بیت بازی سے لطف اٹھائیں (4)

[مہ جبین]

یہ پوچھ راہ سے منزل پہ کس طرح پہنچے
ہر ایک گام پہ زنجیر کے نشاں ہونگے
حزیں صدیقی

 

[کاشف اکرم وارثی]

یونہی انجانے ميں تجھ سے رفاقت سی ہو گئی​

دوستی کرنے چلے اور تجھ سے چاہت سی ہوگئی​

​

توں نہ ہو تو ميں خود سے ہی الجھتی ہوں​

کيا کروں مجھے تيری عادت سی ہو گئی​

 

[مہ جبین]

یہ تو ہم ہیں نہ سلگتے نہ دھواں دیتے ہیں
کون آئینہ ہے اور کس میں ہیں جوہر کتنے
حزیں صدیقی

 

[سیدہ شگفتہ]

یہ تو ہم ہیں نہ سلگتے نہ دھواں دیتے ہیں
کون آئینہ ہے اور کس میں ہیں جوہر کتنے
حزیں صدیقی

مہ جبیں آنٹی، یہ نئی آمد

یہاں بھی تُو ، وہاں بھی تُو
آخر کہاں نہیں ہے تو

 

[سارہ خان]

یہ مجھے چین کیوں نہیں پڑتا
ایک ہی شخص تھا جہان میں کیا
جون ایلیا

 

[مہ جبین]

مہ جبیں آنٹی، یہ نئی آمد

یہاں بھی تُو ، وہاں بھی تُو
آخر کہاں نہیں ہے تو

بہت خوب سیدہ شگفتہ

 

[سارہ خان]

شگفتہ کی پوسٹ پہلے آگئی

 

[مہ جبین]

یہ مجھے چین کیوں نہیں پڑتا
ایک ہی شخص تھا جہان میں کیا
جون ایلیا

اک شاخ سے ٹوٹے ہوئے پتے کی فضا کیا
صحرا میں بھٹکتے ہوئے پیاسے کی طرح ہے
حزیں صدیقی

 

[مہ جبین]

مہ جبیں آنٹی، یہ نئی آمد

یہاں بھی تُو ، وہاں بھی تُو
آخر کہاں نہیں ہے تو

وہ چاندنی کا شہر ہو یا دھوپ کا نگر
پرچھائیوں کا رنگ جماتی ہے روشنی
حزیں صدیقی

 

[مہ جبین]

شگفتہ کی پوسٹ پہلے آگئی

میں نے شعر دے دیا ، اب سارہ خان یا سیدہ شگفتہ اس کا جواب دیں

 

[زبیر مرزا]

کوئی
محب علوی

کو اس کا ربط دے کہ آ کے منیر نیازی کے منفرد اشعار پڑھ لیں

 

[سیدہ شگفتہ]

وہ چاندنی کا شہر ہو یا دھوپ کا نگر
پرچھائیوں کا رنگ جماتی پے روشنی
حزیں صدیقی

پھر "ی"


یہ لیجیے مہ جبین آنٹی ایک اور آمد

یہ جو ہے دنیائے گریز پا
نہ شگف تو اس سے پھر لو لگا

 

[زبیر مرزا]

یہ کیا کہ اک جہاں کو کرو وقفِ اضطراب
یہ کیا کہ ایک دل کو شکیبا نہ کر سکو
صُوفی تبسّم

 

[سیدہ شگفتہ]

میں نے شعر دے دیا ، اب سارہ خان یا سیدہ شگفتہ اس کا جواب دیں

جی آنٹی ، لکھ دیا ۔

 

[مہ جبین]

پھر "ی"


یہ لیجیے مہ جبین آنٹی ایک اور آمد

یہ جو ہے دنیائے گریز پا
نہ شگف تو اس سے پھر لو لگا

سیدہ شگفتہ ابھی اس میں اصلاح کی کافی گنجائش موجود ہے ، میرا مشورہ مانو تو یہاں محفل میں کافی منجھے ہوئے پختہ کلام شعراء حضرات موجود ہیں ان سے اصلاح لیتی رہو انشاءاللہ ایک دن اچھی شاعرہ بن جاؤ گی
امید ہے کہ برا نہیں مانو گی

 

[مہ جبین]

یہ کیا کہ اک جہاں کو کرو وقفِ اضطراب
یہ کیا کہ ایک دل کو شکیبا نہ کر سکو
صُوفی تبسّم

وہ کلی مسکرائی ، پھول کھلا
اتنے وقفے کا نام ہستی ہے
حزیں صدیقی

 

[سارہ خان]

یہ سنا ہے کہ میرے کوچ کے بعد
اس کی خوشبو کہیں بسی ہی نہیں

تھی جو جو اک فاختہ اداس اداس
صبح وہ شاخ سے اڑی ہی نہیں

 

[مہ جبین]

سیدہ شگفتہ سارہ خان زحال مرزا بھائی کاشف اکرم وارثی بھائی
ارے سب کہاں ہیں ؟ کسی نے جواب نہیں دیا ابھی تک؟

 

[سارہ خان]

دے دیا آنٹی ۔۔ آگے کل کھیلیں گے ابھی گڈ نائٹ ۔۔۔

 

[مہ جبین]

نام بے حد تھے مگر انکا نشاں کوئی نہ تھا
بستیاں ہی بستیاں تھیں پاسباں کوئی نہ تھا
منیر نیازی