بیت بازی سے لطف اٹھائیں (5)

[شمشاد]

یہ اور بات کھلتا نہیں ہے کسی طرف​

ہے ذہن میں دریچہ بظاہر بنا ہوا
(منصور آفاق)

 

[قرۃالعین اعوان]

ایک بھی تو نہ ہوا حق محبت پورا
ہم سمجھتے تھے کہ ہم بھی ہیں وفاداروں میں

 

[شمشاد]

نازاں نہ ہو خِرد پہ جو ہونا ہےوہ ہی ہو​

دانش تری نہ کچھ مری دانشوری چلے
(ابراھیم ذوق)

 

[فرحت کیانی]

یہ دستور زباں بندی ہے کیسا تیری محفل کا
یہاں تو بات کرنے کو ترستی ہے زباں میری

 

[شمشاد]

یہ سچ ہے کہ اک پل بھی تری یاد سے ہٹ کر
گزرا ،نہ کبھی میں نے گزارا، اُسے کہنا
(نجم الحسن کاظمی)

 

[شعیب سعید شوبی]

اب تو گھبرا کے یہ کہتے ہیں کہ مر جائیں گے
مر کے بھی چین نہ پایا تو کدھر جائیں گے
(ذوق)

 

[شمشاد]

یہ ضروری ہے نئے کل کی ضمانت دی جائے
ورنہ سڑکوں پہ نکل آئیں گے سارے بچے
(بیدل حیدری)

 

[مہدی نقوی حجاز]

یہ ضروری ہے نئے کل کی ضمانت دی جائے
ورنہ سڑکوں پہ نکل آئیں گے سارے بچے
(بیدل حیدری)

یہ ذوق و شوق دیکھ کر پرنم ہوئی وہ آنکھ
جس کی نگاہ تھی صفت تیغ بے نیام

 

[شمشاد]

مجھ کو تری یادوں کے بھنور میں بھی سکوں ہے
مانگا ہی نہیں میں نے کنارا، اُسے کہنا
(نجم الحسن کاظمی)

 

[مہدی نقوی حجاز]

الہی کان میں کیا اس صنم نے پھونک دیا
کہ ہاتھ رکھتے ہیں کانوں پہ سب اذاں کے لیے

 

[قرۃالعین اعوان]

یہ انتظار نہ ٹہرا کوئی بلا ٹہری
کسی کی جان گئی آپ کی ادا ٹہری

 

[مدیحہ گیلانی]

یہ انتظار نہ ٹہرا کوئی بلا ٹہری
کسی کی جان گئی آپ کی ادا ٹہری

یادِ وَطَن نہ آئے ہمیں کیوں وَطَن سے دُور
جاتی نہیں ہے بُوئے چمن کیا چمن سے دُور
مولانا محمد علی جوہر

 

[مہدی نقوی حجاز]

یادِ وَطَن نہ آئے ہمیں کیوں وَطَن سے دُور
جاتی نہیں ہے بُوئے چمن کیا چمن سے دُور
مولانا محمد علی جوہر

رایت تری سپاہ کا سرمایہ ظفر
آسودہ پر کشادہ، پری زادہ یم سپر

 

[مدیحہ گیلانی]

رایت تری سپاہ کا سرمایہ ظفر
آسودہ پر کشادہ، پری زادہ یم سپر

رندِ خراب حال کو زاہد نہ چھیڑ تُو
تجھ کو پرائی کیا پڑی، اپنی نبیڑ تُو
ذوق

 

[مہدی نقوی حجاز]

رندِ خراب حال کو زاہد نہ چھیڑ تُو
تجھ کو پرائی کیا پڑی، اپنی نبیڑ تُو
ذوق

وصال میں بھی وہی ہے فراق کا عالم
کہ اس کو نیند مجھے رت جگے کہ عادت ہے
فراز

 

[مدیحہ گیلانی]

وصال میں بھی وہی ہے فراق کا عالم
کہ اس کو نیند مجھے رت جگے کہ عادت ہے
فراز

یا تو پاسِ دوستی تجھ کو بتِ بے باک ہو
یا مجھ ہی کو موت آجائے کہ قصہ پاک ہو
(ذوق)

 

[صائمہ شاہ]

یاروں کی نگاہوں میں بصیرت نہ تھی ورنہ
پھوٹی ہے کئی بار سحر دامنِ شب سے
محسن نقوی

 

[مہدی نقوی حجاز]

یاروں کی نگاہوں میں بصیرت نہ تھی ورنہ
پھوٹی ہے کئی بار سحر دامنِ شب سے
محسن نقوی

یہ نصیب خضر دوراں زہے شان کبریائی
کہ وہ رہزنوں سے مانگے تب و تاب رہنمائی
جوش

 

[صائمہ شاہ]

یہ نصیب خضر دوراں زہے شان کبریائی
کہ وہ رہزنوں سے مانگے تب و تاب رہنمائی
جوش

یہ ارتقاء کا چلن ہے، کہ ہر زمانے میں
پُرانے لوگ، نئے آدمی سے ڈرتے تھے

 

[مہدی نقوی حجاز]

یہ ارتقاء کا چلن ہے، کہ ہر زمانے میں
پُرانے لوگ، نئے آدمی سے ڈرتے تھے

یہ طرفہ ماجرا ہے کہ حسرت سے مل کہ آہ
کچھ جان و دل کو اور بھی شوریدہ کر چلے
حسرت