بیت بازی کا کھیل!

[پیاسا صحرا]

یہ ھم جو اپنے ھی مدھم دل کی صدا سے آگے نکل گئے ھیں
سماعتیں کھو گئیں ھیں یا پھر ھوا سے آگے نکل گئے ھیں
احمد فرید

 

[محمد نعمان]

نہ ہوں شاد کیوں اپنی مایوسیوں پر
مرے حال پر اک جہاں مسکرایا
( صفیہ شمیمؔ ملیح آبادی )

 

[راجہ صاحب]

اکیلے تم نہیں ، ہم بھی شب ِتنہائی رکھتے ہیں
مگر یادوں سے اپنا رشتہ یکجائی رکھتے ہیں

 

[سارہ خان]

نفرت کی آگ لگائے ہوئے ہیں لوگ
مہرو وفا کا درس بُھلا ئے ہوئے ہیں لوگ

 

[شمشاد]

گئے دنوں کا سراغ لیکر کدھر سے آیا کدھر گیا وہ
عجیب مانوس اجنبی تھا مجھے تو حیران کر گیا وہ
(ناصر کاظمی)

 

[سارہ خان]

ہلال عید بھی نکلا تھا وہ بھی آئے تھے
مگر انہی کی طرف تھی نظر زمانے کی

 

[شمشاد]

یہ معجزہ بھی محبت دکھائے مجھے
کہ سنگ تجھ پہ گرے اور زخم آئے مجھے

 

[فرحت کیانی]

یہ جو رات دن کا ہے کھیل سا، اسے دیکھ اس پہ یقیں نہ کر
نہیں عکس کوئی بھی مستقل سرِ آئینہ ، اسے بھول جا

 

[شمشاد]

آج تک اُس کی تھکن سے دُکھ رہا ہے یہ بدن
اک سفر میں نے کیا تھا خواہشوں کے ساتھ ساتھ
(عاطف سعید)

 

[تیشہ]

تھ ہے تو آخری لفظ ہ ہوا ناں


ہر چند کہ ہے جگ میں رواج اور طرح کا
پایا ہے مگر ہم نے مزاج اور طرح کا
اس سے کبھی اپنی نہ بنی ہے نہ بنے گی
ہم اور طرح کے ہیں سماج اور طرح کا ،،

تو ، ،، ، ا ۔

 

[فرحت کیانی]

اہلِ دل جس طرف سے گزرے ہیں
احتراماً سمٹ گئے رستے

 

[شمشاد]

یارو کسی قاتل سے کبھی پیار نہ مانگو
اپنے ہی گلے کے لیے تلوار نہ مانگو
(قتیل شفائی)

 

[فرحت کیانی]

وہی کارواں، وہی راستے، وہی زندگی، وہی مرحلے
مگر اپنے اپنے مقام پر کبھی تم نہیں کبھی ہم نہیں

 

[شمشاد]

ناؤ تو پانیوں کی تہوں میں اتر گئی
پتوار ‘ بادبان کے سہارے کدھر گئے
(فاخرہ بتول)

 

[راجہ صاحب]

یہ دل مانگا تو وہ بولے ٹہرو یاد کرنے دو
ذرا سی چیز تھی ہم نے نہ جنے کہاں رکھ دی

 

[شمشاد]

یہ تو اندھیرے سے ہے بہت ہی مانوس
آنکھ اب روشنی دیکھے گی تو ڈرجائے گی
(فاخرہ بتول)

 

[راجہ صاحب]

یہ لاشِ بے کفن اسد خستہ جاں کی ہے
حق مغفرت کرے عجب آزاد مرد تھا

 

[شمشاد]

اس نے بھی تو کئے تھے، مگر نبھائے نہیں
وعدے کبھی کئے تو کوئی یاد آ گیا
(فاخرہ بتول)

 

[راجہ صاحب]

آنکھ اٹھی محبت نے انگرائی لی
دل کا سودا ہوا چاندنی رات میں
اس کی نظروں نے کچھ ایسا جادو کیا
لٹ گئے ہم تو پہلی ملاقات میں

 

[ف۔قدوسی]

نام بھی جس کا زبان پر تھا دعاؤں کی طرح
وہ مجھے ملتا رہا نا آشناؤں کی طرح