بیت بازی کا کھیل!

[شمشاد]

یہ شیشی یہ سپنے یہ رشتے یہ دھاگے
کسے کیا خبر ہے کہاں ٹوٹ جائیں
(سدرشن فاخر)

 

[سید محمد نقوی]

نہ پوچھ ہم سے کہ عظمت کی انتہا کیا ہے
یہ دیکھ رتبہ سلطان کربلا کیا ہے
قلم کو تھامے یہ پوچھے ہے کاتب تقدیر
مرے حسین بتادے تری رضا کیا ہے
سید عزیر حسن رضوی

 

[فرحت کیانی]

یہ سعادت لکھی ہے قسمت میں کس کی دیکھئے
خوں گرفتہ ایک میں ہوں اور خنجر سینکڑوں!!!

حیدر علی آتش

 

[سید محمد نقوی]

نہ نکلا کوئی بات کا اپنی پورا
مگر ایک نکلا تو منصور نکلا
داغ
بصد شکریہ از پیاسا صحرا

 

[شمشاد]

اِک عمر میری ذات پہ سا یہ فگن رہا
کچھ وقت ہم نے ساتھ گزارا تھا اور بس
(شبنم رحمٰن)

 

[سید محمد نقوی]

سمجھوتہ ہے تو اشک ندامت سے رقم ہو
اعلان بغاوت ہے تو پھر خوں سے لکھا جائے
پروین شاکر

 

[ف۔قدوسی]

یوں نفرتوں میں صبح و شام گزرتی ہیں
بنا چاہتوں کے یہ باتیں ناگوار گزرتی ہیں

 

[شمشاد]

نَے اسد جفا سائل، نَے ستم جنوں مائل
تجھ کو جس قدر ڈھونڈھا الفت آزما پایا
(چچا)

 

[ف۔قدوسی]

اےدوست راہِ‌زیست میں چل‌احتیاط ‌سے
گرتے ہوؤں کو کوئی یہاں تھامتا نہیں

 

[شمشاد]

نہ آئی سطوتِ قاتل بھی مانع، میرے نالوں کو
لیا دانتوں میں جو تنکا، ہوا ریشہ نَیَستاں کا
(چچا)

 

[ف۔قدوسی]

آنسو ہنسی ہنسی میں نکل آئے کیوں فراز
بیٹھے بٹھائے کون سے غم یاد آگئے

 

[شمشاد]

یاد کرنا ہر گھڑی اُس یار کا
ہے وظیفہ مجھ دلِ بیمار کا
(ولی محمد ولی)

 

[پیاسا صحرا]

اچھے عيسي ہو مريضوں کا خيال اچھا ہے
ہم مرے جاتے ہيں تم کہتے ہو حال اچھا ہے

امیرمینائی

 

[شمشاد]

یاد اتنا ہے کہ پہنچا درِ میخانے تک
کیا کہوں آگے کی آگے کا مجھے ہوش نہیں

 

[ف۔قدوسی]

نیند آجائے تو کیا محفلیں برپا دیکھوں
آنکھ کھل جائے تو تنہائی کا صحرا دیکھوں

 

[شمشاد]

نصیب آزمانے کے دن آ رہے ہیں
قریب ان کے آنے کے دن آ رہے ہیں
(فراز)

 

[ف۔قدوسی]

نظر نہ آنے پہ ہے یہ حالت کہ جنگ ہے شیخ و برہمن میں
خبر نہیں کیا سے کیا ہو دُنیا جو خود کو وہ بے نقاب کر دے

 

[شمشاد]

یہ ضروری نہیں ہر شخص مسیحا ہی ہو
پیار کے زخم امانت ہیں دکھایا نہ کرو
(محسن نقوی)

 

[ف۔قدوسی]

وابستہ میری یاد سے کچھ تلخیاں بھی تھیں
اچھا کیا جو مجھ کو فراموش کردیا

 

[شمشاد]

آج کی رات بھی گزری ہے میری کل کی طرح
ہاتھ آئے نہ ستارے تیرے آنچل کی طرح
(امیر قزلباش)