بیت بازی کا کھیل!

[شمشاد]

اِک ہِجر جو ہم کو لاحق ہے تا دیر اسے دہرائیں کیا
وہ زہر جو دِل میں اتار لیا پھر اس کے ناز اُٹھائیں کیا
(اطہر نفیس)

 

[عرفان سرور]

انجام کار بلبل دیکھا ہم اپنی آنکھوں
آوارہ تھے چمن میں دو چار ٹوٹے پر سے
میر تقی میر

 

[غ۔ن۔غ]

یہ تو بہت گڑ بڑ ہو رہی ہے،
ہم کسی حرف سے شعر پوسٹ کرتے ہیں اور تب تک ہم سے پہلے ہی اس حرف سے شعر آچکا ہوتا ہے
اور ہمارا شعر غلط لائن میں لگ جاتا ہے۔

 

[عرفان سرور]

اب جوں سرشک اُن سے پھرنے کی چشم مت رکھ
جو خاک میں ملے ہیں، گِر کر تری نظر سے
میر تقی میر

 

[شمشاد]

یہ تو صرف سوچ کا فرق ہے یہ تو صرف بخت کی بات ہے
کوئی فاصلہ تو نہیں, تیری جیت میں میری ہار میں
(اعتبار ساجد)

 

[غ۔ن۔غ]

اِک ہِجر جو ہم کو لاحق ہے تا دیر اسے دہرائیں کیا
وہ زہر جو دِل میں اتار لیا پھر اس کے ناز اُٹھائیں کیا
(اطہر نفیس)

اب کے تجدیدِ وفا کا نہیں امکاں جاناں
یاد کیا تجھ کو دلائیں تیرا پیماں جاناں

 

[عرفان سرور]

نہ دیکھا غمِ دوستاں شکر ہے
ہمیں داغ اپنا دکھا کر چلے

 

[عرفان سرور]

یہ تو بہت گڑ بڑ ہو رہی ہے،
ہم کسی حرف سے شعر پوسٹ کرتے ہیں اور تب تک ہم سے پہلے ہی اس حرف سے شعر آچکا ہوتا ہے
اور ہمارا شعر غلط لائن میں لگ جاتا ہے۔

اس کا حل یہ ہے کہ میں اب شعر نہیں پوسٹ کروں گا
آپ شمشاد بھائی کے ساتھ بیت بازی کریں

 

[غ۔ن۔غ]

وہ میں نے آپ کے شعر کا جواب دیا تھا
اور پھر شمشار بھائی کے شعر کا

جی بس جب بیت بازی میں حصہ لینے والے دو سے زیادہ ہوں تو یوں کرتے ہیں کہ جس شعر کا جواب لکھیں اس کو کوٹ کیا جائے
ٹھیک ہے ناں؟

 

[غ۔ن۔غ]

اس کا حل یہ ہے کہ میں اب شعر نہیں پوسٹ کروں گا
آپ شمشاد بھائی کے ساتھ بیت بازی کریں

ارے نہیں پلیز
آپ کو میری بات بری لگی ہو تو میں معافی چاہتی ہوں
آپ پلیز جاری رکھیئے بیت بازی
آپ بہت خوبصورت اشعار شئر کر رہے ہیں۔
میرے جانے کا وقت ہو گیا ہے اور براہِ مہربانی محسوس نہ کیجئے گا میری بات کو میں نے صرف ایک مشکل کی طرف
اشارہ کیا تھا جو صرف میری نہیں ہم سب کی تھی۔

 

[راجہ صاحب]

ہر لمحہ بڑے ہونے کا احساس ہے انکو
یہ لوگ کسی اونچے گھرانے کے نہیں ہیں

 

[عرفان سرور]

ارے نہیں پلیز
آپ کو میری بات بری لگی ہو تو میں معافی چاہتی ہوں
آپ پلیز جاری رکھیئے بیت بازی
آپ بہت خوبصورت اشعار شئر کر رہے ہیں۔
میرے جانے کا وقت ہو گیا ہے اور براہِ مہربانی محسوس نہ کیجئے گا میری بات کو میں نے صرف ایک مشکل کی طرف
اشارہ کیا تھا جو صرف میری نہیں ہم سب کی تھی۔

میں غصہ نہیں کرتا کسی کی بات کا میں بھی اب جا رہا
ہوں اس لیے کہا تھا کہ آپ بیت بازی جاری رکھیں ۔ ۔

 

[شمشاد]

اس کا حل یہ ہے کہ میں اب شعر نہیں پوسٹ کروں گا
آپ شمشاد بھائی کے ساتھ بیت بازی کریں

ارررررے بھائی اتنا غصہ اچھا نہیں ہوتا۔

ابھی تو بیت بازی میں کم اراکین ہیں، جب آٹھ دس اراکین ہوتے تھے تو کئی گھپلے ہوتے تھے۔ اور میں تو سمجھتا ہوں کہ دیا گیا شعر کس شعر کے جواب میں آیا۔

اچھا شعر اور اچھی شاعری پڑھنا نشے سے کم نہیں۔

ایک لحاظ سے غزل کا مشورہ بھی پسند آیا کہ جب زیادہ اراکین ہوں شعر کو کوٹ کر دینا چاہیے۔

 

[شمشاد]

ہر لمحہ بڑے ہونے کا احساس ہے انکو
یہ لوگ کسی اونچے گھرانے کے نہیں ہیں

نشاطِ قرب میں آئی ہے ایسی نیند مجھے
کھلے نہ آنکھ میریعمر بھر دعا کرنا
(اعتبار ساجد)

 

[راجہ صاحب]

آج اک اور برس بیت گیا اُس کے بغیر
جس کے ہوتے ہوئے، ہوتے تھے زمانے میرے
احمد فراز

 

[شمشاد]

راجہ صاحب پہلے مصرعے میں "اک اور برس" ہے نہ کہ "اک برس اور" اور یہ احمد فراز کا کلام ہے۔​

------------------------------------------------------------------------------------​

یاد میں تیری جہاں کو بھولتا جاتا ہوں میں​

بھولنے والے، کبھی تجھ کو بھی یاد آتا ہوں میں​

(آغا حشر)​

 

[راجہ صاحب]

شکریہ محترم ہو سکتا ہے ایسا ہی ہو
میں مدون کر لیتا ہوں
۔
ناصر یوں اس کی یاد چلی ہاتھ تھام کے
میلے میں اس جہان کے کھونے نہیں دیا
ناصر کاظمی

 

[شمشاد]

ناصر کاظمی کا خوبصورت شعر ہے۔​

-------------------------------------------------​

​

آبادی بھی دیکھی ہے ویرانے بھی دیکھے ہیں​

جو اُجڑے اور پھر نہ بسے دل وہ نرالی بستی ہے​

(فانی بدایونی)​

 

[راجہ صاحب]

یہ موسم کمیابی گُل کل بھی تھا
تم آج بھی نایاب ہو تم کون ہو
عبیداللہ علیم

 

[مغزل]

وا حسرتا کہ یار نے کھینچا ستم سے ہاتھ
ہم کو حریصِ لذّتِ آزار دیکھ کر !!!!!
میرزا اسد اللہ خاں غالب