بیت بازی

[عمر سیف]

اب دوبارہ شروع کرتے ہیں۔۔۔

آخری حرف ‘ل‘ تھا ۔۔۔

لاکھ چھپتے ہو مگر چھپ کے بھی مستور نہیں
تم عجب چیز ہو، نزدیک نہیں دور نہیں

 

[شمشاد]

نظر آئیں مجھے تقدیر کی گہرائیاں اس میں
نہ پوچھ اے ہمنشیں مجھ سے وہ چشمِ سرمہ سا کیا ہے
(علامہ)

 

[عمر سیف]

یہ مجھے چین کیوں نہیں پڑتا
ایک ہی شخص تھا دھیان میں کیا

 

[شمشاد]

اے لا الہ کے وارث باقی نہیں ہے تجھ میں
گفتارِ دلبرانہ، کردارِ قاھرانہ
(علامہ)

 

[عمر سیف]

ہماری زندہ دلی دیکھنے کے لائق ہے
لہو لہو میں مگر سینہ تانے آئے ہیں

 

[شمشاد]

یہ زباں کوئی غزل کی، نہ زباں سے باخبر میں
کوئی دل کشا صدا ہو، عجمی ہو یا کہ تازی
(علامہ)

 

[الف عین]

یاد آگئے تھے اپنے پہ بیتے کچھ ایسے پل
جی چاہتا تھا رونے کا، رو بھی نہیں سکا

 

[عمر سیف]

اے خاک نشینو اُٹھ بیٹھو، وہ وقت قریب آ پہنچا ہے
جب تخت گِرائے جائیں گے، جب تاج اُچھالے جائیں گے

 

[امیداورمحبت]

یوں کیا گیا مقفل لب واہ کا ہر دریچہ
ترے درد بولتے تھے میری گفتگو سے پہلے

 

[ظفری]

یاروں کو نصیب سرفرازی
مجھ کو تری گردِ راہ رہنا

(ناصر کاظمی )

 

[سارا]

اتنی بے کیف نہ ہوتی یہ گزر گاہِ حیات
تم کسی موڑ پہ مل جاتے تو اچھا ہوتا۔۔

 

[سارہ خان]

اُس کے یوں ترکِ تعلق کا سبب ہو گا کوئی
جی نہیں ‌مانتا وہ بے وفا پہلے سے تھا

 

[محمد سکندر حیات]

آ تجھ کو بتاؤں میں تقدیرِ امم کیا ہے
شمشیر وسناں اول، طاؤس و رباب آخر

 

[شمشاد]

روکتا ہے غمِ اظہار سے پندار مجھے
میرے اشکوں سے چھپا لے میرے رخسار مجھے
(مصطفے زیدی)

 

[عیشل]

یہ سچ ہے مجھ کو عقل نے کچھ پختگی تو دی
پر وہ مزا کہاں کہ جو نادانیوں میں تھا

 

[برادر]

اب کے ہم بچھڑے تو شاید کبھی خوابوں میں ملیں
جیسے سوکھے ہوئے کچھ پھول کتابوں میں ملیں​

 

[شمشاد]

اڑتے اڑتے آس کا پنچھی دور افق میں ڈوب گیا
روتے روتے بیٹھی گئی آواز کس سودائی کی
(قتیل شفائی)

 

[عمر سیف]

ی سے معذرت

کھل کے رو لوں تو ذرا جی سنبھلے
مسکرانا ہی مسرت تو نہیں

 

[شمشاد]

نہ گھر بار نہ کوئی ٹھکانہ خانہ بدوش ہیں
اپنا کام ہے چلتے جانا خانہ بدوش ہیں
(سعید راہی)

 

[عمر سیف]

نہ رہنماؤں کی مجلس میں لے چلو مجھ کو
میں بے ادب ہوں ہنسی آگئی تو کیا ہوگا