بیت بازی کا کھیل!

[شمشاد]

شاعر کا نام، اگر معلوم ہو، وہ بھی لکھ دیا کریں تو کیا ہی بات ہے۔
-----------------------------------------------------------------------

یہ اور بات کہ وہ لب تھے پھول سے نازک
کوئی نہ سہہ سکے، لہجہ کرخت ایسا تھا
(شکیب جلالی)

 

[محمد شعیب خٹک]

ایک تو عشق کیا، عشق بھی پھر میر سا عشق
اس پہ غالب کی سی آشفتہ بیانی لوگو!
(فراز)

 

[راجہ صاحب]

وجہِ بے گانگی نہیں معلوم
تم جہاں کے ہو، واں کے ہم بھی ہیں

میر تقی میر

 

[محمد شعیب خٹک]

نہ میرے سر پہ ہے دستار کبر کا گنبد
نہ میرے دوش پہ چادر کوئی کفن کی طرح
(فراز)

 

[شمشاد]

حیران ہیں، لب بستہ ہیں، دلگیر ہیں غنچے
خوشبو کی زبانی تیرا پیغام ہی آئے
(ادا بدایونی)

 

[محمد شعیب خٹک]

یہ اور بات چشم نہ ہو معنی آشنا
عبرت کا ایک درس تھی تحریر جو بھی تھی
امجد ہماری بات وہ سُنتا تو ایک بار
آنکھوں سے اُس کو چُومتے، تعزیر جو بھی تھی

امجد اسلام امجد

 

[شمشاد]

یہی اجڑے ہوئے لوگ کبھی کام آئیں گے
چاہنے والوں کو پہچان میں رکھا کر
(عامر)

 

[محمد شعیب خٹک]

رنجش ہی سہی دل ہی دکھانے کے لئے آ
آ پھر سے مجھے چھوڑ کے جانے کے لئے آ

(فراز)

 

[شمشاد]

آگے پیچھے دائیں بائیں سائے سے لہراتے ہیں
دنیا بھی تو دشت بلا ہے ہم ہی نہیں دیوانے لوگ
(عبید اللہ علیم)

 

[محمد شعیب خٹک]

گرمئی حسرتِ ناکام سے جل جاتے ہیں
ہم چراغوں کی طرح شام سے جل جاتے ہیں
جب بھی آتا ہے تیرا نا م میرے نام کی ساتھ
جانے کیوں لوگ میرے نام سے جل جاتے ہیں

 

[شمشاد]

نہ مرے زخم کھلے ہیں نہ ترا رنگِ حنا
اب کے موسم ہی نہیں آئے گلابوں والے
(فراز)

 

[محمد شعیب خٹک]

یہ شرط نامہ جو دیکھا تو ایلچی سے کہا
اسے خبر نہیں تاریخ کیا سکھاتی ہے
کہ رات جب کسی خورشید کو شہید کرے
تو صبح اک نیا سورج تراش لاتی ہے

(احمد فراز کی مشور نظم "محاصرہ" سے)

 

[شمشاد]

یہ کس نے کہا تم کوچ کرو، باتیں نہ بناؤ انشاء جی
یہ شہر تمہارا اپنا ہے، اسے چھوڑ نہ جاؤ انشاء جی
(قتیل شفائی)

 

[محمد شعیب خٹک]

یقین کر کہ یہ کہنہ نظام بدلے گا
مرا شعور مزاج عوام بدلے گا

 

[شمشاد]

اجنبی شہر کے اجنبی راستے، میری تنہائی پر مسکراتے رہے
میں بہت دیر تک یونہی چلتا رہا، تم بہت دیر تک یاد آتے رہے
(راہی معصوم رضا)

 

[راجہ صاحب]

یہ جانتا ہوں کہ تو اور پاسخِ مکتوب!
مگر ستم زدہ ہوں ذوقِ خامہ فرسا کا

غالب

 

[شمشاد]

اسدبسمل ہے کس انداز کا، قاتل سے کہتا ہے
’تو مشقِ ناز کر، خونِ دو عالم میری گردن پر‘
(چچا)

 

[راجہ صاحب]

دس ماہ بعد کسی نے اس دھاگے میں لکھا ہے

رگِ سنگ سے ٹپکتا وہ لہو کہ پھر نہ تھمتا
جسے غم سمجھ رہے ہو یہ اگر شرار ہوتا

غالب

 

[شمشاد]

اس لیے کہ بیت بازی کے دو دھاگے ایک ہی وقت میں کھلے ہوئے ہیں۔
۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔


آیا میرے قریب تو منظر بدل گیا
رکھتا ہے بے وفا یہ ہنر مجھ کو اس سے کیا
(سید شکیل دسنوی)

 

[راجہ صاحب]

اے خدا آج اسے سب کا مقدّر کر دے
وہ محبّت کہ جو انساں کو پیمبر کر دے


احمد فراز