بیت بازی سے لطف اٹھائیں (4)

[عمر سیف]

یوں سجا چاند کہ جھلکا تیرے انداز کا رنگ
یوں فضا مہکی کہ بدلا میرے ہمراز کا رنگ

میں بھی سوچ رہا تھا کہ صبح کہیں پڑھا ہے یہ ۔۔۔

نہ آئے گا کوئی ، نہ بیٹھے گا کوئی
اگر آپ کا رنگِ محفل یہی ہے

 

[شمشاد]

​

یہ گھڑی محشر کی ہے، تو عرصہِ محشر میں ہے​

پیش کر غافل، عمل کوئی اگر دفتر میں ہے​

(علامہ محمد اقبال)​

 

[مہ جبین]

یہ اجڑے باغ ویرانے پرانے
سناتے ہیں کچھ افسانے پرانے
حبیب جالب

 

[شمشاد]

یہ کہاں کی دوستی ہے کہ بنے ہیں دوست نا صح
کوئی چارہ ساز ہوتا، کوئی غم گسار ہوتا
(چچا)

 

[عمر سیف]

اگر یہ درد میری روح میں اُتر جاتا
میں جیسا بےخبر آیا تھا، بےخبر جاتا

 

[شمشاد]

​

اِن چراغوں کو تو جلنا ہے ہوا جیسی ہو
درد کی راتوں کو ڈھلنا ہے ہوا جیسی ہو
(احمد فراز)

 

[کاشف اکرم وارثی]

وہ جو تاج ور تھے سبک قدم اُنہیں شور و غل نے اڑا دیا​

مری بستیوں کے جو مور تھے کہیں جنگلوں میں نکل گئے​

مرے بچپنے کے جو پیڑ تھے انہیں کون لے گیا کا ٹ کے​

وہ عمارتوں میں بدل گئے کہ کسی الاؤ میں جل گئے​

 

[شمشاد]

یہ مسائل تصّوف یہ ترا بیان غالبؔ
تجھے ہم ولی سمجھتے ،جو نہ بادہ خوار ہوتا
(چچا)

 

[مہ جبین]

ابھی وہ منزلِ فکر و نظر کہاں آئی
ہے آدمی ابھی جرم و سزا کے رستے میں
حبیب جالب

 

[شمشاد]

​

نگہ شوق کا حال نہ پوچھ​

سربسر اضطراب ہو کے رہی​

(فانی بدایونی)​

 

[مہ جبین]

یہ مہ و نجوم ہنس لیں مرے آنسوؤں پہ جالب
مرا ماہتاب جب تک لبِ بام آنہ جائے
حبیب جالب

 

[شمشاد]

یونہی ہم منیر پڑے رہے کسی اک مکاں کی پناہ میں
کہ نکل کے ایک پناہ سے کہیں اور جانے کا دم نہ تھا​

منیر نیازی

 

[مہ جبین]

اسی فکر میں ہیں غلطاں یہ نظامِ زر کے بندے
جو تمام زندگی ہے وہ نظام آنہ جائے
حبیب جالب

 

[شمشاد]

یہ ریکھائیں اور ورشائیں جن کا تجھ کو گیان نہیں
لے جائیں گی ایسی جگہ پر جس کی تجھے پہچان نہیں
(منیر نیازی)

 

[مہ جبین]

نظمیں اداس اداس فسانے بجھے بجھے
مدت سے اشکبار ہیں لوح و قلم یہاں
حبیب جالب

 

[شمشاد]

​

نہ حیرت چشمِ ساقی کی، نہ صحبت دورِ ساغر کی
مری محفل میں غالب گردشِ افلاک باقی ہے​

(چچا)​

 

[کاشف اکرم وارثی]

یہ قربتوں میں عجب فاصلے پڑے کہ مجھے
ہے آشنا کی طلب آشنا کے ہوتے ہوئے​

 

[شمشاد]

یہ بات عجیب سناتے ہو، وہ دنیا سے بے آس ہوئے
اک نام سنا اور غش کھایا، اک ذکر پہ آپ اداس ہوئے
(ابن انشاء)

 

[راجہ صاحب]

یہ کہاں کی دوستی ہے کہ بنے ہیں دوست نا صح
کوئی چارہ ساز ہوتا، کوئی غم گسار ہوتا
غالب

 

[سیدہ شگفتہ]

آؤ ، دو عالم کو مہکائیں
نعت سنیں اور نعت سنائیں

(کلام : ضیاء الحسن ضیاء)