بہت شکریہ سرکار آپ نے ہمیں یاد کیا۔۔۔ ۔مجھے پتہ ہے آپ کی یاد خالی خولی سگریٹ پلانے کی نہیں ہے۔
بھرا جی سگریٹ چھوڑے دو سال ہونے کو ہیں۔۔۔ دو سالوں میں ہم نے دھواں تک نہیں سونگھا ۔۔۔
ویسے ہم نے سگریٹ نویں کلاس سے ہی شروع کر دئیے تھے۔مجھے یاد ہے اُس وقت ہائی لائٹ سگریٹ ہوا کرتا تھا،تھوڑا بڑا ہوتا تھا اور ذرا دیر سے ختم ہوتا تھا ۔۔۔ اسی لئے ہم وہی پیا کرتے تھے۔اس کے بعد ہم نے کالج کے دور میں گولڈ لیف شروع کیا،اسے چار پانچ سال پیا،مگر اس کے بعد سگریٹ چھوڑنے تک ہم صرف بینسن اینڈ ہیجز ہی پیا کرتے تھے۔کیونکہ ہمارا سوچنا یہ تھا کہ اگر زہر ہی پینا ہے تو پھر اچھا کیوں نہ پیا جائے۔
ویسے اس وقت کے مشہور برانڈ میں تھری کیسل ،(اور دوسرے ولائتی یاد نہیں) تھری کیسل بھی اس لئے یاد رہا کہ عید کے عید ہم اسے ہی پیا کرتے تھے۔پاکستانی برانڈ میں گولڈ لیف ، کیپٹن،ریڈ اینڈ وائٹ،ہائی لائٹ،کے ٹو،ہتھوڑا اور کچھ دوسرے شامل تھے۔
چرس کے لئے سب سے پسندیدہ سگریٹ ریڈ اینڈ وائٹ ہوا کرتا تھا ، مگر جب گولڈ فلیگ آیا تو اس نے اس معاملے میں ریڈ اینڈ وائٹ کو مات دے دی۔آج کے دن تک چرسی چرس کے لئے گولڈ فلیگ کو ہی پسند کرتے ہیں ۔
اب میرا کہنا یہ ہے کہ سگریٹ پینا کوئی اچھی عادت نہیں ہے، اس سے منہ سے اور کپڑوں سے خاصی ناگوار بو آتی ہے ۔جس سے آپ اپنی محبوبہ کے نزدیک نہیں جا سکتے ۔۔
میرا خیال ہے اتنا کافی ہے
