بیت بازی سے لطف اٹھائیں (4)

[شمشاد]

یونہی میں بہت اچھا دوستو خدا حافظ
خاک کر دیا مجھ کو رسمِ خیر خواہی نے
عزیز نبیل
اصل مصرع: میں یونہی بہت اچھا دوستو خدا حافظ

 

[شمشاد]

نامُرادی کا یہ عالم ہے کہ اب یاد نہیں​

تُو بھی شامل تھا کبھی میری تمناؤں میں​

نگاہ، یار کی یوں اُٹھ رہی تھی جُھک جُھک کر​

زمین رقص میں تھی، آسماں پہ زلزلہ تھا​

(جوش)​

 

[فاتح]

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ مراسلہ بے ضابطہ ہے اصل مصرع میں ترمیم کر کے اسے ی سے شروع کیا ہے

بندہ بشر ہوں۔۔۔ غلطی ہو جاتی ہے۔۔۔ لیکن ادھر تو سب لٹھ لے کر پیچھے پڑ گئے۔۔۔ ہاہاہاہا

 

[عمر سیف]

اے دل وہ عاشقی کے فسانے کدھر گئے؟
وہ عمر کیا ہوئی، وہ زمانے کدھر گئے؟

 

[فرحت کیانی]

یہ حکم ہے کہ ہو کوئی تخلیق شاہکار
کوزہ گروں کے پاس کوئی چاک بھی نہیں

​

 

[عمر سیف]

ناراض ہیں جو وہ تو منا لیں گے اُن کو ہم
بس ایک بار آنکھ ملانے کی بات ہے

 

[فرحت کیانی]

یہ جو دیوانے سے دو چار نظر آتے ہیں
ان میں کچھ صاحبِ اسرار نظر آتے ہیں

 

[غ۔ن۔غ]

یہ کون آج مِری آنکھ کے حصار میں ہے​

مجھے لگا کہ زمیں میرے اختیار میں ہے​

 

[فرحت کیانی]

یہ کون سوختہ ساماں ہے خاک کا پیوند؟
بُجھی بُجھی سی ہے شمعِ مزار کی صورت

 

[غ۔ن۔غ]

تمھارے شہر کا موسم بڑا سہانا لگے
میں ایک شام چرا لوں اگر برا نہ لگے

 

[فرحت کیانی]

یہی کہا تھا مری آنکھ دیکھ سکتی ہے
کہ مجھ پر ٹوٹ پڑا سارا شہر نابینا
-احمد فراز

 

[غ۔ن۔غ]

اے جانِ فراز اتنی بھی توفیق کسے تھی
ہم کو غمِ ہستی بھی گوارا ہے کہ تم ہو

 

[محب علوی]

تصویر ہو گئے تری تصویر دیکھ کر

 

[عمر سیف]

وہ دل جو خاک ہوئے آج تک دھڑکتے ہیں
رہ وفا ،تیری معجز رقم کو پہچانے​

 

[فرحت کیانی]

وائے ناکامی متاعِ کارواں جاتا رہا
کارواں کے دل سے احساسِ زیاں جاتا رہا

 

[عمر سیف]

دیر ہوگئی آپ کو فرحت

 

[کاشف اکرم وارثی]

اس عمر کے صحرا سے تیری یاد کا بادل
ٹلتا بھی نہیں ہے اور برستا بھی نہیں ہے​

 

[فرحت کیانی]

دیر ہوگئی آپ کو فرحت

جی۔ بس ایسا ہی ہوا۔
یوں تو آسان نظر آتا ہے منزل کا سفر
کتنا مشکل ہے میری راہ سے جا کر دیکھو

 

[عمر سیف]

وقت کے پاس ہیں کچھ تصویریں
کوئی ڈوبا ہے کہ ابھرا دیکھو!

 

[شمشاد]

​

واعظوں کو نہ کرے منع نصیحت سے کوئی​

میں نہ سمجھوں گا کسی طرح سے سمجھانے دو​

(سیاح)​