بیت بازی سے لطف اٹھائیں (4)

[عمر سیف]

وہ عِشق جو ہم سے رُوٹھ گیا، اب اس کا حال بتائیں کیا
کوئی مہر نہیں کوئی قہر نہیں پھر سچا شعر سنائیں کیا

 

[شمشاد]

اے دوست ذرا اور قریب رگ جاں ہو​

کیا جانے کہاں تک شب ہجراں کا دھواں ہو​

(خیال امروہی)​

 

[عمر سیف]

وراثت میں مجھے گٹھڑی دعاؤں کی ملی ہے
یقیناً میں مقدر کا سکندر آدمی ہوں

 

[شمشاد]

​

نہیں ہے تلخ گوئی شیوہ ء سنجیدگاں لیکن​

مجھے وہ گالیاں دیں گے تو کیا چپ سادھ لوں گا میں​

(انور شعور)​

 

[عمر سیف]

نگاہ شوق پہ الزام بے قراری کا
تمہارے برقِ تجلی کو اضطراب نہ تھا

 

[شمشاد]

الجھ الجھ گئیں مجروح زیست کی گرہیں​

بکھر بکھر گئیں انگڑائیاں خلاؤں میں​

(مصطفی زیدی)​

 

[سید زبیر]

نیا اک رشتہ پیدا کیوں کریں ہم
بچھڑنا ہی ہے تو جھگڑا کیوں کریں ہم
جون ایلیا

 

[شمشاد]

محبت کی منزل ہی شاید نہیں ہے​

کہ جب دیکھیے امتحاں اور بھی ہیں​

(جگر مراد آبادی)​

 

[سید زبیر]

نہ پوچھ اقبال کا ٹھکانا ، ابہی وہی کیفیت ہے اس کی
کہیں سررہگذر بیٹھا ،ستم کش انتظار ہوگا

 

[فرحت کیانی]

اک زمانہ تھا کہ سب ایک جگہ رہتے تھے
اور اب کوئی کہیں، کوئی کہیں رہتا ہے
دل افسردہ تو ہُوا دیکھ کر اُس کو محسن
عمر بھر کون جواں، کون حسیں رہتا ہے

 

[سید زبیر]

یہ مسائل تصوف یہ ترا بیاں غالب
ہم تجھے ولی سمجھتے جو نہ بادہ خوار ہوتا

 

[شمشاد]

اسے کون دیکھ سکتا، کہ یگانہ ہے وہ یکتا
جو دوئی کی بو بھی ہوتی تو کہیں دو چار ہوتا
(چچا)

 

[صائمہ شاہ]

ادب ہے اور یہی کشمکش تو کیا کیجیے
حیا ہے اور یہی گومگو تو کیوں کر ہو
غالب

 

[شمشاد]

وہ نہیں آتا گر نہیں آتا​

جا کے کیوں نامہ بر نہیں آتا​

(نظام رامپوری)​

 

[صائمہ شاہ]

اپنا احوال دلِ زار کہوں یا نہ کہوں
ہے حیا مانح اظہار کہوں یا نہ کیوں
غالب

 

[شمشاد]

نفس نفس میں جلا کر اُمید کے دیپک
قدم قدم پہ ستارے بچھائے تھے میں نے
(مصطفی زیدی)

 

[کاشف اکرم وارثی]

یہ دُھوپ ، چھاؤں کے موسم ہیں اُس کی مٹھی میں
اَگر ضَروری لگا ، دِن میں شام کر دے گا
نہ چھوڑ اِس قَدَر آزاد اَپنی آنکھوں کو
یہ کام تجھ کو کسی کا غلام کر دے گا

 

[شمشاد]

اے درد بتا کچھ تُو ہی بتا! اب تک یہ معمہ حل نہ ہوا
ہم میں ہے دلِ بےتاب نہاں یا آپ دلِ بےتاب ہیں ہم

(شاد عظیم آبادی)​

 

[صائمہ شاہ]

مجموعے چھاپ چھاپ کے لاتا ہے روز روز
جس شخص کا شعور سخن خاک بھی نہیں

 

[شمشاد]

مجموعے چھاپ چھاپ کے لاتا ہے روز روز
جس شخص کا شعور سخن خاک بھی نہیں

یہ کس کے متعلق کہا گیا تھا اور کس نے کہا تھا؟