بیت بازی کا کھیل!

[شمشاد]

حالِ دل میں نے جو دنیا کو سنانا چاہا
مجھ کو ہر شخص نے دل اپنا دکھانا چاہا
(کرار نوری)

 

[ف۔قدوسی]

ایک دل ہے کہ بسایا نہیں جاتا ہم سے
لوگ صحراؤں کو گلزار بنادیتے ہیں

 

[شمشاد]

نازکی اس کے لب کی کیا کہیے
پنکھڑی اک گلاب کی سی ہے

 

[ف۔قدوسی]

یہ انتقام بھی لینا تھا زندگی نے ابھی
جو لوگ دشمن جان تھے وہ غمگسار ہوئے

 

[شمشاد]

یہ معجزہ بھی محبت کبھی دکھائے مجھے
کہ سنگ تجھ پہ گرے اور زخم آئے مجھے

 

[ف۔قدوسی]

یوں لگے دوست تیرا مجھ سے جدا ہوجانا
جس طرح پھول سے خوشبو کا جدا ہوجانا

حالِ دل میں نے جو دنیا کو سنانا چاہا
مجھ کو ہر شخص نے دل اپنا دکھناچاہا
(قرار نوری)

دکھانا

 

[شمشاد]

اس طرح اپنی خامشی گونجی
گویا ہر سمت سے جواب آئے
(فیض)

 

[ف۔قدوسی]

یہ کچھ دن ہیں کہ اس کو یاد ہر اک شام کرنا ہے
پھر اپنے دل کی بستی میں اسے گمنام کرنا ہے

 

[شمشاد]

یہی بہت ہے کہ دل اس کو ڈھونڈ لایا ہے
کسی کے ساتھ سہی، وہ نظر تو آیا ہے
(امجد اسلام امجد)

 

[ف۔قدوسی]

یہ لوگ کیسے مگر دشمنی نبھاتے ہیں
ہمیں تو راس نہ آئ محبتیں کرنی

 

[الف عین]

یہی بہت ہے شکم پر ہے اور تن پہ لباس
ترے بغیر میں کچھ تام جھام کیا کرتا
ا ع
(شمشاد ۔ دو تصحیحات۔۔۔ یہ کرار نوری ہیں، قرار نوری نہیں۔
اور یہ شعر فیض کا ہے۔
اس طرح اپنی خامشی گونجی
گویا ہر سمت سے جواب آئے
اسی غزل کا جس کا مطلع ہے آئے کچھ ابر کچھ شراب آئے
اس کے بعد آئے جو عذاب آئے

 

[شمشاد]

بہت شکریہ اعجاز بھائی، میں نے تصحیح کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آپ کا لہجہ چیخ رہا ہے سچّی بات!
آپ نے بات بنائی بھی تو کیا حاصل
(فاخرہ بتول)

 

[ف۔قدوسی]

لٹ کے بھی خوش ہوں کہ اشکوں سے بھرا ہے دامن
دیکھ غیرت گر دل یہ بھی خزانے میں

 

[نوید صادق]

نہ ملا ہم کو کبھی تیری گلی میں آرام
نہ ہوا ہم پہ جز آزار ترے کوچے میں

شاعر: شیفتہ

 

[شمشاد]

نہ تو میں کسی کا حبیب ہوں نہ تو میں کسی کا رقیب ہوں
جو بگڑ گیا وہ نصیب ہوں جو اجڑ گیا وہ دیار ہوں
(بہادر شاہ ظفر)

 

[ف۔قدوسی]

نیند اسکی ہے،دماغ اسکا ہے،سوچیں اسکی ہیں
تیری زلفیں جس کے بازو پہ پریشان ہوگئیں

 

[شمشاد]

نہ ملا کر اداس لوگوں سے
تو بھی بدل نہ جائے کہیں

 

[ف۔قدوسی]

نقش گزرے ہوئے لمحوں کے ہیں دل پر کیا کیا
مڑ کے دیکھوں تو نظر آتے ہیں منظر کیا کیا

 

[شمشاد]

اس توبہ پر ہے ناز مجھے زاہد اس قدر
جو ٹوٹ کر شریک ہوں حال تباہ میں
داغ دہلوی)

 

[ف۔قدوسی]

نیند تو کیا آئے گی فراز!
موت آئے تو سو لیں گے