بیت بازی سے لطف اٹھائیں (5)

[شمشاد]

وہ جو دیر و حرم کی باتیں ہیں
سب ترے دم قدم کی باتیں ہیں
(عبد الحمید عدم)

 

[شیزان]

نظریں ملا رہے ہو زمانہ کے سامنے
کچھ تو کرو خیال، غضب ڈھا رہے ہو تم

یا خود ہی بڑھ گئی ہے یہ تابانیء جہاں
یا گوشہء نقاب کو سرکا رہے ہو تم

بہزاد لکھنوی

 

[شمشاد]

مے کشو! پوری چاشنی سے سنو
زاہدِ محترم کی باتیں ہیں
(عبد الحمید عدم)

 

[خالد محمود چوہدری]

محسن نقوی کا کلام ہے۔ پوری غزل حاضر ہے

یہ دِل یہ پاگل دِل میرا کیوں بجھ گیا آوارگی
اِس دشت میں اِک شہر تھا وہ کیا ہُوا آوارگی

کل شب مجھے بے شکل کی آواز نے چونکا دیا
میں نے کہا تُو کون ہے اُس نے کہا ’آوارگی

لوگو بھلا اُس شہر میں کیسے جئیں گے ہم جہاں
ہو جرم تنہا سوچنا لیکن سزا آوارگی

یہ درد کی تنہائیاں یہ دشت کا ویراں سفر
ہم لوگ تو اُکتا گئے اپنی سُنا آوارگی

اِک اجنبی جھونکے نے جب پوچھا میرے غم کا سبب
صحرا کی بھیگی ریت پر مَیں نے لکھا آوارگی

اُس سمت وحشی خواہشوں کی زد میں پیمانِ وفا
اِس سمت لہروں کی دھمک کچا گھڑا آوارگی

کل رات تنہا چاند کو دیکھا تھا مَیں نے خواب میں
محسنؔ مجھے راس آئے گی شاید سدا آوارگی

سر جی میں نے غلام علی کی آواز میں یہ غزل اوپر لنک کی ہے۔ اس میں اسی طرح ہے جیسے آپ نے بیان کی ہے

 

[شمشاد]

سر جی میں نے غلام علی کی آواز میں یہ غزل اوپر لنک کی ہے۔ اس میں اسی طرح ہے جیسے آپ نے بیان کی ہے

چوہدری صاحب میں نے بیان نہیں کی۔ یہ محسن نقوی کا کلام ہے اور انہوں نے ہی بیان کی تھی۔

 

[نوید رزاق بٹ]

نہ سلیقہ مجھ میں کلیم کا، نہ قرینہ تجھ میں خلیل کا
میں ہلاکِ جادوئے سامری، تُو قتیلِ شیوہء آزری

(شاعرِ مشرق)

 

[ماہا عطا]

یہ دشتِ ہجر، یہ وحشت یہ شام کے سائے
خدا یہ وقت تری آنکھ کو نہ دکھلائے

 

[شمشاد]

یہ سکوتِ ناز، یہ دل کی رگوں کا ٹُوٹنا
خامشی میں کچھ شکستِ ساز کی باتیں کرو
(فراق گورکھپوری)

 

[نوید رزاق بٹ]

وہ بتوں نے ڈالے ہیں وسوسے کہ دلوں سے خوفِ خدا گیا
وہ پڑی ہیں روز قیامتیں کہ خیالِ روزِ جزا گیا

(فیض)

 

[شمشاد]

اب دو عالم سے صدائے ساز آتی ہے مجھے
دل کی آہٹ سے تری آواز آتی ہے مجھے
(عبد الحمید عدم)

 

[نوید رزاق بٹ]

یہ کہہ سکتے ہو "ہم دل میں نہیں ہیں" پر یہ بتلاؤ
کہ جب دل میں تمہیں تم ہو تو آنکھوں سے نہاں کیوں ہو
- غالب

 

[شمشاد]

وہ عذر ِجرم کو بدتر گناہ سے سمجھے
کوئی محل نہ رہا اب قسم کھانے کا
(داغ دہلوی)

 

[نوید رزاق بٹ]

ان آبلوں سے پاؤں کے گھبرا گیا تھا میں
جی خوش ہوا ہے راہ کو پُر خار دیکھ کر
- غالب

 

[شمشاد]

رونے سے اور عشق میں بےباک ہو گئے
دھوئے گئےہم ایسے کہ بس پاک ہو گئے
(چچا)

 

[نوید رزاق بٹ]

یہ کہاں کی دوستی ہے کہ بنے ہیں دوست ناصح
کوئی چارہ ساز ہوتا، کوئی غم گسار ہوتا
-غالب

 

[شمشاد]

اب اس کے شہر میں‌ٹھہریں کہ کوچ کر جائیں
فراز آؤ ستارے سفر کے دیکھتے ہیں‌‌
(فراز)

 

[یونس]

نہ سوالِ وصل، نہ عرضِ غم، نہ حکایتیں نہ شکایتیں
ترے عہد میں دلِ زار کے سبھی اختیار چلے گئے ۔ !

 

[شمشاد]

یاد سے یاد کا تعلق ہے
درد اٹھتا نہیں کبھی تنہا
(شہزاد قیس)

 

[شمشاد]

ادھر کوئی نہیں آ رہا تو میں خود ہی اس کھیل کو آگے بڑھا دیتا ہوں۔

آس اُس در سے ٹوٹتی ہی نہیں
جا کے دیکھا ، نہ جا کے دیکھ لیا
(فیض احمد فیض)

 

[نوید رزاق بٹ]

اُڑ رہی ہے جو آسماں پہ خاک
میرا خستہ مکان تھی پہلے

- عاطف جاوید عاطف