بیت بازی کا کھیل!

[ف۔قدوسی]

حالات سے لڑنا مشکل تھا،حالات سے رشتہ جوڑلیا
جس رات کی‌کوئی‌صبح نہ تھی،اس رات سےرشتہ جوڑلیا
(شکر ہے آجکل ی سے چٹکارا مل گیاہے)

 

[شمشاد]

اس خوش نگاہ کی عشق سے پرہیز کیجیؤ 'میر'
جاتا ہے لے کے جی ہی یہ آزار دیکھنا
(میر)

 

[سید محمد نقوی]

سلام علیکم
ایک ایک قطرے کا مجھے دینا پڑا حساب
خون جگر ودیعت مژگان یار تھا
غالب

 

[شمشاد]

اب میں ہوں اور ماتمِ یک شہرِ آرزو
توڑا جو تو نے آئینہ، تمثال دار تھا
(چچا)

 

[ف۔قدوسی]

امجد وہ سانحہ تو اسے یاد بھی نہیں
جو ہم نے عمر بھر کی نشانی بنالیا

 

[راجہ صاحب]

اب ان آنکھوں میں کوئی کہانی نہیں
کیسے دریا ہوئے جن میں پانی نہیں
ریزہ ریزہ بکھرنا مقدر ہوا
ہار کر بھی کبھی ہار مانی نہیں

 

[ف۔قدوسی]

نگاہیں آپ کی پہچان ہے ہماری
مسکراہٹ آپ کی شان ہے ہماری
رکھنا حفاظت سے خود کو
کیوں کہ زندگی آپ کی جان ہے ہماری

 

[راجہ صاحب]

یادوں کے تسلسل پہ کوئی بس نہیں چلتا
جب یاد کیا تم کو کہاں تک نہیں پہنچے

 

[سید محمد نقوی]

یہی رسوائیوں کی رت ہے محسن
سر بازار سر ہے اور پتھر

 

[زھرا علوی]

"رہ ِ حیات یوں تو بڑی خار دار ہے
تم ساتھ دے سکو تو سفرخوشگوار ہے"۔۔۔

 

[راجہ صاحب]

یہ نہیں کہتے کہ تجھ بن جی نہیں پائیں گے
ہاں ہماری زندگی میں اک کمی رہ جائے گی

 

[سید محمد نقوی]

یہ سخاوت مرے سجرے میں لکھی ہے پہلے
اپنے دسمن کو دعائیں تہ خنجر دینا
محسن نقوی

 

[فرخ منظور]

آج دیکھا ہے تجھ کو دیر کے بعد
آج کا دن گزر نہ جائے کہیں

(ناصر کاظمی)

 

[راجہ صاحب]

نیتِ شوق بھر نہ جائے کہیں
تو بھی دل سے اُتر نہ جائے کہیں

آج دیکھا ہے تجھ کو دیر کے بعد
آج کا دن گُزر نہ جائے کہیں


ناصر کاظمی

 

[شمشاد]

نہ جانے کیسے نئی رتوں میں پرانی یادوں کی ناؤ ڈوبی
نظر کے دریا میں آنے والا اُبال کتنا عجیب سا تھا

(نجم الثاقب)

 

[شاہ حسین]

اب نزع کا عالم ہے مجھ پر تم اپنی محب۔ّت واپس لے لو
جب کشتی ڈوبنے لگتی ہے تو بوجھ اُتارا کرتے ہیں‌

استاد قمر جلالوی

 

[شمشاد]

نہ راہزن، نہ کسی رہنما نے لوٹ لیا
ادائے عشق کو رسمِ وفا نے لوٹ لیا
(جگر مراد آبادی)

 

[راجہ صاحب]

اے دوست ہم نے ترکِ محبّت کے باوجود
محسوس کی ہے تیری ضرورت کبھی کبھی


ناصر کاظمی

 

[فرخ منظور]

یوں نہ مل مجھ سے خفا ہو جیسے
ساتھ چل موجِ صبا ہو جیسے
(احسان دانش)

 

[کاشفی]

یہ کِس کودیکھ کر دیکھاہے میں نے بزمِ ہستی کو
کہ جو شے ہے نگاہوں کو حسیں معلوم ہوتی ہے