بیت بازی کا کھیل!

[راجہ صاحب]

یہ اور بات کہ تم نے نہیں سنی ورنہ
شکست دل کی صدا دور دور جاتی ہے

 

[شمشاد]

یا وہ تھے خفا ہم سے یا ہم تھے خفا اُن سے
کل اُن کا زمانہ تھا آج اپنا زمانہ ہے
(جگر مراد آبادی)

 

[راجہ صاحب]

یاد اس کی اتنی خوب نہیں میر باز آ
نادان پھر وہ جی سے بھلایا نہ جائے گا
میر

 

[شمشاد]

اپنے عاشق کو نہ کھلواؤ کنی ہیرے کی
اُس کے آنسو ہی کفایت ہیں جگر کاٹنے کو
(ذوق)

 

[راجہ صاحب]

وہ تو کچھ ہو ہی گئی تم سے محبت ورنہ
ہم وہ خود سر ہیں کہ اپنی بھی تمنا نہ کریں

 

[شمشاد]

نگاہداریِ بہار آرزو کے واسطے
ہمارے نخلِ جاں کو بھی کوئی نگاہدار دے
(افتخار عارف)

 

[راجہ صاحب]

یہ حادثہ سر ساحل رلا گیا سب کو
بھنور میں ڈوبنے والوں کے ہاتھ بھی نہ ہلے


نامعلوم

 

[شمشاد]

یارب ہیں مرے ساتھ بہت حسرت و ارماں
ہو وسعتِ صحرائے عدم اور زیادہ
(داغ دہلوی)

 

[شمشاد]

ہائے صیاد تو آیا مرے پر کاٹنے کو
میں تو خوش تھا کہ چھری لایا ہے سر کاٹنے کو
(ذوق)

 

[راجہ صاحب]

وسعتِ رحمتِ حق دیکھ کہ بخشا جائے
مجھ سا کافرکہ جو ممنونِ معاصی نہ ہوا

غالب

 

[شمشاد]

آ گرا زندہ شمشان میں لکڑیوں کا دھواں دیکھ کر
اک مسافر پرندہ کئی سرد راتوں کا مارا ہوا
(منصور آفاق)

 

[راجہ صاحب]

اے دل ناعاقبت اندیش ضبطِ شوق کر
کون لا سکتا ہے تابِ جلوہِ دیدارِ دوست

 

[کاشفی]

تیغِ جلاد اُٹھی گردنِ تسلیم جھکی
شکر ہے حق وفا آج ادا ہوتا ہے
عشرت گیاوی

 

[شمشاد]

یہ الگ اس مرتبہ بھی پشت پر خنجر لگا
یہ الگ پھر زخم پچھلے زخم کے اندر لگا
(منصور آفاق)

 

[راجہ صاحب]

اُنکا بھی مدعا تھا مرا مدعا نہ تھا
پر کیا کروں کہ وہ تو مری مانتے نہیں

داغ دہلوی

 

[شمشاد]

ناقابلِ بیاں ہوئے کیوں اس کے خدو خال
یہ مسٗلہ ہے دیدہ وروں پر بنا ہوا
(منصور آفاق)

 

[راجہ صاحب]

اک خوابِ ہُنر کی آہٹ سے کیا آگ لہو میں جلتی ہے
کیا لہر سی دل میں چلتی ہے! کیا نشہ سا سر میں رہتا ہے

نامعلوم

 

[شمشاد]

یہ صرف پرندوں کے بسیرے کیلئے ہے
انگن میں کوئی پیڑ لگاتے ہوئے کہتا
(منصور آفاق)

 

[راجہ صاحب]

اگر میں کھڑکیا ں، دروازے بند کر لیتا
تو گھر کا بھید سرِ رہ گزر چلا جاتا
جمال احسانی

 

[شمشاد]

​

آنکھوں میں نمی سی ہے چُپ چُپ سے وہ بیٹھے ہیں​

نازک سی نگاہوں میں نازک سا فسانہ ہے​

(جگر مراد آبادی)​