بیت بازی کا کھیل!

[محمد نعمان]

ریختہ کے تمہیں استاد نہیں ہو غالبؔ
کہتے ہیں اگلے زمانے میں کوئی میرؔ بھی تھا

 

[زھرا علوی]

"ایک ڈر بستیوں میں رہتا ہے
کون خالی گھروں میں رہتا ہے
اب بھی تیرے خیال کا پنچھی
یاد کے گھونسلوں میں رہتا ہے"۔۔

 

[محمد وارث]

یہ کہاں کی دوستی ہے، کہ بنے ہیں دوست ناصح
کوئی چارہ ساز ہوتا، کوئی غمگسار ہوتا

 

[زھرا علوی]

"ایک نغمہ تھی محبت کی صدا
دل وہی آواز دوہراتا رہا"۔۔۔۔

ارم لکھنوی

 

[محمد وارث]

آج مشکل تھا سنبھلنا اے دوست
تُو مصیبت میں عجب یاد آیا

(ناصر کاظمی)

 

[زھرا علوی]

"اب میں ہوں، میری جاگتی راتیں ہیں ، خدا ہے
یا ٹوٹتے پتوں کے بکھرنے کی صدا ہے"۔۔۔

ناظر

 

[محمد وارث]

یاد کر کے اور بھی تکلیف ہوتی تھی عدیم
بھول جانے کے سوا اب کوئی بھی چارہ نہ تھا

(عدیم ہاشمی)

 

[شمشاد]

اب شہر میں اس کا بدل ہی نہیں، کوئی ویسا جانِ غزل ہی نہیں
ایوانِ غزل میں لفظوں کے گُلدان سجاؤں کس کے لیے
(ناصر کاظمی)

 

[محمد نعمان]

یہ جامہ صد چاک بدل لینے میں کیا تھا
مہلت ہی نہ دی فیضؔ ، کبھی بخیہ گری نے

 

[محمد وارث]

یہ کیا کہ اک جہاں کو کرو وقفِ اضطراب
یہ کیا کہ ایک دل کو شکیبا نہ کر سکو

(صوفی تبسم)

 

[محمد نعمان]

وہ چشم مست کتنی خبردار تھی عدمؔ
خود ہوش میں رہی ہمیں بدنام کر دیا

 

[محمد وارث]

آئے کچھ ابر کچھ شراب آئے
اسکے بعد آئے جو عذاب آئے

فیض

 

[شمشاد]

یا مجھے افسر شاہا نہ بنایا ہوتا
یا میرا تاج گدایا نہ بنایا ہوتا
(بہادر شاہ ظفر)

 

[زھرا علوی]

"ایسے زخموں کا کیا کرے کوئی
جن کو مرہم سے آگ لگ جائے"۔۔۔۔۔

 

[شمشاد]

یا رب غمِ ہجراں میں اتنا تو کیا ہوتا
جو ہاتھ جگر پہ ہے وہ دستِ دعا ہوتا
(چراغ حسن حسرت)

 

[زھرا علوی]

"اپنی بقا کی جنگ میں چڑیا شہبازوں سے جیت گئی
ترک وطن ہی اک حربہ تھا اس ننھی سی جان کے پاس"۔۔۔۔۔

طالب جوہری

 

[شمشاد]

سب کہاں کچھ لالہ و گل میں نمایاں ہو گئیں
خاک میں کیا صورتیں ہوں گی کہ پنہاں ہو گئیں
(چچا)

 

[زھرا علوی]

"نا راس آیا کبھی موسمِِ وصال مجھے
اے میرے ہجر پھر اک بار تو سنبھال مجھے
نکل چکے ہیں مرے ہاتھ سے سبھی مہرے
بساطِ زیست پہ اب چل رہی ہے چال مجھے"۔۔۔


حسنین محسن

 

[شمشاد]

یاد تھیں ہم کو بھی رنگا رنگ بزم آرائیاں
لیکن اب نقش و نگارِ طاقِ نسیاں ہو گئیں
(چچا)

 

[فرخ منظور]

ناوک انداز جدھر دیدہء جاناں ہوں گے
نیم بسمل کئ ہوں گے کئی بے جاں ہوں گے