بیت بازی کا کھیل!

[سید محمد نقوی]

یا رب تجھے بیماری عابد کی قسم ہے
بیمار کی راتوں کو شفایاب سحر دے

 

[شمشاد]

یہ مجھ سے پوچھئیے کہ جستجو میں لذت ہے
فضائے دہر میں تحلیل ہو گیا ہوں میں
(اصغر گوندوی)

 

[سید محمد نقوی]

نہ مجھے شوق صبح آسائش
نہ مجھے ذوق شام عشرت ہے
جوش

 

[شمشاد]

یہاں کے لوگوں کی ہے خاصیت یہ سب سے بڑی
حبیب لگتے ہیں لیکن رقیب ہوتے ہیں
(راکیش)

 

[سید محمد نقوی]

نہ نگہ نے پیام نے وعدہ
نام کو ہم بھی یار کھتے ہیں

 

[شمشاد]

نہ نگہ نے پیام نے وعدہ
نام کو ہم بھی یار کھتے ہیں

دوسرا مصرعہ کچھ نامکمل سا ہے۔
------------------------------------------------

نہ ملا کر اداس لوگوں سے
حسن تیرا بکھر نہ جائے کہیں
(ناصر کاظمی)

 

[سید محمد نقوی]

نظر نیچی کی تو حیا بن گئی
نظر اونچی کی تو دعا بن گئی
نظر ترچھی کی تو ادا بن گئی
نظر پھیر لی تو قضا بن گئی
------------------------------------------
آپ کی یاد دہانی کا شکریہ، دوسرے مصرع میں ایک "ر" رہ گیا تھا۔
نہ نگہ، نے پیام، نے وعدہ
نام کو ہم بھی یار رکھتے ہیں
میر تقی میر

 

[شمشاد]

نظر نیچی کی تو حیا بن گئی
نظر اونچی کی تو دعا بن گئی
نظر ترچھی کی تو ادا بن گئی
نظر پھیر لی تو قضا بن گئی

بھائی میں نے یہ کچھ اس طرح پڑھا ہوا ہے :

نظر جھکائی تو حیا بن گئی
نظر اٹھائی تو دعا بن گئی
نظر چرائی تو ادا بن گئی
نظر پھیر لی تو قضا بن گئی
(شاعر نامعلوم)

 

[سید محمد نقوی]

میں نے عزیز میاں کی قوالی میں اسی طرح سنا ہے۔

 

[ف۔قدوسی]

یہ خوں کی مہک ہے کہ لب یار کی خوشبو
کس راہ کی جانب سے صبا آتی ہے دیکھو

گلشن میں بہار آئی کہ زنداں ہوا آباد
کس سمت سے نغموں کی صدا آتی ہے دیکھو

 

[شمشاد]

وہ شمع بن کے خود ہی اکیلے جلا کیئے
پروانے کل کی رات پریشان سے گئے
(سعید راہی)

 

[ف۔قدوسی]

يہ جو صدوں سے وفا کرتا ہوں
ميں تيرا کون ہوا کرتا ہوں
ديکھ کر کوئ بھی رستہ
تيرے آنے کی دعا کرتا ہوں

 

[شمشاد]

نسیم صبح گلشن میں گلوں سے کھیلتی ہو گی
کسی کی آخری ہچکی کسی کی دللگی ہو گی
(سیماب اکبر آبادی)

 

[ف۔قدوسی]

یہی دل تھا کہ ترستا تھا مراسم کے لیے
اب یہی ترکِ تعلق کے بہانے مانگے

 

[شمشاد]

یاد کسی کی چاندنی بن کر کوٹھے کوٹھے اتری ہے
یاد کسی کی دھوپ ہوئی ہے زینہ زینہ اتری ہے
(بشیر بدر)

 

[ف۔قدوسی]

يا د ماضی عذاب ھے يا رب
چھين لے مجھ سے حافظہ ميرا

 

[شمشاد]

آندھیوں کے ارادے تو اچھے نہ تھے
یہ دیا کیسے جلتا ہوا رہ گیا
(وسیم بریلوی)

 

[سید محمد نقوی]

سلام علیکم
ایک پل ملنا کسی سے اور پھر
اہل فن کا زندگی بھر سوچنا
محسن نقوی

 

[شمشاد]

اک خوابِ نا تمام کو تعبیر دے گیا
یہ کون مجھ کو ریشمی زنجیر دے گیا
(شبنم رحمٰن)

 

[سید محمد نقوی]

اس کو کہتے ہیں جنوں
ہے یہ ہی اعجاز جنوں
ہاتھ جس چیز پہ پڑجائے
گریباں ہوجائے