بیت بازی سے لطف اٹھائیں (4)

[شمشاد]

نہ حریفِ جاں نہ شریکِ غم شبِ انتظار کوئی تو ہو​

کسے بزمِ شوق میں لائیں ہم دلِ بے قرار کوئی تو ہو​

احمد فراز​

 

[تبسم]

وہ ہمیں بھول گیا ہے تو کوئی بات نہیں
آج وہ وقت ہے کہ لوگوں کوخدایاد نہیں

 

[شمشاد]

​

ندیم جو بھی ملاقات تھی ادھوری تھی​

کہ ایک چہرے کے پیچھے ہزار چہرے تھے​

(احمد ندیم قاسمی)

 

[کاشف اکرم وارثی]

​

یہی ہوا کے ہوا لے گئی اُڑا کے مجھے
تجھے تو کچھ نا ملا خاک میں ملا کے مجھے​

 

[عمر سیف]

یوں تو کرتے ہیں سبھی عشق کی رسمیں پوری
دودھ کی نہر نکالے کوئی کوہساروں سے

 

[شمشاد]

یہ اپنی چال ہے افتادگی سے اب کہ پہروں تک
نظر آیا جہاں پر سایہء دیوار بیٹھے ہیں
(انشاء اللہ انشاء)

 

[عمر سیف]

نگاہ و دل کا فسانہ قریبِ اختتام آیا
ہمیں اب اس سے کیا آئی سحر، یا وقتِ شام آیا۔

 

[شمشاد]

اے گلستانِ شب کے چشم و چراغ
کبھی اجڑے دلوں کے بَن میں آ
(ناصر کاظمی)

 

[عمر سیف]

آپ ہی تو نہیں مگر دل میں
ایک تصویر آپ کی سی ہے

 

[شمشاد]

یک جہتی سے منزل کی طرف ایسے رواں ہوں​

گردوں سے خدا اپنے ملائک بھی اتارے​

اجمل نذیر​

 

[عمر سیف]

یہ غم نہیں کہ اُجالوں نے ساتھ چھوڑ دیا
ترا خیال مجھے روشنی دکھاتا ہے

 

[شمشاد]

​

یوں سجا چاند کہ چھلکا ترے انداز کا رنگ​

یوں فضا مہکی کہ بدلا مرا ہمراز کا رنگ​

(فیض احمد فیض)​

 

[عمر سیف]

گزاری اس طرح عمرِ محبت ہم نے دھوکے میں
وہ مجھ کو باوفا سمجھے، میں اُن کو باوفا سمجھا

 

[شمشاد]

​

اقبال، لکھنو سے نہ دِلّی سے ہے غرض​

ہم تو اسیر ہیں خمِ زلفِ کمال کے​

(علامہ اقبال)​

 

[عمر سیف]

یہ محبت بھی ہے کیا روگ فراز
جس کو بھولے وہ سدا یاد آیا

 

[شمشاد]

اک محشرِ صدا ہے خلاؤں میں عکس ریز
لہروں میں کروٹیں سی بدلتی ہے روشنی
(حزیں صدیقی)

 

[عمر سیف]

یہ میرا حوصلہ ہے تیرے بغیر
سانس لیتا ہوں بات کرتا ہوں

 

[شمشاد]

​

نظارے ہیں وطن کے دلنشیں، جیسے کہ پہلے تھے​

مگر افسوس ہم ویسے نہیں جیسے کہ پہلے تھے​

(محروم)​

 

[عمر سیف]

یوں سجا چاند کہ جھلکا تیرے انداز کا رنگ
یوں فضا مہکی کہ بدلا میرے ہمراز کا رنگ

 

[شمشاد]

ضبط یہ شعر تو میں نے ابھی اوپر لکھا تھا مراسلہ نمبر 172 میں۔
----------------------------------------------------------------

گُزرے ہیں مے کدے سے جو توبہ کے بعد ہم
کچھ دُور عادتاً بھی قدم لڑکھڑائے ہیں
(خمار بارہ بنکوی)