)

 

[مہ جبین]

یہ زمانہ ہے شعر کا دشمن۔۔۔۔!
اس زمانے کا کیا گلہ اے دوست
حبیب جالب

 

[مہ جبین]

اس محفل ميں واحد ميں هي ايسا هو ۔۔۔ جو غلطي بر غلطي كرتا هو ۔۔۔ سوري شمشادي چچا ۔۔۔

اصل میں @افضل بھائی آپ کو عربی کی بورڈ سے ٹائپنگ کی عادت ہے تو اس لئے اردو لکھنے میں مشکل پیش آرہی ہے ، آپ اردو لکھنے کی کوشش کریں گے تو پھر آپ کو سمجھ میں آتا جائے گا
اور دوسری بات یہ کہ شروع میں تو سب ہی سے غلطیاں ہوتی ہیں بس اپنی غلطیوں کی اصلاح کی خود ہی کوشش کریں گے تو پھر ساری مشکلیں آسان ہوتی چلی جائیں گی انشاءاللہ

 

[زونی]

یہ زمانہ ہے شعر کا دشمن۔۔۔۔ !
اس زمانے کا کیا گلہ اے دوست
حبیب جالب

تری کج ادائی سے ہار کے شب انتظار چلی گئی
مرے ضبط حال سے روٹھ کر میرے غم گسار چلے گئے

نہ سوال وصل نہ عرض غم نہ حکایتیں نہ شکایتیں
ترے عہد میں دل زار کے سبھی اختیار چلے گئے

فیض احمد فیض

 

[عمر سیف]

یُوں زندگی کا کام اُدھورا رہا بُتول​

کچھ صبح رہ گیا تھا تو کچھ شام رہ گیا​

 

[شمشاد]

آئے جو کوئی پاس تو کہتی ہے "دور ہو"
اور دور ہو تو پاس بلاتی ہے زندگی
(جلیل مانکپوری)