بیت بازی

[شمشاد]

اک آگ تھی کہ راکھ میں پوشیدہ تھی کہیں
اک جسم تھا کہ روح سے مصروفِ جنگ تھا
(حمایت علی شاعر)

 

[عمر سیف]

اس رات آسمان کی رنگت عجیب تھی
اس رات اپنے گھر میں کوئی سو نہیں سکا

 

[محمدعبیداللہ]

ان کے آنے سے جو آ جاتی ہے منہ پر رونق
وہ یہ سمجھتے ہیں کہ مریض کا حال اچھا ہے

 

[عمر سیف]

ے سے معذرت

ہماری آنکھوں میں چاند تارے تھے، ابر گریہ تھا، کہکشاں تھی
تم ایسے موسم میں آئے ہو جب تمام دریا اُتر گئے ہیں

 

[امیداورمحبت]

ناوک انداز جدھر دیدہ جاناں ہوں گے
نیم بسمل کئی ہونگے، کئی بے جاں ہونگے


(مومن)

 

[عمر سیف]

یہ مجھے چین کیوں نہیں پڑتا
ایک ہی شخص تھا دھیان میں کیا

 

[الف عین]

اجالے اپنی یادوں‌کے ہمارے ساتھ رہنے دو
نہ جانے کس گلی میں زندگی کی شام ہو جائے
ضبط، ی سے معذرت غلط ہے، ی کے تو اشعار بہت مل سکتے ہیں۔ ہاں لوگوں کے نام ی سے کم ہی ہیں۔ وہاں معذرت چل سکتی ہے۔

 

[ظفری]

یہ مجھے چین کیوں نہیں پڑتا
ایک ہی شخص تھا دھیان میں کیا

تصیح :

یہ مجھے چین کیوں نہیں پڑتا
ایک ہی شخص تھا جہان میں کیا

 

[عمر سیف]

تصحیح کا شکریہ ۔

چاچو ی سے مل تو جاتے ہیں پر جب لکھنے کی باری آتی ہے تب یاد ہی کوئی نہیں ہوتا اس لیے معذرت کر لیتا ہوں۔ آئیندہ خیال رکھوں گا۔

 

[حجاب]

يہ آڑھي ترچھي لکيريں بنا گيا ہے کون
ميں کيا کہوں مرے دل کا ورق توسادہ تھا ۔

 

[عمر سیف]

اب کسی طور سے گھر جانے کی صورت ہی نہیں
راستے میرے لیے ہوگئے دلدل کی طرح

 

[شمشاد]

حضور آپ کا بھی احترام کرتا چلوں
ادھر سے گزرا تھا سوچا سلام کرتا چلوں
(شاداب لاہوری)

 

[عمر سیف]

نہ ذات میں کوئی منزل، نہ کائنات میں ہے
سفر کروں تو کہاں، میرا کوئی جادہ نہیں

 

[شمشاد]

نظر ہو خواہ کتنی ہی حقائق آشنا پھر بھی
ہجومِ کشمکش میں آدمی گھبرا ہی جاتا ہے
(جوش ملیح آبادی)

 

[عمر سیف]

یہ رنگ چہرے کے اور خواب اپنی پلکوں کے
ہوا چلے کوئی ایسی بکھر نہ جائیں کہیں

 

[حجاب]

نہیں تیرا نشیمن قصرِ سلطانی کے گنبد پر
تو شاہیں ہے بسیرا کر پہاڑوں کی چٹانوں پر۔

 

[عمر سیف]

روز کھا لیتے ہیں ہنستے ہوئے چہروں سے فریب
کیا کریں اپنی نگاہوں میں مروت ہے ابھی

 

[شمشاد]

یہ قربتوں میں عجب فاصلے پڑے کہ مجھے
ہے آشنا کی طلب آشنا کے ہوتے ہوئے
(احمد فراز)

 

[عمر سیف]

یہیں سے سیکھے تھے آدابِ بندگی میں نے
یہیں جبیں تھی کبھی اور یہیں زمیں تھی کبھی

 

[شمشاد]

یہ رکھ رکھاؤ محبت سیکھا گئی اُس کو
وہ روٹھ کر بھی مجھے مسکرا کے ملتا ہے