بیت بازی سے لطف اٹھائیں (4)

[شمشاد]

یہ بے رنگ آنسو، یہ بے رنگ آہیں​

یہی ہے تو کیا عشق کی زندگی ہے​

(حزیں صدیقی)​

 

[عمران شناور]

یہ میرے چاروں طرف کس لیے اجالا ہے
ترا خیال ہے یا دن نکلنے والا ہے
محسن بھوپالی

 

[عمر سیف]

یاد کرتے ہو غیر کے اشعار
ہائے اس انتخاب نے مارا

 

[شمشاد]

اللہ اِن ضدوں کو شعورِ جمال دے​

ملتے ہیں ذہن و دل تو نکلتی ہے روشنی​

حزیں صدیقی​

 

[عمر سیف]

یہ کس بہشت شمائل کی آمد آمد ہے؟
کہ غیرِ جلوۂ گُل رہ گزر میں خاک نہیں

 

[شمشاد]

نہ جانے کون سے ہونٹوں کا آسرا پا کر​

تمھارے ہونٹ مری تِشنگی کو بُھول گئے​

(مصطفی زیدی)​

 

[سید زبیر]

یہ کہہ کر اس نے شجر کو تنے سے کاٹ دیا
کہ اس درخت میں کچھ ٹہنیاں پرانی ہیں

 

[شمشاد]

نور کا تن ہے، نور کے کپڑے، اس پر کیا زیور کی چمک ہے​

چھلے، کنگن، اِکّے، جوشن، ماشاء اللہ! ماشاء اللہ! ​

(امیر مینائی)​

 

[سارہ خان]

ہمیں یاد ہو تو سنائیں بھی ذرا دھیان ہو تو بتائیں بھی
کہ وہ دل جو محرم راز تھا کہیں رسم و راہ میں جل بجھا
سلیم کوثر

 

[شمشاد]

اذانیں ابر پیما ہیں، تو سجدے آسماں فرسا​

ذرا مسجد میں بھی اے دشمنِ ایمان و دیں آجا​

(جوش ملیح آبادی)​

 

[سید زبیر]

اّج تو ھم بکنے کو اّئے،اّج ھمارے دام لگا
یوسف تو بازار وفا میں،ایک ٹکے کو بکتا ہے

 

[شمشاد]

اب کھلا ہستی کا افسوں ہی فنا پرور بھی تھا​

خواب ہی میں خواب کی تعبیر کا منظر بھی تھا​

(حزیں صدیقی)​

 

[مہ جبین]

اہلِ دل حق سے بغاوت تو نہیں کر سکتے
جانے کیا جرم تھا انکا جو سرِ دار ملے
حزیں صدیقی

 

[شمشاد]

یاد سا آتا ہے گردوں پر چراغاں دیکھ کر
ایسی ہی روشن بلندی پر ہمارا گھر بھی تھا
(حزیں صدیقی)

 

[عمر سیف]

ایک ہم ہیں کہ ہیں بےبرگ و نوا تیرے بعد
ورنہ آباد ہے اک خلقِ خُدا تیرے بعد

 

[مزمل حسین]

یاد آئے ترے پیکر کے خطوط
اپنی کوتاہئ فن یاد آئی

چاند جب دور افق میں ڈوبا
تیرے لہجے کی تھکن یاد آئی
(احمد ندیم قاسمی)

 

[شمشاد]

یاد آئے ترے پیکر کے خطوط
اپنی کوتاہئ فن یاد آئی

چاند جب دور افق میں ڈوبا
تیرے لہجے کی تھکن یاد آئی
(احمد ندیم قاسمی)

مزمل حسین بھائی یہ بیت بازی کا کھیل ہے اور آپ کو تو حرف دال سے شعر دینا تھا۔
---------------------------------------------------------------------------------------

دریوزہ گرِ شہر ہو یا شہر کا معمار
پندارِ فلاں ابنِ فلاں سب کے لئے ہے
(مصطفی زیدی)

 

[مزمل حسین]

اچھا تو یہ بات ہے.
لیجیے اب ی کا شعر
یاد ماضی سے بڑا کرب نہیں ہے کوئی
میرے گزرے ہوئے لمحوں کو صدا دی جائے
ان سے بچھڑے ہوئے مایوس کھڑے ہیں ایسے
جیسے دیوار پہ تصویر لگا دی جائے
اس فسانے پہ یقیں کون کرے گا یارو
یہ کہانی ہے محبت کی، بھلا دی جائے

اب تو میں دار سے مانوس ہوا جاتا ہوں
اب کسی اور طریقے سے سزا دی جائے
زرد پتا ہوں، ابھی شاخ سے گر جاؤں گا
بار خاطر ہوں اگر، شاخ ہلا دی جائے
(یا تو یہ رسم ہی دنیا سے مٹا دی جائے
یا محبت کو ہر اک دل میں جگہ دی جائے) (محمد یوسف صابر)
ایک سے زائد اشعار پر قدغن تو نہیں؟

 

[سید زبیر]

نہ ملا پر نہ ملا عشق کو انداز جنون
ہم نے مجنون کی بھی آشفتہ سری دیکھی ہے

 

[شمشاد]

@مزمل حسین بھائی ایک سے زیادہ اشعار پر قدغن تو نہیں لیکن اس بیت بازی کے کھیل کا مزہ جاتا رہتا ہے۔ آپ اپنی پسند کی شاعری "میری پسند کی شاعری" والے زمرے میں پوسٹ کر سکتے ہیں۔
--------------------------------------------------------------------------------------------------------------------------------------------------------------------

یوں خطِ ہجر کھینچیے اپنے اور اس کے بیچ
دونوں طرف کی سانس ادھر سے ادھر نہ ہو
(اختر عثمان)