بیت بازی سے لطف اٹھائیں (5)

[شمشاد]

وہ ٹیس کہ ابھری تھی ادھر یاد رہے گی
وہ درد کہ اٹھا تھا یہاں یاد رہے گا
(ابن انشاء)

 

[ماہی احمد]

اب بھی دیکھو چاند کو یارو!
ہے ان کی دیوار پہ رقصاں

 

[شمشاد]

نشہ ناز نے بے حال کیا ہے تم کو
اپنے ہے زور میں کم زور ہوئی جاتی ہو

میں کوئی آگ نہیں، آنچ نہیں، دھوپ نہیں
کیوں پسینہ میں شرابور ہوئی جاتی ہو
(جون ایلیا)

 

[ماہی احمد]

وہ ہمارے قریب ہوتے ہیں ۔۔۔۔ جب ہمارا پتہ نہیں ہوتا

جگر

 

[شمشاد]

اپنی انگڑائیوں پہ جبر نہ کر
مجھ پہ یہ قہر ٹوٹ جانے دے

ہوش میری خوشی کا دشمن ہےتو
مجھے ہوش میں نہ آنے دے
(جون ایلیا)

 

[ماہی احمد]

یہ دن بہار کےاب کے بھی راس آ نہ سکے
کہ غنچے کِھل تو سکے، کِھل کے مسکرا نہ سکے

 

[شمشاد]

یہ تیرے خط تیری خوشبو یہ تیری خواب و خیال
متاعِ جاں ہیں ترے قول و قسم کی طرح

گزشتہ سال انہیں میں نے گِن کے رکھا تھا
کسی غریب کی جوڑی ہوئی رقم کی طرح
(جون ایلیا)

 

[بےمروت]

وہاں گھر پہ کون ہے منتظر کہ ہو فکر دیر سویر کی
بڑی مختصر سی یہ رات ہے اسے چاندنی میں گزار دو

 

[شمشاد]

بےمروت آپ کو حرف "ح" سے شعر دینا چاہیے تھا جبکہ آپ نے حرف "و" سے شعر دیا ہے۔
-------------------------------------------------------------------------------------------

وہ جو میٹھی نیند کی مانند آیا تھا کبھی
میرے سپنے ہی چُرا کر لے گیا ہے کیا کروں
(رخسانہ نور)

 

[غ۔ن۔غ]

نہ ہو گا یک بیاباں ماندگی سے ذوق کم میرا
حبابِ موجۂ رفتار ہے نقشِ قدم میرا

مرزا غالب

 

[شمشاد]

آپ اور اِس فقیر سے رغبت
ربطِ لوح و قلم کی باتیں ہی
(عبد الحمید عدم)

 

[غ۔ن۔غ]

یہی فسانہ رہا ہے جنوں کے صحرا میں
کبھی فراق کے قصے کبھی وصال کی بات

(اندرا ورما )

 

[شمشاد]

تنہائیوں کا راج ہے دل میں تمہارے بعد
ہم نے کسی کو اس میں بسایا نہیں کبھی
(تسنیم کوثر)

 

[ماہی احمد]

یوں اٹھے آہ اس گلی سے ہم
جیسے کوئی جہاں سے اٹھتا ہے

میر

 

[شمشاد]

یہ سچ ہے کہ اک پل بھی تری یاد سے ہٹ کر
گزرا ،نہ کبھی میں نے گزارا، اُسے کہنا
(نجم الحسن کاظمی)

 

[ماہی احمد]

انداز بیاں میرا اغیار تک نہ پہنچا
کیا ایک بھی ہمارا خط یار تک نہ پہنچا

مومن

 

[شمشاد]

آنکھوں میں اڑ رہی ہے لٹی محفلوں کی دھول
عبرت سرائے دہر ہے اور ہم ہیں دوستو
منیر نیازی

 

[ماہی احمد]

وہ تو کل دیر تلک دیکھتا ایدھر کو رہا
ہم سے ہی حال تباہ اپنا دکھایا نہ گیا

میر

 

[شمشاد]

ایسا لگتا ہے میں اب نیند میں بھی روتا ہوں
آج اک جھیل سی دیکھی ہے ترے خواب کے ساتھ
(ندیم بھابھہ)

 

[ماہی احمد]

"ھ" اور "ہ" کسی سے بھی شعر ہو جائے؟