بیگم آخر تجھے ہوا کیا ہے (غالب سے معذرت)

[امجد علی راجا]

تھوبڑا سُوج کر بنا کیا ہے
بیگم آخر تجھے ہوا کیا ہے

دن بدن پھیلتی ہی جاتی ہیں
بیویوں کا یہ مسئلہ کیا ہے

میری بیگم سے لڑ کے دیکھ ذرا
مجھ کو ڈرپوک مارتا کیا ہے

سر جھکاتا ہے ہر بھلا شوہر
جب وہ کہتی ہے "گھورتا کیا ہے"

اس کی ڈولی ہے میرے کاندھے پر
عشق میں اور مجھے ملا کیا ہے

وہ نہیں تھی ترے مقدر میں
اس کے شوہر کو گھورتا کیا ہے

حور جیسی تھی رات کو دلہن
صبح بستر سے یہ اُٹھا کیا ہے

خود ہی شادی کا شوق تھا تجھ کو
اہلِ خانہ کو کوستا کیا ہے

مفلسی میں بھی آٹھ دس بچے
اور ہمت کی انتہا کیا ہے

جوتیوں سے تجھے نوازیں گی
لڑکیوں کو تُو تاڑتا کیا ہے

شعر کوئی سمجھ نہیں آیا؟
کھوپڑی میں تری بھرا کیا ہے

 

[عینی شاہ]

 

[سید زبیر]

بہت خوب !مزاحآ یہ تو بہت عمدہ ہے

شعر کوئی سمجھ نہیں آیا؟​

کھوپڑی میں تری بھرا کیا ہے ​

 

[محمد خلیل الرحمٰن]

وہ نہیں تھی ترے مقدر میں
اس کے شوہر کو گھورتا کیا ہے


جوتیوں سے تجھے نوازیں گی
لڑکیوں کو تُو تاڑتا کیا ہے

واہ کیا بات ہے۔ داد قبول کیجیے جناب امجد علی راجا بھائی

 

[امجد علی راجا]

شکریہ زبیر بھائی​

 

[امجد علی راجا]

محمد خلیل الرحمٰن بھائی، آپ کی داد میرے لئے ٹانک ہے۔ شکریہ

 

[یوسف-2]

مفلسی میں بھی آٹھ دس بچے ​

اور ہمت کی انتہا کیا ہے ​

 

[امجد علی راجا]

یوسف بھائی شکریہ،
اللہ زندگی کرے میرا ایک ہی بیٹا ہے
اس بات سے آپ میری غربت اور کم ہمتی کا اندازہ لگا سکتے ہیں

 

[یوسف-2]

یوسف بھائی شکریہ،
اللہ زندگی کرے میرا ایک ہی بیٹا ہے
اس بات سے آپ میری غربت اور کم ہمتی کا اندازہ لگا سکتے ہیں

ابتدائے عشق ہے ”روتا“ ہے کیا ​

آگے آگے دیکھئے ”ہوتا “ہے کیا ​

 

[شمشاد]

یوسف بھائی شکریہ،
اللہ زندگی کرے میرا ایک ہی بیٹا ہے
اس بات سے آپ میری غربت اور کم ہمتی کا اندازہ لگا سکتے ہیں

اللہ برکت دینے والا ہے۔

ہمت مرداں مدد خدا

اٹھ باندھ کمر کیا ڈرتا ہے
پھر دیکھ خدا کیا کرتا ہے

 

[امجد علی راجا]

تو یوں کہیں نا شمشاد بھائی

اٹھ باندھ کمر کیا کرتا ہے
بیوی سے کیوں تُو ڈرتا ہے

کانٹوں سے نہ ڈر، چُن پھولوں کو
کیوں دور سے آہیں بھرتا ہے

 

[امجد علی راجا]

یوسف بھائی!
جب کمر کس لی جنوں نے دوستو
اس سے کیا ڈرنا کہ آگے ہوگا کیا

 

[قیصرانی]

بہت خوب امجد علی راجا
لگتا ہے کہ آپ بھی میرے والا کلب جائن کر چکے ہیں۔ ورنہ اتنی ہمت نہ دکھاتے

 

[امجد علی راجا]

اپنے کلب کا نام تو بتا دو قیصرانی بھیا
کہیں "شادی زدہ" تو نہیں؟
جیسے غمزدہ، دکھ زدہ، تکلیف زدہ

 

[محمد بلال اعظم]

واہ
کیا بات ہے آپ کی

یہ شعر ہر کالج کے باہر لکھا ہونا چاہیے

جوتیوں سے تجھے نوازیں گی
لڑکیوں کو تُو تاڑتا کیا ہے

 

[امجد علی راجا]

واہ بلال بھائی!
کیا مشورہ دیا ہے
لیکن کہیں ایسا نہ ہو کہ جواب میں لڑکیاں کچھ اس طرح کےاشعار لکھ کر لگا دیں:

پہلے حسرت سے دیکھتے تھے ہمیں
اب تو لگتا ہے سو گئے لڑکے

کالج آنےکو دل نہیں کرتا
خار راہوں میں بو گئے لڑکے

چھیڑتے ہیں نہ تاڑتے ہیں ہمیں
کتنے بے ذوق ہو گئے لڑکے

 

[مقدس]

 

[محمد بلال اعظم]

واہ بلال بھائی!
کیا مشورہ دیا ہے
لیکن کہیں ایسا نہ ہو کہ جواب میں لڑکیاں کچھ اس طرح کےاشعار لکھ کر لگا دیں:

پہلے حسرت سے دیکھتے تھے ہمیں
اب تو لگتا ہے سو گئے لڑکے

کالج آنےکو دل نہیں کرتا
خار راہوں میں بو گئے لڑکے

چھیڑتے ہیں نہ تاڑتے ہیں ہمیں
کتنے بے ذوق ہو گئے لڑکے

ہائے ہائے
ہزاروں خواہشیں ایسی کہ ہر خواہش پہ دم نکلے
بہت نکلے مرے ارمان لیکن پھر بھی کم نکلے

ویسے بھی صنفِ نازک کو کسی طور چین نہیں۔

 

[عبدالقدوس راشد]

واہ بلال بھائی!
کیا مشورہ دیا ہے
لیکن کہیں ایسا نہ ہو کہ جواب میں لڑکیاں کچھ اس طرح کےاشعار لکھ کر لگا دیں:

پہلے حسرت سے دیکھتے تھے ہمیں
اب تو لگتا ہے سو گئے لڑکے

کالج آنےکو دل نہیں کرتا
خار راہوں میں بو گئے لڑکے

چھیڑتے ہیں نہ تاڑتے ہیں ہمیں
کتنے بے ذوق ہو گئے لڑکے

اس صنف نازک کا بھی خدا حافظ ہے۔ (ہر کوئی نہیں جو اس طرح کی ہیں)

 

[امجد علی راجا]

آپ کا لوٹ پوٹ ہو جانا اس بات کی دلیل ہے کہ میرا اندازہ کچھ غلط نہیں ہے