بیت بازی سے لطف اٹھائیں (4)

[عمر سیف]

اپنی سانسیں بیچ کر میں نے جسے آباد کی
وہ گلی جنت تو اب بھی ہے مگر شدّاد کی

 

[شمشاد]

اپنی سانسیں بیچ کر میں نے جسے آباد کی
وہ گلی جنت تو اب بھی ہے مگر شدّاد کی

پہلے مصرعے میں جسے آباد کی کی بجائے جو آباد کی ہونا چاہیے۔
-------------------------------------------------------------------


یہ گیت سربگریباں ہیں تیرے جانے سے
یہ تو عروس ستارے بڑھا رہے ہیں سہاگ
(مصطفی زیدی)

 

[سید زبیر]

گذرگیا وہ دور ساقی کہ چھپ کے پیتے تھے پینے والے
بنے گا سارا جہاں مے خانہ ،ہر کوئی بادہ خوار ہوگا
اقبال

 

[شمشاد]

​

آنکھوں میں کھچ کے آگیا سب حسرتوں کا خون​

کہیئے تو اب دکھاؤں نظر کے اثر کو میں​

(رسا)​

 

[سید زبیر]

نبھنے لگی ہے بلدہ خوباں کی خاک سے
یا دل کی وحشتیں ہیں پرانی ، اداس ہو
انشا

 

[عمر سیف]

وہ نہ ہوگا تو کیا کمی ہوگی
بس ادھوری سی زندگی ہوگی
اسی کو سوچوں اسی کو چاہوں
مجھ سے ایسی نہ بندگی ہو گی

 

[شمشاد]

​

یہ جو ہے حکم میرے پاس نہ آئے کوئی​

اس لئے روٹھ رہے ہیں کہ منائے کوئی​

(داغ دہلوی)​

 

[عمر سیف]

یہ خالی خالی جو آنکھیں ہیں ان میں آیا کرے
وہ کچھ کرے نہ کرے خواب ہی دکھایا کرے

 

[سید زبیر]

یہ عہد وہ ہے کہ مری وفا کے قصوں میں
تری جفا کی حکایات بھی بیاں ہوں گی

 

[شمشاد]

یہی میری آدمیّت کی دلیلِ برتری ہے​

کہ لگا نہیں جبیں پر کبھی داغِ بےگناہی​

(ساغر نظامی)​

​

 

[سید زبیر]

یہ کس مقام پہ پہنچا ہے کاروان وفا
ہے اک زہر سا پھیلا ہوا فضاوں میں

 

[شمشاد]

ناخدا پہنچے گی ساحل پر نہ کشتی ، کیا کہا؟​

ناخدا ہی تو خدائے کشتی و ساحل نہیں​

(صمد یار خاں ساغر چشتی نظامی سیمابی - علیگڑھ)​

 

[کاشف اکرم وارثی]

نقاب اُٹھائے تو دُشمن سلام کر دے گا​

جمالِ یار محبت کو عام کر دے گا​

​

 

[شمشاد]

اس محبت میں تعلق کی طوالت کا نہ پوچھ​

اک گلی میں زندگی بھر کا سفر نازل ہوا​

(منصور آفاق)​

 

[مہ جبین]

اب دل میں صرف تیری تمنا ہے اور بس
اب درمیان اک یہی پردہ ہے اور بس
حزیں صدیقی

 

[شمشاد]

سنا ہے ربط ہے اس کو خراب حالوں سے​

سو اپنے آپ کو برباد کرکے دیکھتے ہیں
(فراز)

 

[مہ جبین]

نظر سے چہرے گزر رہے ہیں ، سماعتوں میں اتر رہے ہیں
جو پڑھ رہا ہوں وہ ان لکھی ہے، جو سن رہا ہوں وہ ان کہی ہے
حزیں صدیقی

 

[شمشاد]

​

یاد اب اوّل تو آتی ہی نہیں اُس کی شعورؔ​

اور آتی ہے تو سینے میں لگا دیتی ہے آگ​

(انور شعور)​

 

[عمر سیف]

گھٹے اگر تو بس اک مشتِ خاک ہے انسان
بڑھے اگر تو وسطے و کونین میں سماں نہ سکے

 

[شمشاد]

گھٹے اگر تو بس اک مشتِ خاک ہے انسان
بڑھے اگر تو وسطے و کونین میں سماں نہ سکے

ضبط دوسرے مصرعے میں کچھ گڑبڑ لگ رہی ہے۔