بیت بازی سے لطف اٹھائیں (5)

[کاشف اکرم وارثی]

ہوں مفسر کتاب ہستی کی​

مظہر شان کبریا ہوں میں​

بوند اک خون کی ہے تو لیکن​

غیرت لعل بے بہا ہوں میں​

​

 

[مہدی نقوی حجاز]

نہ تخت و تج میں نہ لشکر و سپاہ میں ہے
جو بات مرد قلندر کی بارگاہ میں ہے
اقبال

 

[شمشاد]

یہ تو بجا کہ ذوقِ سفر ہے ثبوتِ زیست​

اس دشت میں سموم و صبا دیکھ کر چلو
(احسان دانش)

 

[محمد بلال اعظم]

وہ آئے گھر میں ہمارے خدا کی قدرت ہے
کبھی ہم ان کو کبھی اپنے گھر کو دیکھتے ہیں

 

[شمشاد]

​

نہ کر ان سے ملنے کی اے دل ہوس​

کہاں خس ، کہاں شعلہء برق تاب
(عابد لاہوری)

 

[مہدی نقوی حجاز]

بھیس بدل بدل کے سب چال وہی چلا کئے
اپنا بھرم تو کھل گیا، ان کے بھرم نے کیا کیا
نصیر حیدر

 

[کاشف اکرم وارثی]

​

ابھی تک ہے سرورِ وارداتِ قلب اے واعظ​

زمانہ خود کو دہراتا، وقوعہ کاش پھر ہوتا​

 

[مہدی نقوی حجاز]

آجائے کبھی یاد تو جاں دے کہ خریدیں
اے جنس وفا تیرت خریدار وہی ہیں

 

[شمشاد]

نہ جانے رات کو کیا میکدے میں مشغلہ تھا​

کہ ہر نفس میں قیامت کا جوش و ولولہ تھا
(جوش)

 

[مہدی نقوی حجاز]

انکے دیکھے سے جو آجاتی ہے منہ پر رونق
وہ سمجھ تے ہیں کہ بیمار کا حال اچھا ہے

 

[شمشاد]

اُدھر تھی لرزشِ صہبا، اِدھر خرامِ نگار​

نرالی بحث چھڑی تھی، نیا مقابلہ تھا
(جوش)

 

[مہدی نقوی حجاز]

اب ان کو جب کبھی دیکھا سنبھل کے دیکھیں گے
ہم اپنے دل سے بھی اک چال چل کے دیکھیں گے
حفیظ ہوشیار پوری

 

[شمشاد]

یہ پھول مجھے کوئی وراثت میں ملے ہیں​

تم نے مرا کانٹوں بھرا بستر نہیں دیکھا
(بشیر بدر)

 

[مہدی نقوی حجاز]

ایسی جنت کا کیا کرے کوئی
جس میں لاکھوں برس کی حوریں ہوں

 

[شمشاد]

نہ کر ان سے ملنے کی اے دل ہوس​

کہاں خس ، کہاں شعلہء برق تاب
(عابد لاہوری)

 

[شمشاد]

نہ کر ان سے ملنے کی اے دل ہوس​

کہاں خس ، کہاں شعلہء برق تاب
(عابد لاہوری)

 

[مہدی نقوی حجاز]

بے نیازی حد سے گزری بندہ پرور کب تلک
ہم کہیں گے حال دل اور آپ فرمائیں گے "کیا"
غالب

 

[شمشاد]

اُنہیں جب سے دیکھا ہے عابد نے یوں​

نہ آرام دن کو، نہ ہے شب کو خواب​

(عابد لاہوری)

 

[مہدی نقوی حجاز]

بازیچہ اطفال ہے دنیا مرے آگے
ہوتا ہے شب و روز تماشا مرے آگے
غالب

 

[شمشاد]

یہ دشتِ ہجر، یہ وحشت، یہ شام کے سائے​

خدا یہ وقت تری آنکھ کو نہ دِکھلائے
(امجد اسلام امجد)