بیت بازی سے لطف اٹھائیں (5)

[شمشاد خان]

یاد کے چاند دل میں اترتے رہے
چاندنی جگمگاتی رہی رات بھر
(مخدوم محی الدین)

 

[مومن فرحین]

رات دل سے نکل کر سوئے
صبح دیکھا تو پھر وہیں تھے تم

 

[شمشاد خان]

مجھے معلوم ہے اس کا ٹھکانا پھر کہاں ہوگا
پرندہ آسماں چھونے میں جب ناکام ہو جائے
(بشیر بدر)

 

[مومن فرحین]

یہ آرزو بھی بڑی چیز ہے مگر ہمدم
وصال یار فقط آرزو کی بات نہیں

 

[مریم افتخار]

نہ جرات ہے نہ خنجر ہے تو قصد خود کشی کیسا
یہ مانا درد ناکامی گیا تیرا گزر حد سے
(اقبال)​

 

[مومن فرحین]

یا الہی مٹ نہ جائے درد دل
مٹنے والوں کو مٹائے درد دل

 

[خالد محمود چوہدری]

لوگ ٹوٹ جاتے ہیں، ایک گھر بنانے میں
تم ترس نہیں کھاتے، بستیاں جلانے میں

 

[مریم افتخار]

ناز ہے طاقتِ گفتار پہ انسانوں کو
بات کرنے کا سلیقہ نہیں نادانوں کو
اقبال

 

[مومن فرحین]

وہی کارواں وہی راستے وہی زندگی وہی مرحلے
مگر اپنے اپنے مقام پہ کبھی ہم نہیں کبھی تم نہیں

 

[شمشاد خان]

نہ ملا کر اداس لوگوں سے
حسن تیرا بکھر نہ جائے کہیں
(ناصر کاظمی)

 

[مومن فرحین]

نہیں کوئی طبیب دل ستم مائل تیرے جیسا
کبھی پھایا تیرا لہجہ کبھی سوزش تیری باتیں

 

[شمشاد خان]

نہ کوئی خوشی نہ ملال ہے کہ سبھی کا ایک سا حال ہے
ترے سکھ کے دن بھی گزر گئے مری غم کی رات بھی کٹ گئی
(بشیر بدر)

 

[مومن فرحین]

یاد آتا ہے تو کیوں اس سے گلہ ہوتا ہے
وہ جو اک شخص مجھے بھول چکا ہوتا ہے

 

[شمشاد خان]

یوں تو ہر شام امیدوں میں گزر جاتی ہے
آج کچھ بات ہے جو شام پہ رونا آیا
(شکیل بدایونی)

 

[مومن فرحین]

اس کی باتوں میں تیری جھلک ہے عیاں
اس کے لفظوں کو تو نے سنا زندگی

 

[شمشاد خان]

یہ مجھے چین کیوں نہیں پڑتا
ایک ہی شخص تھا جہان میں کیا
(جون ایلیا)

 

[مومن فرحین]

اگر ہم کہیں اور وہ مسکرا دیں
ہم ان کے لیے زندگانی لٹا دیں

 

[شمشاد خان]

نازکی اس کے لب کی کیا کہیے
پنکھڑی اک گلاب کی سی ہے
(میر تقی میر)

 

[مومن فرحین]

یوں تو رہتی ہے تصور میں تمہاری یادیں
پھر بھی مل جاؤ تو تسکین سی ہو جائے گی

 

[شمشاد خان]

یوں کسی سے اپنے غم کی داستاں کہتا نہیں
پوچھتے ہیں وہ تو پھر مجبور ہو جاتا ہوں میں
(آتش بہاولپوری)